Jeremiya 31:4 - Siswati 1996 Bible

⁴ Ngitawuphindze ngikwakhe kabusha, futsi utakwakheka wena Ntfombi lengu-Israyeli. Uyawuphindze utsatse emafahlawane akho, uphumele ngephandle, uyewugidza nalabajabulako.

Jeremiya 31:4 Referencias Cruzadas

2 Emakhosi 19:21

Nali-ke livi lelikhulunywe nguSimakadze lelimelene naye, litsi: “ ‘Indvodzakati yaseSiyoni iyakwedzelela, ikubukela phansi. Indvodzakati yaseJerusalema igencetisa inhloko yayo, nawubaleka.

Tihlabelelo 149:3

Abadvumise ngekugidza nangesigubhu nangehabhu.

Tihlabelelo 30:11

Ugucule kulila kwami kwaba ngumgidvo, ungikhumule ingubo yenzilo, wangembatsisa ngekungibopha ngenjabulo.

Tihlabelelo 51:18

Yentela iSiyoni lokuhle ngekwemusa wakho, utakhe kabusha tindvonga taseJerusalema.

Tihlabelelo 69:35

Ngobe Nkulunkulu uyawuyisindzisa iSiyoni, akhe kabusha emadolobha akaJuda, bayawuhlala kuleyo ndzawo ibe yabo.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 30:32

Kuyawutsi njalo indvuku yaSimakadze nayehlela e-Asiriya, ngisho loluswati lwakhe lwekujezisa, kuyawuhambisana nekushaywa kwemafahlawane nemahabhu, asalwa nabo emphini ngengalo yakhe lematima.

Isaya 37:22

nali-ke livi lelikhulunywe nguSimakadze lelimelene naye, litsi: “INdvodzakati yaseSiyoni iyakwedzelela, ikubukela phansi. INdvodzakati yaseJerusalema igencetisa inhloko yayo nawubaleka.

Jeremiya 1:10

Buka la, lamuhla ngikubeka etikwetive nasetikwemibuso kutsi usiphule ubuye uhhihlite; ubhidlite ubuye uketule, nekutsi wakhe ubuye uhlanyele.”

Jeremiya 14:17

“Khuluma lamavi kubo utsi: “ ‘Emehlo ami akagobhote tinyembeti busuku nemini, angakhawuli; ngobe indvodzakati yami leyintfombi sibili, sive sami, igwazwe linceba lelibi, yalinyatwa kakhulu.

Jeremiya 18:13

Ngako-ke naku lokushiwo nguSimakadze, utsi: “Butani kuletinye tive nitsi: ‘Ngubani lowake weva ngentfo lenje?’ Intfo leyesabeka kakhulu yentiwe yiNtfombi lengu-Israyeli.

Jeremiya 24:6

Emehlo ami ayawubelusa kube lusito kubo, ngiyawuphindze ngibabuyise kulelive. Ngiyawubakha ngingababhidliti; yebo, ngiyawubahlanyela ngingabazuphuni.

Jeremiya 31:13

Tintfombi tiyawugidza tijabule, kanjalo futsi nemajaha nalabadzala. Ngiyawugucula kulila kwabo kube kujabula, ngibanike indvudvuto nekujabula esikhundleni selusizi.

Jeremiya 31:21

“Beka timphawu temgwaco; umise tinsika letitikhombandlela. Wunake umgwaco lomkhulu, yebo, umgwaco lohamba ngawo. Ncandzeka, Ntfombi lengu-Israyeli, buyela emadolobheni akho.

Jeremiya 31:38

Simakadze utsi: “Emalanga ayeta lapho khona ngiyakwakhelwa kabusha lelidolobha kusukela eMbhoshongweni waHananeli kuye eSangweni Lelikona.

Jeremiya 33:7

Ngiyawubuyisa bakaJuda nema-Israyeli ekutfunjweni, ngibuye ngibakhe kabusha babe njengaloku babenjalo kucala.

Jeremiya 46:11

“Khuphukela kaGileyadi uyewutfola ibhalisamu, awu, wena ntfombi, Ndvodzakati yaseGibhithe. Kodvwa wandzisa imitsi yakho yekwelapha, wayandzisa mahhala. Yeka, solo awelapheki.

Sililo 1:15

“Simakadze uwalahlile onkhe emabutfo lengisemkhatsini wawo, sewuhlomise imphi letewumelana nami kutsi itewuhlifita onkhe emajaha akami. Simakadze uyihlifitile iNtfombi yakaJuda njengemagelebisi etjeni lekuhlutela liwayini.

Sililo 2:13

Ngingatsini nje ngawe? Ngingakufananisa nani nje, wena Ndvodzakati yaseJerusalema? Yini nje lengingakulinganisa nayo, kuze ngikudvudvute, wena Ntfombi yaseSiyoni? Linceba lakho lishona njengelwandle. Ngubani longakwelapha?

Amose 5:2

“Iwile iNtfombi yaka-Israyeli, ingeke iphindze ivuke futsi, ayinakwa ngumuntfu eveni layo, kantsi futsi kute longayivusa ime.”

Amose 9:11

“Ngalelo langa ngiyakulivusa kabusha lithende laDavide leliwile. Ngiyakutakha kabusha tindzawo talo letephukile, ngiwakhe kabusha emadzibikelo alo, ngiphindze ngilakhe libe nguloku lelake laba nguko,

Lukha 15:23

Nifune litfole lelihle lelikhuluphele nilihlabe sitewudla sijabule.

Imisebenti yebaPhostoli 15:16

“ ‘Emvakwaloko ngiyawuncandzeka, ngiyawuvusa indlu yaDavide lewile; ngiyawuvusa tindvonga tayo ngibuye ngitakhe futsi,

Tikhulu 11:34

Jeftha nase achamuka ekhaya lakhe lelaliseMispa, ngubani lobekangaphuma kucala amhlangabete ngaphandle kwentfombi yakakhe, leyaphuma igiya, itjakadvula, ishaya makhoyane wayo. Kwakukuphela kwayo vo! Ngaphandle kwayo abengenandvodzana nandvodzakati.