Jeremiya 33:11 - Siswati 1996 Bible

¹¹ imisindvo yenjabulo neyentfokoto, nemaphimbo abomakoti nemyeni, kanye nemaphimbo alabo labaletsa iminikelo yekubonga endlini yaSimakadze, batsi: “ ‘ “Bongani Simakadze longuSomandla, ngobe Simakadze ulungile; umusa wakhe ume kuze kube phakadze.” Ngobe ngiyakutibuyisela tibusiso talelive tibe njengobe tatinjalo kucala,’ kusho Simakadze.

Jeremiya 33:11 Referencias Cruzadas

1 Tikhronike 16:34

“Bongani Simakadze, ngobe ulungile, nemusa wakhe ume kuze kube phakadze.

1 Tikhronike 16:8

“Bongani Simakadze, nibite libito lakhe, nimemetele tento takhe emkhatsini wetive.

2 Tikhronike 20:21

Emvakwaloko kukhuluma kwakhe nebantfu, Jehoshafati wakhetsa emadvodza kutsi ahlabele kuSimakadze advumise inkhatimulo yebungcwele bakhe, asahamba ahola emabutfo, atsi: “Bongani Simakadze, ngobe umusa wakhe ume kuze kube phakadze.”

2 Tikhronike 29:31

Hezekiya wakhuluma, watsi: “Nyalo senitinikele nine matfupha kuSimakadze. Wotani niletse imihlatjelo kanye neminikelo yekubonga niyiletse ethempelini laSimakadze.” Ngako lonkhe libandla laletsa imihlatjelo kanye neminikelo yekubonga, kwase kutsi bonkhe lababenetinhlitiyo letivumako baletsa iminikelo yekushiswa.

2 Tikhronike 5:13

Labashayi bemacilongo nalabahlabeli bahlangana bahlabela kanyekanye, kwaze kwaba shangatsi liphimbo linye, banika Simakadze ludvumo netibongo. Baphakamisa emaphimbo abo babonga Simakadze bashaya emacilongo, nemasimbali naletinye nje tingubhu, bahlabela batsi: “Dvumisani Simakadze, ngobe ulungile, nelutsandvo lwakhe lume kuze kube phakadze.” Lithempeli laSimakadze lase ligcwaliswa lifu,

2 Tikhronike 7:3

Kwatsi kube onkhe ema-Israyeli abone lomlilo wehla nenkhatimulo yaSimakadze isetikwelithempeli, baguca phansi esiyilweni bakhotsama ngetinhloko tabo tibheke phansi, bakhonta Simakadze bambonga batsi: “Akabongwe Simakadze ngebuhle bakhe, ngobe umusa wakhe ume kuze kube phakadze.”

Ezra 6:22

Batsatsa emalanga lasikhombisa bagubha uMkhosi weSinkhwa Lesingenambiliso, ngobe Simakadze abebajabulisile ngekugucula simo senkhosi yase-Asiriya, yaze yabasita ekwakheni indlu yaSimakadze, Nkulunkulu wema-Israyeli.

Nehemiya 12:43

Ngalelo langa banikela ngalemikhulu imihlatjelo bajabula, ngobe Nkulunkulu abebentele injabulo lenkhulu. Bafati nebantfwana nabo bajabula. Umsindvo wekujabula lowawuseJerusalema wawungevakala khashane kakhulu.

Nehemiya 8:12

Ngako bonkhe bantfu bahamba badla banatsa ngekujabula, bapha nalabanye kudla, ngobe bese bawacondzisisa kahle lawo mavi lababechazelwe wona.

Tihlabelelo 106:1

Haleluya, dvumisani Simakadze! Bongani Simakadze ngobe muhle, nemusa wakhe ume kuze kube phakadze.

Tihlabelelo 107:1

“Dvumisani Simakadze, ngobe yena muhle, nemusa wakhe ume kuze kube phakadze.”

Tihlabelelo 107:22

Abanikele ngemihlatjelo yekubonga, bamemetele imisebenti yakhe ngenjabulo.

Tihlabelelo 116:17

Ngiyawunikela kuwe ngemhlatjelo wekubonga, ngikhuleke kuSimakadze, ngibonga libito lakhe.

Tihlabelelo 147:13

Ngobe nguye locinisa imivalo yemasango akho, abusise bantfu bakho,

Tihlabelelo 85:7

Simakadze, sivise umusa wakho, usiphe insindziso yakho.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Isaya 52:8

Lalela! Balindzi bakho bayamemeta; bonkhe bamemeta ngekujabula. Bayawutibonela ngewabo emehlo Simakadze nakabuyela eSiyoni.

Isaya 52:9

Hlokomani ngetingoma tekujabula kanyekanye, nine tindzala taseJerusalema, ngobe Simakadze ubadvudvutile bantfu bakhe, iJerusalema uyikhululile.

Jeremiya 16:9

Ngobe naku lokushiwo nguSimakadze longuSomandla, Nkulunkulu wema-Israyeli, utsi: ‘Ngiyakwehlisela siphetfo, embikwemehlo enu nasemihleni yenu, siphetfo semisindvo yekujabula neyentfokoto, liphimbo lamakoti nelemyeni kulendzawo.’

Jeremiya 17:26

Bantfu bayawuchamuka emadolobheni akaJuda, kanye nasetabelweni letitungelete iJerusalema, naseveni lakaBhenjamini, nasemaceleni angasenshonalanga, naseveni letintsaba, naseNegevu, beta baletsa iminikelo yekushiswa nemihlatjelo, neminikelo yalokutinhlavu, nemphepho kanye neminikelo yekubonga endlini yaSimakadze.

Jeremiya 25:10

Imisindvo yekujabula nekutfokota ngiyawuyisusa kubo, ngisuse nemaphimbo abomakoti nemyeni, nemsindvo wematje ekusila kanye nekukhanya kwesibane.

Jeremiya 29:14

Ngiyawutfolwa ngini nginibuyise ekutfunjweni kwenu,’ kusho Simakadze. ‘Ngiyawunibutsa kuto tonkhe tive netindzawo, lapho benginicoshele khona,’ kusho Simakadze. ‘Ngiyawunilandza nginibuyisele kuyo lendzawo lapho nganitsatsa khona naya ekudzingisweni.’

Jeremiya 30:19

Kuyawuvela kubo tingoma tekubonga nemsindvo wekujabula. Ngiyawubandzisa ngebunyenti bangete bancishiswa; ngiyawubenta bahlonipheke, futsi bangeke bedzeleleke.

Jeremiya 30:3

Simakadze utsi: ‘Ayeta emalanga, lapho ngiyawulandza khona sive sami saka-Israyeli nesakaJuda ekutfunjweni ngibabuyisele eveni lengalipha boyisemkhulu kutsi libe ngelabo,’ kusho Simakadze.”

Jeremiya 32:44

Emasimi ayawutsengwa ngesiliva, netincwadzisivumelwane tekutsenga tiyawusayinwa, tivalwe ngeluphawu, tibuye tifakazelwe eveni lakaBhenjamini, nasemakhaya lakhelene neJerusalema, nasemadolobheni akaJuda, nasemadolobheni laseveni letintsaba nasemaceleni etintsaba ngasenshonalanga, nasemadolobheni aseNegevu, ngobe ngiyawutibuyisela kubo tibusiso tabo, kusho Simakadze.”

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Jeremiya 33:7

Ngiyawubuyisa bakaJuda nema-Israyeli ekutfunjweni, ngibuye ngibakhe kabusha babe njengaloku babenjalo kucala.

Jeremiya 7:34

Ngiyawucedza imisindvo yekujabula neyekutsakasa, ngicedze neliphimbo lemyeni nelamakoti emadolobheni akaJuda nasetitaladini taseJerusalema, ngobe lelive liyawusala likhala libhungane.’ ”

Amose 9:14

Ngiyawusilandza sibuye sive sami ema-Israyeli lebesitfunjiwe, siyakuwakha kabusha emadolobha aso langemadzibikelo, bese sihlala kuwo. Siyawuhlanyela tivini, sinatse liwayini lato; siyawukwakha tingadze, sidle titselo tato.

Jona 2:9

Kepha mine ngiyawuhlabela kuwe ngelivi lekubonga, nginikele ngemihlatjelo; loko lengikufungele ngiyawukufeza. Insindziso ivela kuSimakadze.”

Nahume 1:7

Simakadze ulungile, usiphephelo ngetikhatsi tekuhlupheka. Uyabanakekela labo labakhosela kuye.

Zefaniya 3:14

Hlabela, Ndvodzakati yaseSiyoni; memeta kakhulu, wena Israyeli! Jabula utfokote ngayo yonkhe inhlitiyo yakho, Ndvodzakati yaseJerusalema!

Zakhariya 10:7

Baka-Efrayimu bayawuba njengemadvodza lanemandla kakhulu, tinhlitiyo tabo tiyawutfokota kube shangatsi ngungeliwayini. Bantfwababo bayawukubona bajabule. Tinhlitiyo tabo tiyawujabula ngaSimakadze.

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”

Zakhariya 9:17

Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

Sembulo 18:23

Kungeke kuphindze kubonakale kuwe kukhanya kwesibane. Kungeke kuphindze kuvakale kuwe liphimbo lemyeni nelamakoti. Bahwebi bakho bekutikhulu temhlaba, wedukisa tonkhe tive ngebutsakatsi bakho.