Jeremiya 40:11 - Siswati 1996 Bible

¹¹ Kwatsi onkhe emaJuda labekaMowabi, naka-Amoni, naka-Edomu, nakuwo onkhe lamanye emave, nakeva kutsi inkhosi yaseBhabhulona ishiye imisalela kaJuda, yase ibeka Gedaliya, umsa wa-Ahikamu, umsa waShafani, kutsi abe ngumbusi wabo,

Jeremiya 40:11 Referencias Cruzadas

Genesisi 36:8

Ngako-ke Esawu, labekatiwa ngekutsi ngu-Edomu, wahlala eveni letintsaba eSeyiri.

Isaya 11:14

Bayawukwehla emaceleni aseFilistiya bawahlasele enshonalanga, bobabili bayawuphanga bantfu labahlala emphumalanga. Bayawulidla live laka-Edomu nelakaMowabi, babuse etikwema-Amoni.

Isaya 16:4

Hlalani nabo lababaleke kulakaMowabi, nibe sivikelo sabo kumbulali.” Umcindzeteli utawuphela, bese iyema imbhubhiso; umuntfu welutfutfuva utawunyamalala eveni;

Jeremiya 24:9

‘Ngiyawubenta babe sinengiso nesikhubekiso kuyo yonkhe imibuso yemhlaba, babe lihlazo nesiga, babe yintfo yekuhlekisa nesicalekiso, nome ngukuphi lapho ngibadzingisele khona.

Jeremiya 41:10

Ishmayeli wabe sewutfumba bonkhe labantfu lababeseMispa, emakhosatana kanye nabo bonkhe labanye lababesele lapho, Nebuzaradani, indvuna yabomahlalesangweni labebeke Gedaliya, umsa wa-Ahikamu, kutsi abe ngumbusi wabo. Ishmayeli, umsa waNethaniya, wabatfumba, washuca nabo wacondza ngesheya eveni laka-Amoni.

Jeremiya 43:5

Esikhundleni saloko, Johanani, umsa waKhareya, nato tonkhe tindvuna temabutfo tayihola embili yonkhe imisalela yakaJuda leyayibuyele kuhlala eveni lakaJuda, isuka etiveni tonkhe lapho yayisakateleke khona.

Jeremiya 43:6

Tayihola embili yonkhe: emadvodza, nebafati, nebantfwana, nemadvodzakati enkhosi, Nebuzaradani, indvuna yabomahlalesangweni, abewashiye naGedaliya, umsa wa-Ahikamu, umsa waShafani, tahamba naboJeremiya, umphrofethi, naBharuki, umsa waNeriya.

Jeremiya 9:26

baseGibhithe, nebakaJuda, nebaka-Edomu, nebaka-Amoni, nebakaMowabi, nabo bonkhe labahlala ehlane etindzaweni letikhashane. Ngobe tonkhe leto tive empeleni atikasoki, ngisho nayo yonkhe indlu yaka-Israyeli ayikasoki enhlitiyweni.”

Hezekeli 25:12

“Naku lokushiwo yiNkhosi Simakadze, itsi: ‘Njengobe Edomu wakhiphela sibhongo endlini yakaJuda waba nelicala kakhulu ngekwenta njalo,

Hezekeli 25:2

“Ndvodzana yemuntfu, bhekisa buso bakho ngakuma-Amoni, uphrofethe umelane nawo.

Hezekeli 25:6

Ngobe naku lokushiwo yiNkhosi Simakadze, itsi: Njengobe ushaye tandla takho wagidza ngetinyawo takho, wajabula ngabo bonkhe bubi benhlitiyo yakho umelene nelive laka-Israyeli,

Hezekeli 25:8

“Naku lokushiwo yiNkhosi Simakadze, itsi: ‘Njengobe boMowabi naSeyiri batsi: “Ase nibuke indlu yakaJuda seyigucuke yafanana nato tonkhe letinye tive,”

Hezekeli 34:6

Timvu tami tazulazula kuto tonkhe tintsaba nakuwo onkhe emagcuma laphakeme. Tasakateka kuwo wonkhe umhlaba, kwabate lotifunako nalotelusako.

Hezekeli 35:15

Njengobe wajabula ngesikhatsi lifa lendlu yaka-Israyeli liba lihlane, nami-ke ngiyawukuphatsa kanjalo. Uyawuba lihlane, wena live letintsaba taseSeyiri, yebo, wena nalo lonkhe laka-Edomu. Ngulapho-ke bayawukwati khona kutsi mine nginguSimakadze.’ ”

Hezekeli 35:5

“ ‘Njengobe wafukamela butsa bakadzeni, wanikela ema-Israyeli enkembeni ngesikhatsi senhlekelele yawo, ngesikhatsi sesijeziso sawo sekuphela, ehlulelwa ngenca yalokubi kwawo,

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 5:3

Kodvwa ubotsatsa imicu lembalwa yaletinwele uyitfukuse emificitweni yalengubo yakho.

Numeri 22:1

Sive sema-Israyeli sesuka lapho sacondza ematsafeni akaMowabi, sefike semisa emathende ngesheya kwemfula iJordane malungana neJerikho.

Numeri 25:1

Ngesikhatsi sive sema-Israyeli siseseShithimu, emadvodza acala kungenela kulalana nalabasikati besive semaMowabi.

Numeri 25:2

Laba labasikati bawamema lamadvodza kutsi ete atekwenta umhlatjelo kubonkulunkulu babo. Lamadvodza adla, akhotsama, akhonta labonkulunkulu bemaMowabi.

1 Samuweli 11:1

Nahashi, um-Amoni, wakhuphuka wayawuvimbetela iJabeshi Gileyadi. Onkhe emadvodza aseJabeshi amncenga atsi: “Yenta sivumelwane natsi, sitawuba tinceku takho.”

1 Samuweli 12:12

“Kodvwa nine nitsite kube nibone kutsi Nahashi, inkhosi yema-Amoni, uyanisukela, nase nitsi kimi: ‘Hhayi; tsine sesifuna inkhosi letawubusa etikwetfu.’ Kodvwa noko Simakadze Nkulunkulu wenu abeyinkhosi yenu.