Jeremiya 33:26 - Siswati 1996 Bible

²⁶ bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Jeremiya 33:26 Referencias Cruzadas

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

Ezra 2:1

Laba bantfu besifundza lababuya besuka ekutfunjweni, lababetfunjwe nguNebukhadnezari, inkhosi yaseBhabhulona, wabatfumbela eBhabhulona. Babuyela eJerusalema nakaJuda, nguloyo naloyo edolobheni lakubo.

Ezra 2:70

Baphristi, nebaLevi, nebahlabeli, nabomahlalesangweni belithempeli kanye netisebenti bavele bacaba, bakha emadolobha abo kanye nalaba labanye bantfu, kanjalo nema-Israyeli lamanye ahlala emadolobheni awo.

Tihlabelelo 126:1

Kwakungatsi siyabhudza tsine batfunjwa baseSiyoni, ngesikhatsi Nkulunkulu asibuyisela eJerusalema.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 54:8

Ngemfutfo wentfukutselo yami ngakufihlela buso bami kwesikhashana, kodvwa ngemusa waphakadze ngiyawuba nesihawu kuwe,” kusho Simakadze uMhlengi wakho.

Jeremiya 3:12

Hamba, umemetele lombiko ngasenyakatfo utsi: “ ‘Buya Israyeli longaketsembeki,’ kusho Simakadze. ‘Ngingeke ngisaphindza ngikuswacele, ngobe nginemusa,’ kusho Simakadze. ‘Ngingeke ngisakutfukutselela siphelane.

Jeremiya 31:20

Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Jeremiya 31:35

Naku lokushiwo nguSimakadze, lowo lowabeka lilanga kutsi likhanyise emini, wamisa inyanga netinkhanyeti kutsi tibokhanyisa ebusuku, lowo lotamatisa lwandle kuze emagagasi alo abhodle, nguSimakadze longuSomandla libito lakhe, utsi:

Jeremiya 31:37

Naku lokushiwo nguSimakadze, utsi: “Kuphela nje nangabe emazulu lasetulu angalinganiswa, netisekelo temhlaba letingaphansi tiphenywe, nami-ke ngulapho ngiyawusilahla sonkhe situkulwane saka-Israyeli, ngenca yako konkhe labakwentile,” kusho Simakadze.

Jeremiya 33:24

“Awukanaki yini kutsi labantfu batsi: ‘Simakadze uyilahlile lemibuso lemibili layikhetsa’? Ngako bababukela phansi labantfu bami, ababatsatsi ngekutsi nabo basive.

Hezekeli 39:25

“Ngako-ke naku lokushiwo yiNkhosi Simakadze, itsi: Manje sengitambuyisa Jakobe ekutfunjweni, ngibe nesihawu kubo bonkhe bantfu baka-Israyeli, ngiyawulishisekela Libito lami lelingcwele.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Hoseya 2:23

Ngiyakutihlanyelela yena eveni; ngiyakulubonakalisa lutsandvo lwami kulowo lebengimbita ngekutsi: ‘Akusiye lotsandzekako wami.’ Ngiyawukhuluma kulabo lekwakutsiwa: ‘Abasiso sive sami,’ ngitsi: ‘Nine nisive sami,’ nabo bayawutsi: ‘Wena unguNkulunkulu wetfu.’ ”

Zakhariya 10:6

“Ngiyakuyicinisa indlu yakaJuda, ngiyisindzise indlu yakaJosefa. Ngiyakubabuyisela, ngobe nginesihawu ngabo. Bayakuba shangatsi angizange sengibalahle, ngobe mine nginguSimakadze Nkulunkulu wabo, futsi ngiyawubaphendvula.

KubaseRoma 11:32

Ngobe Nkulunkulu bonkhe bantfu sewubayekelele ekutseni bangamlaleli, adzimate atebahawukela bonkhe.