Jeremiya 39:9 - Siswati 1996 Bible

⁹ Nebuzaradani, indvuna yabomahlalesangweni benkhosi, watfumba bantfu lababesele edolobheni kanye nalabanye nje bantfu labebasele, wabayisa eBhabhulona kanye nalabo labahlubuke baya kuye.

Jeremiya 39:9 Referencias Cruzadas

Genesisi 37:36

Lena eGibhithe, emaMidiyani afike atsengisa Josefa kuPhotifari, lomunye wetiphatsimandla taFaro; loPhotifari abeyindvuna yetingadzi tesigodlo.

2 Emakhosi 20:18

Labanye betitukulwane takho, labayingati yakho nenyama yakho, lewuyawutalelwa bona, bayawutfunjwa bayekwentiwa batsenwa basesigodlweni senkhosi yaseBhabhulona.’ ”

2 Emakhosi 25:11

Nebuzaradani, indvuna yabomahlalesangweni, wabatfumba bonkhe labantfu lababesele kulelidolobha neluntfu lonkhe lolwalusele, wabatfumba kanye nalaba lababehlubuke baya enkhosini yaseBhabhulona.

2 Emakhosi 25:20

Nebuzaradani, indvuna yabomahlalesangweni, wabatsatsa bonkhe, wayawubetfula enkhosini yaseBhabhulona eRibla.

Isaya 5:13

Ngako-ke lesive sami sitawutfunjwa ngenca yekubate kucondza, emadvodza aso lanetikhundla atakuwa abulawe yindlala, tincumbi taso tiyawuhashulwa komela emanti.

Jeremiya 10:18

Ngobe naku lokushiwo nguSimakadze, utsi: “Ngalesikhatsi ngiyawubadzacata labo labakhile kulelive. Ngiyawubacindzetela ngenjabhiso lembi, kuze bakuve bonkhe.”

Jeremiya 16:13

Ngako-ke ngitanikhipha kulelive, nginiyise eveni leningazange senilati, nine kanye naboyihlo; lapho-ke niyawufike nikhonte labanye bonkulunkulu busuku nemini, ngobe angisayikuniphatsa ngesihe.’ ”

Jeremiya 24:8

“ ‘Kodvwa njengalamakhiwa lamabi langadleki ngiyakwenta njalo kuSedekiya, inkhosi yakaJuda, netindvuna takhe, nensali yaseJerusalema, nome basele lapha kulelive nome bahlala eGibhithe,’ kusho Simakadze.

Jeremiya 38:19

Inkhosi Sedekiya yakhuluma kuJeremiya, yatsi: “Ngiyawesaba lamaJuda lasahlubuke aya kumaBhabhulona, ngobe encenye laba baseBhabhulona bangahle banginikele kuwo, afike angiphatse kabi.”

Jeremiya 40:1

Kwefika livi laSimakadze kuJeremiya emvakwekube Nebuzaradani, indvuna yabomahlalesangweni, asamkhululile eRama. Abemkhandze Jeremiya aboshwe ngetinketane emkhatsini wabo bonkhe batfunjwa lababephuma eJerusalema nakaJuda, batfunjwa bayiswa eBhabhulona.

Jeremiya 40:7

Kwatsi kube tonkhe tindvuna temphi kanye nemadvodza ato labesasele etigangeni, beve kutsi inkhosi yaseBhabhulona yase ibeke Gedaliya, umsa wa-Ahikamu, kutsi abe ngumbusi welive, wambeka nekutsi engamele emadvodza, nebafati, nebantfwana lababemphofu kakhulu kulelo live lababengakatfunjwa bayiswa eBhabhulona,

Jeremiya 52:26

Nebuzaradani, indvuna yabomahlalesangweni, wabatsatsa bonkhe wayawubetfula enkhosini yaseBhabhulona, eRibla.

Jeremiya 52:27

Lapho eRibla, eveni laseHamathi, inkhosi yafike yababulalela khona. Ngako Juda waya ekutfunjweni, khashane nelive lakhe.

Danyela 2:14

Kwatsi ngesikhatsi Ariyoki, indvuna yabomahlalesangweni benkhosi, asahambile kuyawubulala tati taseBhabhulona, Danyela wakhuluma kuye ngekuhlakanipha lokukhulu nangekucophelela.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Dutheronomi 4:27

Simakadze uyawunisakatela etiveni letinye, bayawuba yingcosana benu labayawusala kuleto tive Simakadze layakube anisakatele kuto.