Jeremiya 35:16 - Siswati 1996 Bible

¹⁶ Titukulwane taJonadabi, umsa waRekhabi, tona tiwentile lomyalo letanikwa wona ngukhokho wato, kodvwa labantfu abakangilaleli mine.’

Jeremiya 35:16 Referencias Cruzadas

2 Samuweli 4:2

Indvodzana yaSawula yayinemadvodza lamabili labebaholi betidlova tekuhlasela. Lomunye bekunguBhana, lomunye kunguRekhabi; babengemadvodzana eRimoni, umBherothi, wesive sakaBhenjamini. IBherothi itsatfwa njengencenye yakaBhenjamini,

Isaya 1:3

Inkhabi iyamati umniyo, nembongolo sibaya semniyo, kodvwa Israyeli akati lutfo, sive sami asicondzi.”

Jeremiya 35:14

Jonadabi, umsa waRekhabi, wayala emadvodzana akhe kutsi angalinatsi liwayini, lowo myalo awugcinile. Kuze kube ngulamuhla akalinatsi liwayini, ngobe ahlonipha umyalo wakhokho wawo. Kodvwa mine sengikhulume kini emaphindzephindze, kodvwa nine anikangilaleli.

Jeremiya 7:3

Naku lokushiwo nguSimakadze longuSomandla, Nkulunkulu wema-Israyeli, utsi: Guculani tindlela tenu kanye netento tenu tilunge, khona ngiyawunivumela kutsi nihlale kulendzawo.

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’