Jeremiya 38:19 - Siswati 1996 Bible

¹⁹ Inkhosi Sedekiya yakhuluma kuJeremiya, yatsi: “Ngiyawesaba lamaJuda lasahlubuke aya kumaBhabhulona, ngobe encenye laba baseBhabhulona bangahle banginikele kuwo, afike angiphatse kabi.”

Jeremiya 38:19 Referencias Cruzadas

2 Tikhronike 30:10

Tigijimi taphuma tangena kuwo onkhe emadolobha aka-Efrayimu, newakaManase, kuze kuyewufika kulakaZebuloni, kodvwa sive sasiteya sihlekise ngato.

Nehemiya 4:1

Watsi kube eve Sanbalati kutsi tsine maJuda siyaluvusa lolubondza, watfukutsela wagaya tiboti. Wawahhalatisa emaJuda,

Jobe 31:34

Ngempela, angizange ngesabe kutsi bantfu batawutsini, angizange ngibindze nome ngitivalele endlini ngenca yekubesaba labo bantfu.

Taga 29:25

Kwesaba bantfu kulugibe; kodvwa lowo lowetsembekile kuSimakadze ulondvolotekile.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Jeremiya 20:7

Awu Simakadze, wangiyenga, nami ngayengeka, wangehlula ngemandla, waphumelela. Nyalo sengiyinhlekisa kubantfu lonkhe lilanga, bonkhe bantfu bayangiphukuta.

Jeremiya 38:22

Onkhe lamakhosikati lasele esigodlweni senkhosi yakaJuda, atawukhishwa ayiswe kuto tiphatsimandla tenkhosi yaseBhabhulona. Lamakhosikati ayawukhuluma kuwe, atsi: “ ‘Bakwedukisa baze bakwehlula, labo bangani bakho lobetsembako. Tinyawo takho titike ekhatsi eludzakeni; bangani bakho bakulahlile.’

Jeremiya 38:5

Inkhosi Sedekiya yaphendvula yatsi: “Usetandleni tenu, inkhosi ingeke yente lutfo lolungamelana nani.”

Jeremiya 39:9

Nebuzaradani, indvuna yabomahlalesangweni benkhosi, watfumba bantfu lababesele edolobheni kanye nalabanye nje bantfu labebasele, wabayisa eBhabhulona kanye nalabo labahlubuke baya kuye.

Johane 12:42

Noko-ke labanyenti ngisho nakutiphatsimandla bakholwa kuJesu, kodvwa ngenca yekwesaba baFarisi abazange bafakaze ngako, ngobe bebangahle bancunywe esinagogeni.

Tikhulu 16:25

Batsi nase bamnandzi, bamemeta batsi: “Khiphani Samsoni atesidlalela.” Ngako babita Samsoni ejele, bamletsa embikwabo, wabagidzela. Bambeka emkhatsini wetinsika.

Tikhulu 9:54

Masinyane Abimeleki wabita ludzibi lwakhe, watsi: “Sheshisa uhoshule inkemba yakho ungibulale, kuze bangasho batsi: ‘Wabulawa ngumfati.’ ” Ngako inceku yamcedzela, wafa.

1 Samuweli 15:24

Sawula wakhuluma kuSamuweli, watsi: “Ngonile. Ngiwephulile umyalo waSimakadze kanye nemiyalo yakho. Ngesabe bantfu, ngabe sengiyabayekela.

1 Samuweli 31:4

Sawula wakhuluma neludzibi lwakhe, watsi: “Khipha inkemba yakho ungicedzele, kungaze kufike labantfu labangasoki bangicedzele, ngihlazeke.” Kodvwa loludzibi lwakhe lwalwesaba, lungeke lukwente loko; ngako Sawula watsatsa inkemba yakhe, watiwisela kuyo, atibulala.