Jeremiya 35:14 - Siswati 1996 Bible

¹⁴ Jonadabi, umsa waRekhabi, wayala emadvodzana akhe kutsi angalinatsi liwayini, lowo myalo awugcinile. Kuze kube ngulamuhla akalinatsi liwayini, ngobe ahlonipha umyalo wakhokho wawo. Kodvwa mine sengikhulume kini emaphindzephindze, kodvwa nine anikangilaleli.

Jeremiya 35:14 Referencias Cruzadas

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Nehemiya 9:30

Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.

Isaya 30:9

Babantfu labahlubukako, bantfwana labanemanga, nalabangafuni kulalela imiyalo yaSimakadze.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Jeremiya 11:7

Kusukela ngesikhatsi lengakhipha ngaso bokhokho benu eGibhithe kuze kube ngulamuhla, ngangibayala njalo nje, ngitsi: Ngilaleleni.

Jeremiya 26:5

futsi naningawalaleli emavi etinceku tami, baphrofethi, lengititfumele kini emaphindzephindze, nine solomane ningalaleli,

Jeremiya 29:19

Simakadze utsi: ‘Ngobe abakawalaleli emavi ami, emavi lengangibatfumelela wona njalonjalo ngetinceku tami baphrofethi; nani nine batfunjwa, nani anikangilaleli,’ kusho Simakadze.

Jeremiya 32:33

Bangifulatsela bangete bangibuka, lite nome ngangibafundzisa njalonjalo, abazange balalele, futsi abazange bakunake nekukunaka kujezisa kwami.

Jeremiya 35:16

Titukulwane taJonadabi, umsa waRekhabi, tona tiwentile lomyalo letanikwa wona ngukhokho wato, kodvwa labantfu abakangilaleli mine.’

Jeremiya 35:6

Kodvwa baphendvula batsi: “Asilinatsi liwayini, ngobe khokho wetfu Jonadabi, umsa waRekhabi, wasinika lowo myalo watsi: ‘Nine netitukulwane tenu ningacali nilinatse liwayini.’

Jeremiya 7:13

Ngesikhatsi nenta tonkhe letintfo, bengikhuluma kini njalonjalo ngaletintfo, kodvwa anikangilaleli; nginibitile, kodvwa anikasabeli, kusho Simakadze.