Jeremiya 31:6 - Siswati 1996 Bible

⁶ Kuyawuba khona lilanga lapho balindzi bayawumemeta emagcumeni aka-Efrayimu, batsi: ‘Wotani, sikhuphukele eSiyoni kuSimakadze longuNkulunkulu wetfu.’ ”

Jeremiya 31:6 Referencias Cruzadas

2 Tikhronike 13:4

Abiya wemisa eNtsabeni iSemarayimu, eveni letintsaba kulaka-Efrayimu, wamemeta watsi: “Jerobowamu nani nonkhe sive saka-Israyeli, lalelani kimi!

Ezra 1:5

Kwatsi baholi bemindeni yakaJuda neyakaBhenjamini, nebaphristi, nemaLevi, nabo bonkhe Nkulunkulu latsintsa tinhlitiyo tabo kutsi bahambe bayewulakha lithempeli laSimakadze, batilungiselela kwenyukela eJerusalema.

Tihlabelelo 84:5

Babusisiwe labo bantfu emandla abo lakuwe, labalangatela etinhlitiyweni tabo kutsi bayewukhonta eSiyoni.

Isaya 27:13

Ngalelo langa kuyawukhala licilongo lelikhulu. Labo lababelahlekile bedukela e-Asiriya, nalabo lababetfunjelwe eGibhithe bayakuta batewukhonta Simakadze entsabeni lengcwele, eJerusalema.

Isaya 40:9

Wena loletsa tindzaba letimnandzi eSiyoni, khuphukela entsabeni lephakeme. Wena loletse tindzaba letimnandzi eJerusalema, phakamisa livi lakho, umemete, liphakamise, ungesabi. Tsanini kuwo emadolobha akaJuda: “Nangu Nkulunkulu wenu!”

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

Jeremiya 3:14

“Buyani, nine bantfu labangaketsembeki,” kusho Simakadze, “ngobe mine ngiyindvodza yenu. Ngiyawukhetsa munye wenu kuwo onkhe emadolobha enu, ngikhetse babili kuto tonkhe tinsendvo tenu, bese nginimikisa eSiyoni.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Jeremiya 50:19

Kodvwa Israyeli ngitambuyisela emuva edlelweni lakhe, uyawuklaba eKhameli naseBhashani. Kukhanuka kudla kwakhe kuyakweneliseka etintsabeni taka-Efrayimu nakaGileyadi.

Jeremiya 6:17

Ngabeka balindzi etikwenu, ngatsi: ‘Lalelani kukhala kwempalampala,’ kodvwa nine natsi: ‘Ngeke sikulalele.’

Hezekeli 3:17

“Ndvodzana yemuntfu, sengikubeke kutsi ube ngumlindzi wendlu yaka-Israyeli; ngako-ke vani livi lengilikhulumako, ubanike secwayiso lesiphuma kimi.

Hezekeli 33:2

“Ndvodzana yemuntfu, khuluma kubantfu bakini, utsi: ‘Nase ngiletsa inkemba ngimelana nelive lelitsite nebantfu balo, bese bakhetsa indvodza ibe yinye emkhatsini wabo bayente ibe ngumlindzi wabo,

Hoseya 1:11

Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.

Hoseya 9:8

Umphrofethi utfunyelwe nguNkulunkulu kutsi abe ngumlindzi wa-Efrayimu, noko tingibe timele umphrofethi kuto tonkhe tindlela takhe, nebutsa busendlini yaNkulunkulu wakhe.