Jeremiya 36:2 - Siswati 1996 Bible

² “Tsatsa incwadzi legocotwako ubhale kuyo onkhe emavi lengiwakhulumile kuwe mayelana na-Israyeli naJuda kanye nato tonkhe letinye tive, kusukela esikhatsini lengacala ngaso kukhuluma kuwe, ekubuseni kwenkhosi Josaya, kuze kube ngunyalo.

Jeremiya 36:2 Referencias Cruzadas

Ezra 6:2

Kodvwa kwaze kwatfolakala incwadzi legocotiwe edolobheni lase-Ekbatana eveni laseMediya, lekwakubhalwe naku kuyo: “Umbiko lobhaliwe wekukhumbula ingcikitsi yendzaba:

Jobe 31:35

“Awu! Kube mane kunemuntfu longangiva! Sengiyakusicilela manje kutivikela kwami. Akangiphendvule phela Somandla. Lowo longibeka licala akalibhale phansi.

Tihlabelelo 40:7

Ngase ngiphendvula ngitsi: “Naku ngilapha! Emculwini wencwadzi kubhalwe ngami.

Eksodusi 17:14

Simakadze wakhuluma kuMosi, watsi: “Kubhale phansi encwadzini loku kube ngumlandvo ngalemphi, kuze kube sikhumbuto. Utjele Joshuwa kutsi ema-Amaleki ngifuna kuwacotfula aphele nya emhlabeni.”

Isaya 8:1

Simakadze wakhuluma kimi, watsi: “Tsatsa incwadzi lenkhulu legocotwako ubhale kuyo ngelutsi lolwetayelekile, utsi: Maheri Shalali Hashi Bazi.

Jeremiya 1:10

Buka la, lamuhla ngikubeka etikwetive nasetikwemibuso kutsi usiphule ubuye uhhihlite; ubhidlite ubuye uketule, nekutsi wakhe ubuye uhlanyele.”

Jeremiya 1:5

“Ngisengakakubumbi esitalweni senyoko ngakwati, watsi usengakatalwa, ngavele ngakwehlukanisela; ngakubeka kutsi ube ngumphrofethi etiveni.”

Jeremiya 1:9

Simakadze wase welula sandla sakhe watsintsa umlomo wami, watsi kimi: “Manje-ke, sengifake emavi ami emlonyeni wakho.

Jeremiya 2:4

Vanini livi laSimakadze, ninendlu yakaJakobe, nonkhe nine bantfu belusendvo lwendlu yaka-Israyeli.

Jeremiya 25:3

Iminyaka lengema-23, kusukela emnyakeni weli-13 wekubusa kwaJosaya, umsa wa-Amoni, inkhosi yakaJuda, kuze kube ngulamuhla, livi laSimakadze belifika kimi, nami ngilikhulume kini emaphindzephindze, kodvwa anizange senilalele.

Jeremiya 30:2

“Naku lokushiwo nguSimakadze, Nkulunkulu wema-Israyeli, utsi: ‘Bhala encwadzini onkhe emavi lengiwakhulume kuwe.’

Jeremiya 36:14

tonkhe tiphatsimandla tatfumela Jehudi, umsa waNethaniya, umsa waShelemiya, umsa waKushi, kutsi ayewutjela Bharuki atsi: “Wota lapha naleyo ncwadzi lebewufundza kuyo, ufundzela bantfu.” Ngako Bharuki, umsa waNeriya, waya kubo nalencwadzi legocotwako, ayiphetse ngesandla.

Jeremiya 36:18

Bharuki wabaphendvula watsi: “Yebo, ungitjele onkhe lamavi ngemlomo, mine ngawabhala phansi ngenki kulencwadzi legocotwako.”

Jeremiya 36:23

Kwakutsi njalo nje Jehudi nase afundze tinhlu letintsatfu nome letine talencwadzi legocotwako, inkhosi itijube ngemukhwa webabhali, itijike kulembawula yemlilo, yaze yaphelela yonkhe lencwadzi legocotwako ishiswa emlilweni.

Jeremiya 36:29

Umtjele futsi Jehoyakimu, inkhosi yakaJuda, utsi: ‘Naku lokushiwo nguSimakadze, utsi: Ushise lencwadzi legocotwako watsi: “Ubhaleleni kuyo kutsi inkhosi yaseBhabhulona ngempela iyawuta itewubhubhisa lelive, icotfule imbokodvo nesisekelo?”

Jeremiya 36:6

Ngako-ke uboya endlini yaSimakadze, mhlazana kuzilwe kudla, ufike ufundzele bantfu onkhe lamavi aSimakadze lowabhale kulencwadzi, njengobe uwatjeliwe. Wafundze embikwabo bonkhe bantfu bakaJuda labetile, baphuma emadolobheni abo.

Jeremiya 45:1

Naku Jeremiya, umphrofethi, lakutjela Bharuki, umsa waNeriya, ngemnyaka wesine wekubusa kwaJehoyakimu, umsa waJosaya, inkhosi yakaJuda, emvakwekutsi Bharuki asabhale encwadzini legocotwako emavi Jeremiya labemtjele wona, watsi:

Jeremiya 51:60

Jeremiya abebhale encwadzini legocotwako ngato tonkhe tigemegeme letatitakwehlela iBhabhulona, konkhe loko lokwakubhaliwe macondzana neBhabhulona.

Hezekeli 2:9

Ngase ngiyabuka, ngabona sandla selulelwe ngakimi. Ekhatsi kuso kwakunencwadzi legocotwako,

Hoseya 8:12

Ngababhalela tintfo letinyenti temtsetfo wami, kodvwa loko bakutsatsa njengentfo lengesiyo yabo.

Dutheronomi 31:24

Watsi kube Mosi acedze kubhala encwadzini emavi alomtsetfo kusukela ekucaleni kuze kube ngusekugcineni,

KumaHebheru 10:7

Ngase ngitsi: ‘Naku, ngilapha! Ngitekwenta intsandvo yakho, Nkulunkulu; njengobe kubhaliwe ngami emculwini.’ ”