Jeremiya 33:5 - Siswati 1996 Bible

⁵ nabalwa nemaBhabhulona, utsi: ‘Tiyawugcwala tidvumbu temadvodza lengitawabulala ngentfukutselo nangelulaka lwami. Ngiyawulifihlela buso bami elidolobha ngenca yabo bonkhe bubi balo.

Jeremiya 33:5 Referencias Cruzadas

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

Jeremiya 18:17

Njengemoya wasemphumalanga, ngiyawubasakata embikwetitsa tabo; ngiyawubafulatsela, ngingabheki ngakubo, ngelilanga lesehlakalo sabo.”

Jeremiya 21:10

Ngitimisele kwenta lokubi kulelidolobha, hhayi lokuhle, kusho Simakadze. Liyawuniketelwa etandleni tenkhosi yaseBhabhulona, ilibhubhise ngemlilo.’ ”

Jeremiya 32:5

Iyawutsatsa Sedekiya imyise eBhabhulona, lapho ayawuhlala khona ngize ngimcondzise, kusho Simakadze. Nanilwa nemaBhabhulona ngeke niphumelele.’ ”

Jeremiya 42:18

“Naku lokushiwo nguSimakadze longuSomandla, Nkulunkulu wema-Israyeli, utsi: ‘Njengobe intfukutselo yami nelulaka lwami sekutfululelwe kulabo labebahlala eJerusalema, kanjalo lulaka lwami lutawutfululelwa etikwenu, naniya eGibhithe. Niyawuba yintfo yekucalekisa neyekwesabisa, nibe yintfo yekwetfuka nelihlazo; ningeke niphindze niyibone lendzawo.’

Sililo 2:7

Simakadze ulilahlile lilati lakhe, wayishiya indzawo yakhe lengcwele. Unikele tibondza tetigodlo taseSiyoni etitseni; tamemeta kakhulu ekhatsi endlini yaSimakadze, kwaze kwaba shangatsi ngungelilanga lelidzili lelamiswa.

Hezekeli 39:29

Angisayikubufihla buso bami kubo, ngobe ngiyawutfululela Moya wami kuyo indlu yaka-Israyeli, kusho iNkhosi Simakadze.”

Mikha 3:4

Siyeta sikhatsi lapho nitawukhala khona kuSimakadze, kodvwa angeke aniphendvule. Angeke ayilalele imithandazo yenu, ngobe nente lokubi kuye.

Dutheronomi 31:17

Ngalelo langa ngiyawubatfukutselela ngibashiye. Ngiyawubafihlela buso bami, bayawubhubha. Bayawukwehlelwa tigemegeme netinhlupho letinyenti, ngalelo langa bayawutibuta batsi: ‘Letigemegeme atikasehleli ngobe Nkulunkulu angasekho kitsi yini?’

Dutheronomi 31:18

Nakanjani buso bami ngiyawubufihla ngalelo langa, ngenca yabo bonkhe bubi babo lababentile ngekugucukela kulabanye bonkulunkulu.

Dutheronomi 32:20

Watsi: ‘Ngiyawubufihla buso bami kubo, ngibone kutsi siphetfo sabo kutawuba yini. Ngobe basitukulwane lesigwegwile, bantfwana labangaketsembeki.