Jeremiya 35:6 - Siswati 1996 Bible

⁶ Kodvwa baphendvula batsi: “Asilinatsi liwayini, ngobe khokho wetfu Jonadabi, umsa waRekhabi, wasinika lowo myalo watsi: ‘Nine netitukulwane tenu ningacali nilinatse liwayini.’

Jeremiya 35:6 Referencias Cruzadas

Genesisi 25:27

Labafana bakhula. Esawu waba ngumtingeli lonelikhono, angumuntfu wasematsafeni, kantsi Jakobe yena abesithuli ahlala ekhaya.

Genesisi 36:7

Sizatfu lesamenta ehlukane nemnakabo kutsi bobabili bese banetimphahla letinyenti kakhulu. Live labebahlala kulo lalingabe lisabenela bobabili.

2 Emakhosi 10:15

Asesukile lapho, wefika kuJehonadabi, umsa waRekhabi, labesendleleni ayemhlangabeta. Jehu wambingelela watsi: “Ume ngakimi yini, njengobe nami ngibambisene nawe?” Jehonadabi wamphendvula, watsi: “Yebo.” Jehu watsi: “Nangabe kunjalo; bamba ingalo.” Ngako Jehonadabi wachawula, Jehu wamdvonsa, amgibelisa encoleni yakhe.

2 Emakhosi 10:23

Ngako boJehu naJehonadabi, umsa waRekhabi, bangena ekhatsi ethempelini laBhali. Jehu wakhuluma kulababekhonta Bhali, watsi: “Calatani, nibuke kutsi kute namunye losisebenti saSimakadze lesikanye nani ngaphandle kwalababekhonta Bhali.”

1 Tikhronike 16:19

“Babesembalwa ngesibalo, yebo, babeseyingcosana, futsi batihambi kulelo live.

1 Tikhronike 2:55

nemaSoferi, lekwakungimindeni yebabhali lababehlala eJabesi: emaThirathi, nemaShimeyathi, nemaSukathi. Laba-ke bekungemaKheni labevela kuHamathi, titukulwane tawo tatitekudzabuka emndenini waRekhabi.

Tihlabelelo 105:12

Babesembalwa ngesibalo, yebo, babeyingcosana, batihambi kulelo live.

Eksodusi 20:12

“Hlonipha uyihlo nenyoko, khona tinsuku takho titakwandza kulelive lengikunika lona.

Jeremiya 35:10

Seloku sihlala emathendeni; sakuhlonipha ngalokuphelele konkhe khokho wetfu Jonadabi lasiyala ngako kutsi sikwente.

Jeremiya 35:14

Jonadabi, umsa waRekhabi, wayala emadvodzana akhe kutsi angalinatsi liwayini, lowo myalo awugcinile. Kuze kube ngulamuhla akalinatsi liwayini, ngobe ahlonipha umyalo wakhokho wawo. Kodvwa mine sengikhulume kini emaphindzephindze, kodvwa nine anikangilaleli.

Levithikusi 10:9

“Wena nemadvodzana akho aniyikulinatsa liwayini nome tjwala nome yini ledzakisanako, nanitakuya ethendeni lekuhlangana, ngobe nanike nakwenta loko, niyawufa. Lomtsetfo kufanele ugcinwe titukulwane ngetitukulwane.

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.

Tikhulu 13:14

Kufanele angadli lutfo loluhlutwe emvinini, anganatsi lutfo lolwentiwe ngewayini nome ngangusiphi sinatfo lesivutjelwe, angadli nalutfo lolungcolile ngekwemtsetfo. Kufanele ente konkhe loku lengimtjele kona.”

Tikhulu 13:7

Kodvwa utsite kimi: ‘Utawukhulelwa, utale indvodzana. Manje-ke ungabe usalinatsa liwayini nome ngabe sengusiphi-ke sinatfo lesivutjelwe. Ungasadli lutfo lolungcolile ngekwemtsetfo, ngobe lomfana uyawuba ngumNaziri lowehlukaniselwe Nkulunkulu kusukela ekutalweni kwakhe kuze kube lilanga lekufa kwakhe.’ ”