Jeremiya 4:9 - Siswati 1996 Bible

⁹ Simakadze utsi: “Ngalelo langa, inkhosi netindvuna bayawuphelelwa ngemandla, baphristi bayawukwesaba, nebaphrofethi bayawutfutfumela.”

Jeremiya 4:9 Referencias Cruzadas

2 Emakhosi 25:4

Lubondza-ke lwalelidolobha lwase luyafohlwa, imphi yonkhe yabhuza ebusuku seyibaleka, yaphuma ngelisango lelisemkhatsini wetibondza letimbili letatingasengadzeni yenkhosi, lite nome emaBhabhulona abelitungeletile lelidolobha. Yabaleka yabhekisa emabombo ngase-Arabha,

Tihlabelelo 102:4

Inhlitiyo yami ihashukile yabuna njengetjani. Angisadli, nekudla akusangeni, ngobe inhlitiyo yami imnyama.

Isaya 19:16

Ngalelo langa baseGibhithe bayawuba njengebafati. Bayawutfutfumela ngenca yekwesaba ingalo yaSimakadze longuSomandla leyawube iphakanyiselwe kumelana nabo.

Isaya 19:3

EmaGibhithe ayawuphelelwa ngemandla; emasu awo ngiyawuwacedza atsi nya. Ayawuya etithicweni ayewuphengula, aze ayewufuna labaphansi, netangoma, nalababhulako.

Isaya 28:19

Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Jeremiya 2:26

“Njengobe lisela lihlazeka nase libanjiwe, kanjalo nendlu yaka-Israyeli ihlazekile, bona, nemakhosi abo, netindvuna tabo, nebaphristi babo kanye nebaphrofethi babo.

Jeremiya 25:34

Khalani nilile, nine belusi; gicikani elutfulini, nine baholi bemhlambi. Ngobe sikhatsi sekuhlatjwa kwenu sesifikile, niyakuwa niphihlike njengeludziwo loluhle.

Jeremiya 37:19

Baphi labaphrofethi benu labaniphrofethela batsi: ‘Inkhosi yaseBhabhulona ingeke ikuhlasele, nalelive ingeke ilente lutfo’?

Jeremiya 48:41

Emadolobha atawutfunjwa, kudliwe netinqaba tawo. Ngalelo langa tinhlitiyo tetihlabani takaMowabi tiyawufanana nenhlitiyo yemfati nasaphetfwe ngumhelo.

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Jeremiya 52:7

Lubondza-ke lwalelidolobha lwase luyafohlwa, imphi yonkhe yesuka yabaleka. Besuka edolobheni ebusuku, baphuma ngelisango lelisemkhatsini wetibondza letimbili letiseceleni kwengadze yenkhosi, lite nome emaBhabhulona abelitungeletile lelidolobha. Babaleka babhekisa emabombo ngase-Arabha,

Imisebenti yebaPhostoli 13:41

“ ‘Caphelani, nine tedzeleli! Nimangale nife! Ngobe umsebenti lengiwenta emihleni yenu, nguleningeke niwukholwe, ngisho nome lomunye asanichazela ngawo.’ ”