Jeremiya 38:27 - Siswati 1996 Bible

²⁷ Tonkhe letiphatsimandla teta kuJeremiya tatawumbuta, watitjela konkhe loko labekutjelwe yinkhosi kutsi akusho. Ngako tangabe tisasho lutfo kuye, ngobe kute namunye labeyivile lengcoco yakhe nenkhosi.

Jeremiya 38:27 Referencias Cruzadas

2 Emakhosi 6:19

Elisha wase uyabedukisa watsi: “Akusiyo indlela lena, nalelidolobha akusilo leli lenilifunako. Ngilandzeleni nginimikise kulomuntfu lenimfunako.” Wase uyabahola, wabangenisa eSamariya.

Jeremiya 38:25

Natingeva letiphatsimandla kutsi bengicoca nawe, tite kuwe tifike titsi: ‘Sitjele kutsi utsiteni enkhosini, nekutsi inkhosi itsiteni kuwe, ungasifihleli, ngaphandle kwaloko siyawukubulala,’

Jeremiya 38:26

ubobe sewutitjela utsi: ‘Bengitincengela enkhosini kutsi imane ingangibuyiseli endlini kaJonathani kuyawufela khona.’ ”

Jeremiya 38:28

Jeremiya wahlala esibuyeni sabogadzi, kwaze kwaba lilanga leyatfunjwa ngalo iJerusalema.

Imisebenti yebaPhostoli 23:6

Kodvwa njengobe Pawula abesabonile kutsi babehlukene kabili, labanye kubaSadusi, labanye kubaFarisi, waphakamisa livi alicondzise kuleLiqoqo watsi: “Madvodza, bazalwane, mine ngingumFarisi lotalwa baFarisi; la ngimangalelwe ngelitsemba lekutsi labafile bayawuvuka baphile.”