Jeremiya 37:21 - Siswati 1996 Bible

²¹ Inkhosi Sedekiya yase ikhipha umyalo kutsi Jeremiya akabekwe esibuyeni sabogadzi anikwe sinkhwa lesibuya esitaladini sebabhaki onkhe emalanga, size siphele sonkhe sinkhwa edolobheni. Ngako Jeremiya wahlala esibuyeni sabogadzi.

Jeremiya 37:21 Referencias Cruzadas

2 Emakhosi 25:3

Kwatsi ngelilanga lemfica enyangeni yesine, indlala yakhungatsa lelidolobha kamatima, kangangekutsi kwaze kwabate lokwakungadliwa bantfu.

Jobe 5:20

Ngesikhatsi sendlala uyakukusindzisa ekufeni, nasemphini akusindzise enkembeni.

Tihlabelelo 37:19

Bangeke bajabhiswe ngetikhatsi letimatima, bayawuba nenala ngetikhatsi tendlala.

Tihlabelelo 37:3

Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Taga 21:1

Inhlitiyo yenkhosi isesandleni saSimakadze, uyicondzisa kalula njengemanti emfula.

Isaya 33:16

Ngulowo-ke umuntfu lotawuhlala ekuphakameni, losiphephelo sakhe kutawuba yinqaba yemadvwala. Uyakunikwa sinkhwa sakhe, angawesweli emanti ekunatsa.

Jeremiya 20:2

watsi akushaywe Jeremiya, umphrofethi, abanjwe afakwe esitokisini lesingaseSangweni LakaBhenjamini Lelisetulu lelalisethempelini laSimakadze.

Jeremiya 32:2

Imphi yenkhosi yaseBhabhulona yase ivimbetele iJerusalema, Jeremiya umphrofethi abevalelwe esibuyeni sabogadzi, esigodlweni senkhosi yakaJuda.

Jeremiya 32:8

“Ngako-ke, njengobe Simakadze abeshito, umzala wami Hanameli weta kimi esibuyeni sabogadzi, watsi: ‘Tsenga insimi yami e-Anathothi, eveni lakaBhenjamini. Njengobe kulilungelo lakho kutsi uyihlenge ibe yakho, titsengele yona.’ “Ngavele ngati kutsi leli bekulivi laSimakadze;

Jeremiya 33:1

Kwatsi ngesikhatsi Jeremiya asevalelwe esibuyeni sabogadzi, livi laSimakadze laphindze lefika kuye kwesibili, latsi:

Jeremiya 38:13

base bamdvonsa ngaletindophi bamkhiphela ngephandle kwalomgodzi. Jeremiya wahlala esibuyeni sabogadzi.

Jeremiya 38:28

Jeremiya wahlala esibuyeni sabogadzi, kwaze kwaba lilanga leyatfunjwa ngalo iJerusalema.

Jeremiya 38:6

Ngako batsatsa Jeremiya bamfaka emgodzini wakaMalkhiya, umntfwanenkhosi, lowawusekhatsi esibuyeni sabogadzi. Jeremiya bamehlisa ngetindophi, bamehlisela emgodzini, noko wawute emanti lapha kuwo, kwakuneludzaka nje. Jeremiya watika kuloludzaka.

Jeremiya 38:9

“Nkhosi yami, inkhosi, labantfu bente sento lesibi kabi kuJeremiya, umphrofethi. Sebamfake emgodzini lapho atawubulawa yindlala adzimate afe, ngobe sekute sinkhwa lapha edolobheni.”

Jeremiya 52:6

Kwatsi ngelilanga lemfica lenyanga yesine, indlala lapha edolobheni yase imatima kangangekutsi kwase kute nekudla kwalabantfu labebangakudla.

Sililo 5:10

Sikhumba setfu sishisa njengelitiko, siyavevetela ngenca yekulamba.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Imisebenti yebaPhostoli 12:5

Ngako-ke Phetro walondvolotwa ejele, kodvwa libandla belithandaza limncusela kuNkulunkulu.

Imisebenti yebaPhostoli 24:27

Ekupheleni kweminyaka lemibili sikhundla saFeliksi satsatfwa nguPhokhiyusi Festusi. Njengobe Feliksi abefuna kutsandvwa ngemaJuda, wavele washiya Pawula asesejele.

Imisebenti yebaPhostoli 28:16

Satsi nasifika eRoma, Pawula wavunyelwa kutsi ahlale yedvwa, wabekwa nelisotja lekumgadza.

Imisebenti yebaPhostoli 28:30

Wacedza iminyaka lemibili Pawula ahleti lapho, ahlala endlini labeyicashile. Abemukela ngetandla totibili bonkhe labebeta batemvakashela.

Kubase-Efesu 4:1

Ngako-ke mine siboshwa eNkhosini, ngiyanincenga kutsi nihambe ngalokufanele kubitwa lenabitwa ngako.

Kubase-Efesu 6:20

Ngikhulekeleni-ke, kutsi mine lengilincusa lelisetinketaneni ngenca yeliVangeli, ngilikhulume ngesibindzi njengobe kungifanele.

2 kuThimothi 1:8

Ngako-ke ungabi nemahloni ngekufakaza ngeNkhosi yetfu. Ubete emahloni nangami, siboshwa sayo, kodvwa hlanganyela nami ekuhluphekeleni liVangeli ngemandla aNkulunkulu.

2 kuThimothi 2:9

Ngilo leliVangeli lengilihluphekelako, ngidzimate ngaboshwa nangetinketane, kwaba shangatsi ngisigebengu. Kepha noko livi laNkulunkulu alikaboshwa.