Jeremiya 31:21 - Siswati 1996 Bible

²¹ “Beka timphawu temgwaco; umise tinsika letitikhombandlela. Wunake umgwaco lomkhulu, yebo, umgwaco lohamba ngawo. Ncandzeka, Ntfombi lengu-Israyeli, buyela emadolobheni akho.

Jeremiya 31:21 Referencias Cruzadas

1 Tikhronike 29:3

Ngetulu kwako konkhe loko, nami ngekutilahla kwami ematsambo senginikela ngegolide yami nesiliva yami kulomsebenti wekwakhiwa kwelithempeli laNkulunkulu wami; kantsi ngetulu kwako konkhe loko futsi sengilungisele lelithempeli lelingcwele:

2 Tikhronike 11:16

Bonkhe bantfu baleso naleso sive saka-Israyeli lababebeke tinhlitiyo tabo ekufuneni Simakadze, Nkulunkulu wema-Israyeli, balandzela emaLevi baya eJerusalema kuyawunikela imihlatjelo kuSimakadze, Nkulunkulu waboyise.

2 Tikhronike 20:3

Jehoshafati wetfuka, wase uyawuthandaza kuSimakadze acela kucondziswa nguye, wamemetela kuzila kudla kulo lonkhe lakaJuda.

Tihlabelelo 62:10

Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.

Tihlabelelo 84:5

Babusisiwe labo bantfu emandla abo lakuwe, labalangatela etinhlitiyweni tabo kutsi bayewukhonta eSiyoni.

Taga 24:32

Ngatsi kube ngikubone loku, ngafundza nasi sifundvo:

Isaya 48:20

Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”

Isaya 57:14

Kuyawutsiwa: “Yakhani, yakhani, lungisani umgwaco. Susani emavimbela endleleni yebantfu bami.”

Isaya 62:10

Phumani, phumani emasangweni! Lungiselelani bantfu umgwaco! Yakhani, yakhani umgwaco lomkhulu! Susani ematje. Phakamiselani tive siboniso sekuncoba, titesibona.

Jeremiya 3:12

Hamba, umemetele lombiko ngasenyakatfo utsi: “ ‘Buya Israyeli longaketsembeki,’ kusho Simakadze. ‘Ngingeke ngisaphindza ngikuswacele, ngobe nginemusa,’ kusho Simakadze. ‘Ngingeke ngisakutfukutselela siphelane.

Jeremiya 3:14

“Buyani, nine bantfu labangaketsembeki,” kusho Simakadze, “ngobe mine ngiyindvodza yenu. Ngiyawukhetsa munye wenu kuwo onkhe emadolobha enu, ngikhetse babili kuto tonkhe tinsendvo tenu, bese nginimikisa eSiyoni.

Jeremiya 31:4

Ngitawuphindze ngikwakhe kabusha, futsi utakwakheka wena Ntfombi lengu-Israyeli. Uyawuphindze utsatse emafahlawane akho, uphumele ngephandle, uyewugidza nalabajabulako.

Jeremiya 46:11

“Khuphukela kaGileyadi uyewutfola ibhalisamu, awu, wena ntfombi, Ndvodzakati yaseGibhithe. Kodvwa wandzisa imitsi yakho yekwelapha, wayandzisa mahhala. Yeka, solo awelapheki.

Jeremiya 50:5

Bayawubuta indlela leya eSiyoni, emabombo abo bawabhekise khona. Bayawuta batetibophela bona kuSimakadze ngesivumelwane saphakadze lesingeke siphindze sikhohlakale.

Jeremiya 51:50

“Nine leniphunyulile enkembeni, hambani ningabe nisalibala! Khumbulani Simakadze, niseveni lelikhashane, nicabange ngeJerusalema.”

Jeremiya 51:6

“Phumani nibaleke eBhabhulona! Phephisani timphilo tenu! Ningabhujiswa ngenca yetono tayo. Sesikhatsi sekuphindzisela kwaSimakadze; utayikhokhela ngaloko lokuyifanele.

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’

Hezekeli 40:4

Lendvodza yakhuluma kimi, yatsi: “Ndvodzana yemuntfu, buka ngemehlo akho uve ngetindlebe takho, ulalelisise konkhe lengitakukukhombisa kona, ngobe nguloko lokungukona ukuletselwe lapha. Tjela indlu yaka-Israyeli konkhe loku lokubonako.”

Hagayi 1:5

Manje-ke, naku lokushiwo nguSimakadze longuSomandla, utsi: “Cabangisisani ngetindlela tenu.

Zakhariya 10:9

Noko ngibasakatela kuletinye tive, kodvwa kuwo lawo mave lakhashane bayakungikhumbula. Bona kanye nebantfwababo bayawuphila, baphindze babuye.

Dutheronomi 32:46

wakhuluma kubo watsi: “Wafakeni etinhlitiyweni tenu onkhe lamavi lenginitjela wona lamuhla, khona niyekuyala ngawo bantfwabenu kutsi bawahloniphe ngekucophelela onkhe emavi alomtsetfo.