Jeremiya 32:15 - Siswati 1996 Bible

¹⁵ Ngobe naku lokushiwo nguSimakadze longuSomandla, Nkulunkulu wema-Israyeli, utsi: Tindlu, nemasimi kanye netivini kuyawuphindze kutsengwe kulelive.’ ”

Jeremiya 32:15 Referencias Cruzadas

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Jeremiya 30:18

“Naku lokushiwo nguSimakadze, utsi: “ ‘Ngiyawubuyisela inhlanhla emathendeni akaJakobe, ngibe neluvelo emakhaya akhe; lidolobha liyakwakhiwa kabusha etindzaleni talo, nesigodlo siyawuma kabusha endzaweni yaso lefanele.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Jeremiya 31:24

Bantfu bayawuhlala ndzawonye kaJuda nakuwo onkhe emadolobha akhona, balimi nalabo labahambe bakhotsisa imihlambi yabo yetimvu netimbuti.

Jeremiya 31:5

Uyawuphindze futsi uhlanyele tivini emagcumeni aseSamariya; balimi bayawutihlanyela, bajabule ngetitselo tato.

Jeremiya 32:14

‘Naku lokushiwo nguSimakadze Nkulunkulu wema-Israyeli, utsi: Tsatsa letincwadzi tesivumelwane totimbili, lena lengcivitiwe nalengakangcivitwa, lekungemakhophi alencwadzi yekutsenga, utifake ejekeni lelibumba, khona titewuhlala sikhatsi lesidze.

Jeremiya 32:25

Nome lelidolobha selitawunikelwa kumaBhabhulona, kodvwa wena Nkhosi Simakadze, utsi kimi: ‘Tsenga lensimi ngesiliva, wente lesivumelwane saloko sibe nebufakazi.’ ”

Jeremiya 32:37

Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.

Hezekeli 28:26

Siyawuhlala lapho siphephile, sakhe tindlu, sihlanyele emasimi emagelebisi; sona siyawuhlala siphephile, nase ngehlisela sijeziso kubo bonkhe bomakhelwane baso labasidlela umona. Ngulapho-ke bayawukwati khona kutsi mine nginguSimakadze Nkulunkulu wabo.’ ”

Zakhariya 3:10

“ ‘Ngalelo langa ngulowo nalowo wenu uyawumema makhelwane wakhe kutsi atewuhlala ngekuthula ngaphansi kwemvini nemkhiwa wakhe,’ kusho Simakadze longuSomandla.”