Jeremiya 32:9 - Siswati 1996 Bible

⁹ ngako ngayitsenga lensimi e-Anathothi kulomzala wami, Hanameli, ngase ngimkalela isiliva lengemagremu langema-200, ngamnika.

Jeremiya 32:9 Referencias Cruzadas

Genesisi 24:22

Yatsi kube icedze lentfombi kunatsisa emakamela, lendvodza yatsatsa indandatho yegolide leyayinesisindvo sencenye yelishekheli yayifaka ekhaleni lalentfombi; yatsatsa emajiva egolide labenesisindvo semashekheli lalishumi yawegabisa lentfombi emikhonweni,

Genesisi 37:28

Kwatsi nase kwendlula bahwebi bemaMidiyani, Josefa bamkhipha kulomgodzi, bamtsengisa kulama-Ishmayeli ngetinhlavu tesiliva letatingemashumi lamabili. Ema-Ishmayeli ahamba naye aya eGibhithe.

1 Emakhosi 20:39

Yatsi inkhosi nayendlula, lomphrofethi wammemeta watsi: “Inceku yakho yangena ekhatsi nemphi, lomunye wase uletsa sitsa lesasitfunjiwe watsi: ‘Gadza lomuntfu, nakabaleka, loko utakukhokha ngemphilo yakho, nome-ke ukhokhe emakhilogremu langaba ngema-34 esiliva’,

Nehemiya 5:15

Bonkhe babusi lababephetse ngembili kwami babengumtfwalo kubantfu, futsi babephocelela kutsi bantfu bakhiphe kudla neliwayini kanye netinhlavu tesiliva letingema-40 ngelilanga. Ngisho netisebenti tabo tatingumtfwalo kubantfu. Noko mine angikwentanga loko ngenca yekwesaba Nkulunkulu.

Esta 3:9

Nakukuhle enkhosini, ayikhiphe simemetelo sasebukhosini sekutsi asibulawe sonkhe lesive. Nawungakwenta loko, mine Hamani ngingafaka isiliva lengemakhilogremu langaba-340 000 esikhwameni senkhosi.”

Eksodusi 21:32

Nangabe lenkhomo igwaze sigcili lesidvuna nome lesisikati safa, umnikati wayo uyawukhipha tinhlavu tesiliva letingaba ngema-30, yona igcotjwe ize ife.

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Hezekeli 4:10

Kala kudla lokungemagremu langema-230 lekufanele ukudle njalo nje ngelilanga, ukudle ngetikhatsi letimisiwe.

Hoseya 3:2

Ngako ngamtsenga ngesiliva lengemagremu lali-170 nangemakhilogremu langaba likhulu ebhali.