Jeremiya 36:5 - Siswati 1996 Bible

⁵ Jeremiya wase utjela Bharuki watsi: “Ngivalelwe; angikwati kuyawungena ethempelini laSimakadze.

Jeremiya 36:5 Referencias Cruzadas

Nehemiya 6:10

Ngalelinye lilanga ngahamba ngaya endlini kaShemaya, umsa waDelaya, umsa waMehethabeli, labevalelwe ekhaya kakhe. Wakhuluma kimi watsi: “Asihlanganele endlini yaNkulunkulu ekhatsi ethempelini, sitivalele ekhatsi, ngobe kukhona emadvodza letako atekubulala ebusuku. Angefika nome ngunini kulobusuku atekubulala.”

Tihlabelelo 88:8

Bangani bami ubakhweshisile kimi, wangenta ngaba sinengiso kubo. Ngivalelekile, angikhoni kuphuma.

Jeremiya 20:2

watsi akushaywe Jeremiya, umphrofethi, abanjwe afakwe esitokisini lesingaseSangweni LakaBhenjamini Lelisetulu lelalisethempelini laSimakadze.

Jeremiya 32:12

Ngakunika Bharuki, umsa waNeriya, umsa waMahaseya, embikwemzala wami Hanameli nabofakazi lababesayine lencwadzi, nasembikwawo onkhe emaJuda labehleti esibuyeni sabogadzi.

Jeremiya 32:2

Imphi yenkhosi yaseBhabhulona yase ivimbetele iJerusalema, Jeremiya umphrofethi abevalelwe esibuyeni sabogadzi, esigodlweni senkhosi yakaJuda.

Jeremiya 33:1

Kwatsi ngesikhatsi Jeremiya asevalelwe esibuyeni sabogadzi, livi laSimakadze laphindze lefika kuye kwesibili, latsi:

Jeremiya 37:15

Tamtfukutselela Jeremiya, tatsi akashaywe; tase tiyambopha tamfaka endlini kaJonathani, labengumabhalane, ngobe yayentiwe lijele.

Jeremiya 38:28

Jeremiya wahlala esibuyeni sabogadzi, kwaze kwaba lilanga leyatfunjwa ngalo iJerusalema.

Jeremiya 38:6

Ngako batsatsa Jeremiya bamfaka emgodzini wakaMalkhiya, umntfwanenkhosi, lowawusekhatsi esibuyeni sabogadzi. Jeremiya bamehlisa ngetindophi, bamehlisela emgodzini, noko wawute emanti lapha kuwo, kwakuneludzaka nje. Jeremiya watika kuloludzaka.

Jeremiya 40:4

Kodvwa lamuhla sengiyakukhulula kuletinketane letisetandleni takho. Wota sambe nawe siye eBhabhulona, nawutsandza, ngitakunakekela. Kodvwa nawungafuni, ungeti. Buka la, lonkhe lelive lisembikwakho, yani lapho utsandza kuya khona.”

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

Kubase-Efesu 3:1

Ngalesizatfu ngiyanithandazela mine, Pawula, lengisiboshwa saKhristu Jesu ngenca yenu, nine betive.

Kubase-Efesu 6:20

Ngikhulekeleni-ke, kutsi mine lengilincusa lelisetinketaneni ngenca yeliVangeli, ngilikhulume ngesibindzi njengobe kungifanele.

2 kuThimothi 2:9

Ngilo leliVangeli lengilihluphekelako, ngidzimate ngaboshwa nangetinketane, kwaba shangatsi ngisigebengu. Kepha noko livi laNkulunkulu alikaboshwa.

KumaHebheru 11:36

Labanye baphukutwa, bashaywa, baboshwa ngetinketane ejele.