Jeremiya 38:23 - Siswati 1996 Bible

²³ “Onkhe emakhosikati akho nebantfwabakho bayawuyiswa kubaseBhabhulona, nawe cobo lwakho ngeke uphunyule etandleni tabo, kodvwa uyawubanjwa yinkhosi yaseBhabhulona, nalelidolobha liyawubhujiswa ngemlilo.”

Jeremiya 38:23 Referencias Cruzadas

2 Emakhosi 25:7

Emadvodzana aSedekiya abulawa embikwemehlo akhe abukile. Emvakwaloko bakupuluta emehlo aSedekiya, bambopha ngetinketane telitfusi, bammikisa eBhabhulona.

Jeremiya 21:10

Ngitimisele kwenta lokubi kulelidolobha, hhayi lokuhle, kusho Simakadze. Liyawuniketelwa etandleni tenkhosi yaseBhabhulona, ilibhubhise ngemlilo.’ ”

Jeremiya 32:4

Sedekiya, inkhosi yakaJuda, ngeke aphunyule etandleni temaBhabhulona, yena nakanjani utawunikelwa enkhosini yaseBhabhulona. Uyawukhuluma nayo umlomo nemlomo, ayibone ngewakhe emehlo.

Jeremiya 34:3

Ngeke uphunyule esandleni sakhe nase akubambile, kodvwa nakanjani utawutfunjwa unikelwe esandleni sakhe. Inkhosi yaseBhabhulona utayibona ngemehlo akho, futsi itawukhuluma nawe buso nebuso. Wena utakuya eBhabhulona.

Jeremiya 37:8

BaseBhabhulona-ke batabe sebayabuya batewuhlasela lelidolobha, balitfumbe, bese balilumeka ngemlilo lishe liphele.’

Jeremiya 38:18

Kodvwa nawungeke ukhotsame kuto tiphatsimandla tenkhosi yaseBhabhulona, lelidolobha litawunikelwa etandleni temaBhabhulona, futsi bayakulishisa, nawe cobo lwakho ungeke uphunyule esandleni sabo.’ ”

Jeremiya 38:24

Sedekiya wakhuluma kuJeremiya, watsi: “Ungatjeli muntfu ngalengcoco yetfu; ngaphandle kwaloko utakufa.

Jeremiya 39:5

Kodvwa lamabutfo aseBhabhulona abacosha, akhandza Sedekiya etsafeni laseJerikho. Ambamba ammikisa kuNebukhadnezari, inkhosi yaseBhabhulona, labeseRibla, eveni laseHamathi, lapho akhipha khona sigwebo sakhe kuye.

Jeremiya 39:6

Kwatsi khona lapho eRibla inkhosi yaseBhabhulona yabulala emadvodzana aSedekiya embikwemehlo akhe abukile, yabulala nabo bonkhe labahloniphekile bakaJuda.

Jeremiya 41:10

Ishmayeli wabe sewutfumba bonkhe labantfu lababeseMispa, emakhosatana kanye nabo bonkhe labanye lababesele lapho, Nebuzaradani, indvuna yabomahlalesangweni labebeke Gedaliya, umsa wa-Ahikamu, kutsi abe ngumbusi wabo. Ishmayeli, umsa waNethaniya, wabatfumba, washuca nabo wacondza ngesheya eveni laka-Amoni.

Jeremiya 6:12

Tindlu tabo tiyawunikwa labanye, konkhe kanye nemasimi abo nebafati babo, nangiphindza ngelula sandla sami kulabo labahlala kulelo live,” kusho Simakadze.

Hezekeli 14:9

“ ‘Nangabe umphrofethi acindzetelekile kutsi aphimisele siphrofetho, ngimi Simakadze lomcindzetele lowo mphrofethi, futsi ngiyakwelula sandla sami ngimelane naye, ngimbhubhise emkhatsini wesive sami, ema-Israyeli.

Hezekeli 17:15

Kodvwa inkhosi lensha yayivukela inkhosi yaseBhabhulona ngekutsi itfumele emancusa ayo eGibhithe kutsi ayewutfola emahhashi nemphi lenkhulu. Iyawuphumelela yini? Uyawuphumelela yini umuntfu lowenta tintfo letinje? Angasephula yini sivumelwane aphindze aphumelele?

Hezekeli 43:3

Lombono lengawubona wawufanana nembono lengangiwubone, nakefika kutewubhubhisa lidolobha, uphindze ufanane nemibono lengangiyibone eceleni kwemfula iKhebari, ngawa ngibhekise buso phansi.

Numeri 4:18

“Caphelani kutsi tinsendvo tesive semaKhohati tingapheli emkhatsini wemaLevi,