Jeremiya 4:17 - Siswati 1996 Bible

¹⁷ Akaka wena Jerusalema, njengemadvodza lagadze insimi, ngobe ungihlubukile,’ ” kusho Simakadze.

Jeremiya 4:17 Referencias Cruzadas

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Nehemiya 9:30

Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.

Isaya 1:8

INdvodzakati yaseSiyoni seyisele njengendlu yekukhosela esivinini, nanjengelichugwana ensimini yemajoti, yebo, njengelidolobha lelivinjetelwe.

Isaya 30:9

Babantfu labahlubukako, bantfwana labanemanga, nalabangafuni kulalela imiyalo yaSimakadze.

Jeremiya 5:23

Kodvwa labantfu banenkhani netinhlitiyo letihlubukako, bakhweshele eceleni bahamba.

Jeremiya 52:4

Kwatsi ngemnyaka wemfica wekubusa kwaSedekiya, ngelilanga lelishumi, enyangeni yelishumi, Nebukhadnezari, inkhosi yaseBhabhulona, washuca wayawuhlasela iJerusalema kanye nawo onkhe emabutfo ayo. Bemisa ngephandle kwelidolobha, bakha tivimbetelo letatilitungeleta lonkhe.

Sililo 1:18

“Simakadze ulungile, noko ngayihlubuka imitsetfo yakhe. Lalelani, nonkhe nine tive, bukani kuhlupheka kwami. Emajaha akami netintfombi takami sebatfunjiwe.

Sililo 1:8

IJerusalema yone kakhulu, ngaloko seyisinengiso. Bonkhe lababeyihlonipha sebayayedzelela, ngobe sebabubonile bungcunu bayo; yona cobo lwayo iyabubula ifulatsele.

Dutheronomi 9:24

Nine anizange nimlalele Simakadze, seloku ngacala kunati.