Jeremiya 34:21 - Siswati 1996 Bible

²¹ “Sedekiya, inkhosi yakaJuda, kanye netindvuna takhe ngiyawubanikela etitseni tabo letifunana netimphilo tabo, ebutfweni lenkhosi yaseBhabhulona leseyisukile kini.

Jeremiya 34:21 Referencias Cruzadas

2 Emakhosi 25:6

yena wabe sewuyatfunjwa. Watsatfwa wamikiswa enkhosini yaseBhabhulona eRibla, lapho yefike yakhipha sigwebo sayo kuye.

Jeremiya 22:25

Ngitakwetfula kulabo labafuna kuphila kwakho, kulabo lobesabako, kuNebukhadnezari, inkhosi yaseBhabhulona, nakumaBhabhulona.

Jeremiya 32:3

Sedekiya, inkhosi yakaJuda, yayimvalele lapho, yatsi: “Uphrofethelani ngalendlela lophrofetha ngayo? Utsi: ‘Naku lokushiwo nguSimakadze, utsi: Lelidolobha sengitalinikela enkhosini yaseBhabhulona letawulitfumba.

Jeremiya 32:4

Sedekiya, inkhosi yakaJuda, ngeke aphunyule etandleni temaBhabhulona, yena nakanjani utawunikelwa enkhosini yaseBhabhulona. Uyawukhuluma nayo umlomo nemlomo, ayibone ngewakhe emehlo.

Jeremiya 39:6

Kwatsi khona lapho eRibla inkhosi yaseBhabhulona yabulala emadvodzana aSedekiya embikwemehlo akhe abukile, yabulala nabo bonkhe labahloniphekile bakaJuda.

Jeremiya 44:30

Naku lokushiwo nguSimakadze, utsi: ‘Faro Hofra, inkhosi yaseGibhithe, ngitamnikela esandleni setitsa takhe letifunana nemphilo yakhe, njengobe naSedekiya, inkhosi yakaJuda, ngamnikela kuNebukhadnezari, inkhosi yaseBhabhulona, sitsa lesasifunana nemphilo yakhe.’ ”

Jeremiya 52:10

Khona lapho eRibla inkhosi yaseBhabhulona ngulapho yabulalela khona emadvodzana aSedekiya embikwemehlo akhe, abukile, yaphindze futsi yabulalela khona tonkhe tindvuna takaJuda.

Jeremiya 52:8

kodvwa emabutfo aseBhabhulona acosha inkhosi Sedekiya, aze ayikhandza etsafeni laseJerikho. Onkhe emasotja aSedekiya esuswa kuye asakatwa,

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Hezekeli 17:12

“Khuluma kulendlu lehlubukako, utsi: ‘Anati yini kutsi tisho kutsini letintfo?’ Shano kubo utsi: ‘Inkhosi yaseBhabhulona yaya eJerusalema yatsatsa inkhosi yakhona nalabahloniphekile bakhona, yeta nabo eBhabhulona.

Hezekeli 17:16

“ ‘Ngifunga kuphila kwami, uyawufela eBhabhulona, eveni laleyo nkhosi leyambeka esihlalweni sebukhosi, lowo lowedzelela sifungo sayo wephula nesivumelwane sayo, kusho iNkhosi Simakadze.

Hezekeli 17:20

Ngiyawumendlalela linetha lami, uyawuvele abhajwe elugibeni lwami. Ngiyakumyisa eBhabhulona, ngikhiphe sigwebo kuye khona lapho, ngobe angazange etsembeke kimi.