Jeremiya 4:2 - Siswati 1996 Bible

² nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”

Jeremiya 4:2 Referencias Cruzadas

Genesisi 22:18

Tive tonkhe temhlaba tiyawubusiswa ngetitukulwane takho, ngobe ulalele livi lami.’ ”

1 Emakhosi 3:6

Solomoni waphendvula watsi: “Wentela inceku yakho, Davide babe wami, umusa lomkhulu, ngobe yena abetsembekile kuwe futsi alungile anenhlitiyo lecotfo. Wena uchubeke nawo lomusa wakho kuye, waze wamupha nendvodzana yakhe letawuhlala esihlalweni sakhe sebukhosi lamuhla nje.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Tihlabelelo 99:4

Simakadze, nguwe losimise kulunga kwenkhosi letsandza kubusa ngekungakhetsi muntfu; nguwe lowehlisela lokuhle kuJakobe, waletsa kulunga nebucotfo.

Isaya 45:23

Ngitifunge mine, umlomo wami ukhulume ngabo bonkhe bucotfo livi lelingeke liphindze liguculwe, litsi: Emadvolo onkhe ayawukhotsama embikwami; tonkhe tilimi tiyawufunga ngami.

Isaya 45:25

Kodvwa kuSimakadze tonkhe titukulwane taka-Israyeli tiyawusindziswa, futsi tiyawumdvumisa.

Isaya 65:16

Lowo loncenga sibusiso eveni uyawutibusisa ngaNkulunkulu lowetsembekile; lowo lowenta sifungo eveni uyawufunga ngaNkulunkulu lowetsembekile. Ngobe tinhlupheko letendlulile tiyawukhohlakala, tifihlakale emehlweni ami.”

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 12:15

Kodvwa ngitawutsi ngingabazuphuna, ngiphindze ngibe nesihawu kubo ngibuyisele ngulowo nalowo eveni lakhe lekulifa lakhe.

Jeremiya 12:16

Nangabe bafundze kahle tindlela tebantfu bami base bafunga ngeLibito lami, batsi: ‘Ngifunga kuphila kwaSimakadze,’ njengaloku bake bafundzisa bantfu bami kutsi bafunge ngaBhali, bayawube sebayahlaliswa emkhatsini wesive sami.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 3:17

Ngalawo malanga iJerusalema bayawuyibita ngekutsi Sihlalo Sebukhosi SaSimakadze, tonkhe tive tiyawubutsana eJerusalema, tiyewuhlonipha Libito laSimakadze. Bangeke basayilandzela inkhani yetinhlitiyo tabo letimbi.

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Jeremiya 5:2

Nome bakhuluma batsi: ‘Ngifunga kuphila kwaSimakadze,’ noko basafunga emanga.”

Jeremiya 7:5

Nanitigucula ngempela tindlela tenu netento tenu, niphatsane ngekwemtsetfocotfo,

Jeremiya 9:24

Kodvwa lowo lotigabatisako akatigabatise ngaloku: Kwekutsi uyangicondza, futsi uyangati mine, kutsi nginguSimakadze lophatsana ngemusa, ehlulele ngekwemtsetfocotfo, abuse nangekulunga emhlabeni, ngobe ngiyajabula-ke kuloko,” kusho Simakadze.

Hoseya 2:19

Ngiyawukwendzisela kimi kuze kube phakadze naphakadze; ngiyawukwendzisa ngekulunga, nangekwemtsetfo, nangekwelutsandvo, nangesihawu.

Joweli 2:12

Simakadze uyakhuluma utsi: “Namanje phendvukani, nibuye kimi ngenhlitiyo yenu yonkhe, ngekuzila, nangekukhala kanye nangekulila.”

Zakhariya 8:8

Ngiyawubabuyisa batewuhlala eJerusalema; bayawuba bantfu bami, nami ngibe nguNkulunkulu wabo ngekwetsembeka nangekulunga.”

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

1 kubaseKorinthe 1:31

Ngako-ke: “Lotibongako, akatibonge ngeNkhosi,” njengobe kusho umBhalo.

2 kubaseKorinthe 10:17

UmBhalo utsi: “Lowo lofuna kutibonga, akatibonge ngeNkhosi.”

KubaseGalathiya 3:8

UmBhalo wakubona kucala kutsi Nkulunkulu nebetive uyawubalungisisa ngekukholwa; ngiwo lowashumayela liVangeli kucala ku-Abrahama watsi: “Tive tonkhe tiyawubusiswa ngawe.”

Dutheronomi 10:20

Yesabani Simakadze Nkulunkulu wenu, nimkhonte. Bambelelani kuye nitsatse tifungo tenu egameni lakhe.

Dutheronomi 4:30

Naniselusizini senehlelwe ngito tonkhe letintfo, kuyawutsi emvakwaloko nibuyele kuSimakadze Nkulunkulu wenu, nimlalele.

Dutheronomi 6:13

Yesabani Simakadze Nkulunkulu wenu, nikhonte yena yedvwa, nifunge ngelibito lakhe.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

Ruthe 3:13

Sale ulala kwalamuhla. Kusasa ekuseni ngitawuvukela kuye ngalendzaba. Nangabe uyavuma kukungena, kutabe kulungile. Kodvwa nangabe akafuni, ngetsembisa phambi kwaSimakadze kutsi ngitakungena mine. Ngako lala kuze kuse.”

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”