Jeremiya 37:19 - Siswati 1996 Bible

¹⁹ Baphi labaphrofethi benu labaniphrofethela batsi: ‘Inkhosi yaseBhabhulona ingeke ikuhlasele, nalelive ingeke ilente lutfo’?

Jeremiya 37:19 Referencias Cruzadas

2 Emakhosi 3:13

Elisha wakhuluma enkhosini yaka-Israyeli, watsi: “Sihlangene ngani nje tsine nawe? Hamba uye kubaphrofethi beyihlo nakubaphrofethi benyoko uyewubuta kubo.” Inkhosi yaka-Israyeli yaphendvula, yatsi: “Cha, kungobe nguSimakadze lobitele tsine, makhosi lamatsatfu, ndzawonye, kuze asinikele esandleni saMowabi.”

Jeremiya 2:28

Baphi kantsi labonkulunkulu benu lenatentela bona? Abete phela, nangabe banganisindzisa nanisekuhluphekeni! Maye Juda, ninabonkulunkulu labanyenti ngangemadolobha enu.

Jeremiya 23:17

Bachubeka bakhulume kulabangedzelelako batsi: ‘Simakadze utsi: Nitawuba nekuthula.’ Kubo bonkhe labalandzela inkhani yetinhlitiyo tabo, batsi: ‘Kute lokubi lokutanehlela.’

Jeremiya 29:31

“Tfumela lomlayeto kubo bonkhe labatfunjiwe, utsi: ‘Naku lokushiwo nguSimakadze ngaShemaya waseNehelamu, utsi: Ngenca yekutsi Shemaya sewuphrofethile kini, nome abengakatfunywa ngimi nje, wanidvonsela ekutseni netsembe emanga,

Jeremiya 6:14

Babopha emanceba ebantfu bami kube shangatsi yintfo nje lengenamsebenti, babe batsi: ‘Kuthula, kuthula,’ kube kantsi kute nalokuthula.

Jeremiya 8:11

Babopha emanceba ebantfu bami, kube shangatsi yintfo nje lengenamsebenti, babe batsi: “Kuthula, kuthula,” kube kantsi kute nalokuthula.

Sililo 2:14

Imibono yebaphrofethi bakho yayingemanga, futsi ingenamsebenti. Baphrofethi bakho abazange batibeke ebaleni tono takho, kuze uvikeleke kuloko kugcilateka. Letembulo labakunika tona tatitemanga netekwedukisa.

Hezekeli 13:2

“Ndvodzana yemuntfu, phrofetha umelane nebaphrofethi baka-Israyeli labaphrofethako nyalo. Khuluma kulabo labaphrofetha loko labakususela emicabangweni yabo, utsi: ‘Vanini livi laSimakadze!

Hezekeli 13:6

Imibono yabo iyinkhohliso, nekubhula kwabo kungemanga. Bakhuluma batsi: “Kusho Simakadze,” abe Simakadze angazange asabatfume; kunjalo nje, babheke kutsi lamavi abo agcwaliseke.

Dutheronomi 32:38

Sebaphi bonkulunkulu labadla emanoni emihlatjelo yabo, banatsa liwayini leminikelo yabo yekunatsa? Abavuke batenisita! Ababe sivikelo senu, banivikele!