Jeremiya 36:24 - Siswati 1996 Bible

²⁴ Inkhosi kanye nabo bonkhe lababeyisingatsile, labaweva onkhe lawo mavi, abazange sebakhombise nalokuncane nje kwesaba, futsi abatihluphanga ngekudzabula tingubo tabo ngekutisola.

Jeremiya 36:24 Referencias Cruzadas

Genesisi 37:29

Rubeni watsi ubuyela kulomgodzi wakhandza Josefa angasekho, wadzabula timphahla takhe.

Genesisi 37:34

Jakobe wadzabuka wadzimate wadzabula timphahla takhe, wavunula emasaka, walilela lendvodzana yakhe emalanga lamanyenti.

2 Samuweli 1:11

Davide kanye nawo onkhe emadvodza labenawo badzabula tembatfo tabo.

1 Emakhosi 21:27

Watsi kube Ahabi eve lamavi, wadzabula tingubo takhe, wembatsa emasaka, wazila, walala ngemasaka, wahamba angulotfotjisiwe.

Jobe 15:4

Kodvwa ukubukela phansi kwesaba Nkulunkulu, uvimbele kuthandaza kuye.

Tihlabelelo 36:1

Sono siyakhuluma ekujuleni kwenhlitiyo yalomubi. Yebo, lomubi akamesabi Nkulunkulu.

Tihlabelelo 36:2

Utiphakamisa kangangekutsi akabuboni nebubi besono sakhe.

Tihlabelelo 64:5

Badudana ngekwakha emacebo lamabi; bacebisana ngekubeka tingibe emasitseleni, bacabange batsi: “Ngubani longasibona?”

Eksodusi 7:23

Faro wancandzeka wabuyela esigodlweni sakhe; akazange akunake ngisho nakancane loko.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 36:22

Bo-Eliyakimu, umsa waHilkiya, labeyindvuna yesigodlo, naShebna, labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.

Isaya 37:1

Hezekiya, inkhosi, watsi kube akuve loko, wadzabula tingubo takhe wembatsa emasaka, wahamba wangena ethempelini laSimakadze.

Jeremiya 36:16

Batsi nabaweva onkhe lamavi, babukana bodvwana betfukile, bakhuluma kuBharuki batsi: “Kufanele siwabikele inkhosi onkhe lamavi.”

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Jona 3:6

Letindzaba tatsi natifika enkhosini yaseNineve, yasukuma esihlalweni sayo sebukhosi, yakhumula ingubo yayo yebukhosi, yatembonya ngendvwangu yemasaka, yahlala phansi emlotseni.

Matewu 12:41

Bantfu baseNineve bayakusukuma kanye nalesitukulwane ekwehlulelweni basilahle, ngobe bona baphendvuka ngekushunyayelwa nguJona; ase nibuke-ke, ngobe lapha kukhona lomkhulu kunaJona.

KubaseRoma 3:18

Abamesabi Nkulunkulu.”