Jeremiya 33:8 - Siswati 1996 Bible

⁸ Ngiyawubahlanta kuso sonkhe sono labasente kimi, ngibuye ngibatsetselele tonkhe tono tekungihlubuka kwabo.

Jeremiya 33:8 Referencias Cruzadas

Tihlabelelo 130:4

Kodvwa wena uyasitsetselela, kuze sitewuhlala ngekukwesaba.

Tihlabelelo 130:8

Nguye lotawuhlenga baka-Israyeli abephule etonweni tabo tonkhe.

Tihlabelelo 51:2

Ngigezisise ebubini bami, ngihlambulule esonweni sami.

Tihlabelelo 65:3

ngenca yetono tabo. Ngesikhatsi tiphambuko tetfu tisehlula nguwe lositsetselelako.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Isaya 56:7

labo ngiyakubayisa entsabeni yami lengcwele, ngibanike kujabula endlini yami yekukhuleka. Iminikelo yabo yekushiswa nemihlatjelo yabo iyakwemukeleka elatini lami, ngobe indlu yami iyawutsiwa yindlu yemkhuleko yato tonkhe tive.”

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Jeremiya 50:20

Kulawo malanga, nangaleso sikhatsi, kuyawuphenywa ngelicala laka-Israyeli, kodvwa aliyiwutfolakala, kuphenywe nangetono takaJuda, kodvwa kute nasinye lesiyawutfolakala, ngobe ngiyakuyitsetselela insali lengayishiya,” kusho Simakadze.

Sililo 4:22

Awu, Ndvodzakati yaseSiyoni, kujeziswa kwakho kutawuphela; Simakadze angeke aselule sikhatsi sekudzingiswa kwakho. Kodvwa, awu, wena Ndvodzakati yase-Edomu, uyawujeziswa ngenca yesono sakho, abubeke ebaleni bubi bakho.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Hezekeli 36:33

“ ‘Naku lokushiwo yiNkhosi Simakadze, itsi: Mzukwana nginihlanta kuto tonkhe tono tenu, ngiyakuwatintisa kabusha emadolobha enu, netindzawo tenu lebetibhidlitiwe tiyakwakhiwa kabusha.

Joweli 3:21

Licala labo lengati, lengisengakalitsetseleli ngiyawulitsetselela.” Simakadze uhlala eSiyoni!

Levithikusi 16:30

ngobe ngalelo langa nitakwentela inhlawulo yekubuyisana kuSimakadze, khona nitewuhlambuluka etonweni tenu nibe msulwa embikwaSimakadze.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,