Jeremiya 37:13 - Siswati 1996 Bible

¹³ Kodvwa watsi nakefika eSangweni lakaBhenjamini, umphatsi wabogadzi, libito lakhe lekwakunguJiriya, umsa waShelemiya, umsa waHananiya, wambopha watsi kuye: “Uhlubukela kubaseBhabhulona!”

Jeremiya 37:13 Referencias Cruzadas

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Jeremiya 20:2

watsi akushaywe Jeremiya, umphrofethi, abanjwe afakwe esitokisini lesingaseSangweni LakaBhenjamini Lelisetulu lelalisethempelini laSimakadze.

Jeremiya 21:9

Ngulowo nalowo loyawusala kulelidolobha uyakufa ngenkemba, nangendlala, nangesifo lesibulalanako. Kodvwa ngulowo nalowo lophuma atinikele kulamaBhabhulona lanivimbetele, uyawuphila; uyawusindzisa kuphila kwakhe.

Jeremiya 27:6

Manje-ke ngitawunikela onkhe lamave enu encekwini yami Nebukhadnezari, inkhosi yaseBhabhulona; ngitakwenta ngisho netilwane tesiganga kutsi timtfobele.

Jeremiya 28:14

Naku lokushiwo nguSimakadze longuSomandla, Nkulunkulu wema-Israyeli, utsi: Ngitawubeka lijoko lensimbi entsanyeni yaletive kuze titewukhonta Nebukhadnezari, inkhosi yaseBhabhulona, futsi tiyawuhlehla kuye. Futsi ngitamnika abuse ngisho netilwane tesiganga.’ ”

Jeremiya 36:12

wehlela ekamelweni lamabhalane esigodlweni senkhosi, lapho kwakuhleti khona onkhe emalunga abandlancane: bo-Elishama, labengumabhalane, naDelaya, umsa waShemaya, na-Elnathani, umsa wa-Akbori, naGemariya, umsa waShafani, naSedekiya, umsa waHananiya, kanye nato tonkhe letinye tiphatsimandla.

Jeremiya 38:1

BoShefathiya, umsa waMathani, naGedaliya, umsa waPhashuri, naJukhali, umsa waShelemiya, naPhashuri, umsa waMalkhiya, beva ngaloko Jeremiya labebatjele kona bonkhe bantfu ngesikhatsi atsi:

Jeremiya 38:4

Tiphatsimandla takhuluma enkhosini, tatsi: “Lomuntfu kufanele abulawe. Utsela emanti emadvolweni emasotja lasele kulelidoloba, nakuwabo bonkhe bantfu, ngaletintfo latishoko kubo. Lomuntfu akacondzi lokuhle ngalabantfu, kodvwa ubafisela lokubi.”

Jeremiya 38:7

Kodvwa Ebedi Meleki, umKushe, labengumtsenwa esigodlweni senkhosi, weva kutsi Jeremiya sebamfake kulomgodzi. Kwatsi inkhosi isehleti eSangweni lakaBhenjamini,

Sililo 4:18

Emadvodza asibekela lugibe kuto tonkhe tinyatselo tetfu, ngaloko asikhonanga kuhamba etitaladini tetfu, kuphela kwetfu kwakusedvute, nemalanga etfu abesabaliwe, ngobe kuphela kwetfu kwase kufikile.

Amose 7:10

Amasiya, umphristi waseBetheli, watfumela sigijimi kuJerobowamu, inkhosi yaka-Israyeli, watsi: “Amose wakha luzungu ngawe embusweni waka-Israyeli. Live lingeke liwamele onkhe lamavi akhe.

Zakhariya 14:10

Lonkhe live, kusukela eGeba kuye eRimoni, eningizimu neJerusalema, liyawufanana ne-Arabha. Kodvwa iJerusalema iyawuphakanyiswa ihlale isendzaweni yayo, kusukela eSangweni lakaBhenjamini kuye endzaweni yeliSango Lekucala, eSangweni Lasekoneni, nekusukela eMbhoshongweni waHananeli kuye ematjeni enkhosi ekuhluta liwayini.

Lukha 23:2

Base batsi: “Lomuntfu simbambe edukisa sive sakitsi, asitjela kutsi singatseli kuKhesari, atigabatisa ngekutsi yena unguKhristu, iNkhosi.”

Imisebenti yebaPhostoli 24:13

Nabo bate nebufakazi baloko labangahle bangibeke licala ngako nje la embikwakho nyalo.

Imisebenti yebaPhostoli 6:11

Ngako-ke base batsenga lamanye emadvodza kutsi afike atsi: “Simvile lomuntfu ahlambalata Mosi naNkulunkulu!”

2 kubaseKorinthe 6:8

Siyadvunyiswa, sihhalatiswe. Siyasolwa, sibongwe. Sitsatfwa njengebakhohlisi, kantsi sibeliciniso.