Jeremiya 31:7 - Siswati 1996 Bible

⁷ Naku lokushiwo nguSimakadze, utsi: “Hlabelani ngenjabulo kuJakobe; memetelani kulesive lesikhulu kunato tonkhe. Vakalisani kumdvumisa kwenu, nitsi: ‘Awu Simakadze, sindzisa sive sakho, imisalela yaka-Israyeli!’

Jeremiya 31:7 Referencias Cruzadas

Tihlabelelo 106:47

Sisindzise, Simakadze, Nkulunkulu wetfu, sibutse etiveni usicocele ndzawonye, kuze sibonge libito lakho lelingcwele, sigungubale ngeludvumo lwakho.

Tihlabelelo 126:2

Sahleka safa, sahlabela tingoma tenjabulo. Tive letibomakhelwane tatsi: “Nkulunkulu ubentele tintfo letinkhulu.”

Tihlabelelo 14:7

Shangatsi ingavela eSiyoni insindziso yesive sema-Israyeli. Mhlazana Nkulunkulu acedza lusizi lwebantfu bakhe, aphindze abahlumelelisa, Jakobe uyawujabula, Israyeli atfokote.

Tihlabelelo 28:9

Sindzisa sive sakho, ubusise labo labalifa lakho. Beluse ubetfwale, kuze kube phakadze naphakadze.

Tihlabelelo 67:1

Shangatsi Nkulunkulu angaba nemusa kitsi, asibusise, akhanyise buso bakhe etikwetfu. Cabanga.

Tihlabelelo 69:35

Ngobe Nkulunkulu uyawuyisindzisa iSiyoni, akhe kabusha emadolobha akaJuda, bayawuhlala kuleyo ndzawo ibe yabo.

Isaya 1:9

Kube Simakadze longuSomandla akasishiyelanga insali, ngabe sesifanana neSodoma, yebo, ngabe sesifanana neGomora.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 37:31

Insali yendlu yakaJuda iyawuphindza futsi ifake timphandze tayo phansi, ngetulu itsele titselo tayo.

Isaya 37:4

Kungenteka kube Simakadze Nkulunkulu wakho utaweva emavi endvuna lenkhulu, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Isaya 52:8

Lalela! Balindzi bakho bayamemeta; bonkhe bamemeta ngekujabula. Bayawutibonela ngewabo emehlo Simakadze nakabuyela eSiyoni.

Isaya 61:9

Titukulwane tabo tiyakwatiwa emkhatsini wetive, nentalelwane yabo emkhatsini wetive. Bonkhe labababonako bayawuvuma kutsi basive lesibusiswe nguSimakadze.”

Jeremiya 20:13

Hlabelani kuSimakadze! Mnikeni ludvumo Simakadze! Uyatephula timphilo talabeswele, yebo, ubasindzisa etandleni talababi.

Jeremiya 23:3

“Mine matfupha ngiyawutibutsela lensali yemhlambi wami emaveni onkhe, lapho ngiwusakatele khona, ngiwubuyisele edlelweni lawo, lapho uyawukwandza khona, ukhule wandze ngesibalo.

Jeremiya 3:23

Impela, kukhonta kwetfu tithico, yebo, kuyaluka emagcumeni nasetintsabeni kutiyenga nje. Impela insindziso yaka-Israyeli ikuSimakadze Nkulunkulu wetfu.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Sililo 1:1

Maye! laze lasala likhala libhungane lidolobha, yebo, lidolobha lelake lanyakatela bantfu! Awu! laze lafanana nemfelokati, lidolobha lelake ladvuma emkhatsini wetive! IJerusalema leyake yaba yindlovukazi emkhatsini wemave, nyalo seyigucuke yaba sigcili.

Hezekeli 6:8

“ ‘Kodvwa ngitawushiya insali, ngobe labanye benu bayawuphunyula enkembeni ngesikhatsi nisakatekele emaveni ngemave, nasetiveni.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Joweli 2:32

Bonkhe labayakulibita Libito laSimakadze bayawusindziswa, ngobe entsabeni iSiyoni naseJerusalema, kuyawuba nenkhululeko, njengobe Simakadze asashito emkhatsini waleyo nsali lebitwa nguSimakadze.”

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Mikha 2:12

“Kodvwa ngiyakunibutsela ndzawonye, nonkhe nine sive saka-Israyeli lenisasele. Ngiyawunibutsela nonkhe ndzawonye njengetimvu tibuyela esibayeni sato; nanjengelidlelo leligcwele timvu, live lenu lisetawubuye ligcwale bantfu labanyenti.”

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zefaniya 2:9

Ngako-ke, kuphila kwami,” kusho Simakadze Somandla, longuNkulunkulu wema-Israyeli, “impela Mowabi uyawuba njengeSodoma, nema-Amoni abe njengeGomora, indzawo yelukhula nemigodzi yeluswayi, live lelilihlane phakadze naphakadze. Insali yesive sami iyawubaphanga; besive sami labayawusala bayawulidla live labo.”

KubaseRoma 11:5

Nanyalo kulesikhatsi kunjalo, bakhona labasele ngekukhetfwa ngemusa.

KubaseRoma 9:27

Na-Isaya wamemeta nga-Israyeli atsi: “Nome bantfu baka-Israyeli bangaba banyenti babe ngangesihlabatsi saselwandle, noko kuyawuba yinsali yabo kuphela leyawusindziswa;

Dutheronomi 28:13

Simakadze uyawunenta nibe yinhloko ningabi ngumsila. Naniyigcinile yonkhe lemiyalo yaSimakadze Nkulunkulu wenu, lena lenginiyala ngayo lamuhla, niyilandzele ngekucophelela, niyakuhlala njalo nibaholi, aniyiwuze nibe ngaphansi.

Dutheronomi 32:43

Jabulani nine tive kanye nesive sakhe, ngobe uyawutiphindzisela ngengati yetinceku takhe. Uyawutiphindzisela etitseni takhe, ente inhlawulo yekubuyisana nelive lakhe nesive sakhe.