Jeremiya 4:22 - Siswati 1996 Bible

²² “Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 4:22 Referencias Cruzadas

Genesisi 39:16

Lengubo wayigcina lomfati, kwaze kwefika indvodza yakhe.

2 Samuweli 13:3

Amnoni abenemngani wakhe lekwakunguJonadabi, umsa waShama, umnakaboDavide. Jonadabi bekuyindvodza leyayinebucili kakhulu.

Tihlabelelo 36:3

Inkhulumo yakhe ikuganga nemacebo; ubuyekele bucotfo bakhe nekwenta lokulungile.

Tihlabelelo 36:4

Utsi alele abe akha emachinga ekuganga, sewuhamba ngendlela lembi, akakwenyanyi lokubi aphambane nako.

Tihlabelelo 53:4

Pho, bate yini lwati labantfu labenta lokubi? Badla bantfu bami kube shangatsi badla sinkhwa, bangathandazi nakuNkulunkulu.

Tihlabelelo 82:5

“Abati lutfo, abacondzi lutfo, badvukuta ebumnyameni; tonkhe tisekelo temhlaba tiyatanyatanyiswa.

Taga 28:5

Bantfu lababi abacondzi kahle lokulungile kutsi kuyini; kodvwa labo labakhonta Simakadze bakucondzisisa kahle konkhe.

Isaya 1:3

Inkhabi iyamati umniyo, nembongolo sibaya semniyo, kodvwa Israyeli akati lutfo, sive sami asicondzi.”

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Jeremiya 10:8

Tonkhe atinangcondvo tetfwele bulima, tifundziswa tithico letingenamsebenti tetigodvo.

Jeremiya 13:23

UmTopiya angasigucula yini sikhumba sakhe nome ingwe emabala ayo? Nani ningeke nikwente lokuhle, ngobe senetayele kwenta lokubi.

Jeremiya 2:8

Baphristi abazange babute, batsi: ‘Uphi Simakadze?’ Labo labafundzisa ngemtsetfo abazange bangati, nebaholi bangivukela. Baphrofethi baphrofetha ngaBhali, balandzela tithico letingenamsebenti.”

Jeremiya 4:21

Sekuyawuze kube ngunini solomane ngibuka lesiboniso semphi, ngilalele umsindvo welicilongo?

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Jeremiya 5:4

Ngacabanga ngatsi: “Laba ngulabamphofu bodvwa, batilima, ngobe abayati indlela yaSimakadze, imiyalo lefunwa nguNkulunkulu wabo, kubo.

Jeremiya 9:2

Kube mane benginendzawo yekuphumulela tihambi ehlane, lapho bengingashiya khona sive sami, ngisuke kuso, ngobe bonkhe batiphingi, sicumbi sebantfu labangaketsembeki.

Jeremiya 9:3

“Balola tilwimi tabo njengebutjoki, bentele kudubula emanga. Abaphumeleli ngalo liciniso eveni. Besuka esonweni baye esonweni, abanginaki nekunginaka,” kusho Simakadze.

Jeremiya 9:5

Umngani uyenga bangani, kute namunye lokhuluma liciniso. Bafundzise tilwimi tabo kukhuluma emanga; bayatiphuphisa bona ngekwenta sono.

Hezekeli 16:30

“ ‘Maye, ulihatsa bo, kusho iNkhosi Simakadze, nase wenta tonkhe letintfo, uyaye ulingise ingwadla lengatibambi ledle lubangalala!

Hoseya 4:1

Vanini livi laSimakadze, nine ma-Israyeli, ngobe Simakadze usenelicala latanibeka lona, nine lenihlala kulelive, utsi: “Kute kwetsembeka, kute lutsandvo, kute kuphakamisa Nkulunkulu eveni.

Hoseya 4:6

bantfu bami bayabhujiswa ngenca yekweswela lwati. “Njengobe nikulahlile kwati mine, nami-ke sengiyanilahla kutsi ningete naba baphristi bami; njengobe niwutsalalisele umtsetfo waNkulunkulu wenu, nami-ke ngiyawubatsalalisela bantfwabenu.

Hoseya 5:4

“Tento tabo atibavumeli kutsi babuyele kuNkulunkulu wabo. Umoya webugwadla usetinhlitiyweni tabo, abamhloniphi Simakadze.

Amose 3:10

Simakadze utsi: “Abati kutsi bangakwenta njani lokulungile, labo lababutsise budlova nemphango etigodlweni tabo.”

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.

Lukha 16:8

“Inkhosi yayidvumisa lendvuna lengaketsembeki ngekwenta lentfo lenebucili kangaka, ngobe bantfu balomhlaba bahlakaniphile esitukulwaneni sabo kunebantfu bekukhanya.”

Johane 16:3

Bayawukwenta konkhe loku, ngobe bangamati Babe, nami bangangati.

KubaseRoma 1:22

Batsi bahlakaniphile, besuka baba tilima;

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

KubaseRoma 16:19

Ngiyajabula ngani ngobe kulalela kwenu kuyatiwa kubo bonkhe. Ngifisa kutsi nihlakaniphe kulokulungile, nibe msulwa kulokungakalungi.

KubaseRoma 3:11

kute ngisho namunye locondzisisako, kute lofuna Nkulunkulu.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

Dutheronomi 32:28

“Basive lesite ingcondvo, kute kubo kwehlukanisa lokubi nalokuhle.

Dutheronomi 32:6

Kungabe lena nguyona ndlela yini lenibonga ngayo kuSimakadze, nine sive lesilibele nalesingakahlakaniphi? Akusiyena yini longuyihlo, uMdali wenu, lowo lowanenta wanibumba?