Jeremiya 31:20 - Siswati 1996 Bible

²⁰ Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Jeremiya 31:20 Referencias Cruzadas

Genesisi 43:30

Josefa washesha waphuma, ngobe inhlitiyo yakhe yefikelwa buhlungu, wafuna indzawo lesitsele, wangena khona wakhala.

1 Emakhosi 3:26

Lomfati longumnikati walomntfwana wafikelwa ngimihelo ngenca yalomntfwanakhe, wakhuluma enkhosini watsi: “Ngiyacela, nkhosi yami, mane sale umnika yena lomntfwana lophilako! Ungambulali!” Kodvwa lona lomunye watsi: “Akubete lomtsatsako kitsi sobabili. Mhlahleleni ekhatsi!”

Tihlabelelo 103:13

Njengobe uyise anesihe kubantfwabakhe, ngalokufananako Simakadze unesihe kulabamesabako.

Taga 3:12

Ngobe Simakadze uyamtsetsisa amcondzise lowo lamtsandzako, njengobe neyise enta endvodzaneni yakhe lajabula ngayo.

Ingoma Yetingoma 5:4

Longitsandzako wami wase ufaka sandla sakhe esikhaleni semnyango, inhlitiyo yami yase icala kumhawukela.

Isaya 16:11

Inhlitiyo yami ililela iMowabi, ikhala njengelihabhu, lingekhatsi lami lilila ngeKhiri Heresi.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Jeremiya 3:12

Hamba, umemetele lombiko ngasenyakatfo utsi: “ ‘Buya Israyeli longaketsembeki,’ kusho Simakadze. ‘Ngingeke ngisaphindza ngikuswacele, ngobe nginemusa,’ kusho Simakadze. ‘Ngingeke ngisakutfukutselela siphelane.

Jeremiya 3:19

“Mine cobo lwami, ngatsi: ‘Bengingajabula kanjani kuniphatsisa kwemadvodzana ami, ngininike live lelifanelekile kakhulu, lifa lelihle kakhulu kwendlula tonkhe letinye tive.’ Bengicabanga ngitsi nitangibita, nitsi kimi: ‘Babe,’ ningajiki ekulandzeleni mine.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Jeremiya 48:36

“Ngako inhlitiyo yami ikhala njengemntjingozi, ikhalela iMowabi, intjilota njengemntjingozi ngenca yemadvodza aseKhiri Heresi. Umcebo labewutfola awusekho.

Sililo 3:22

Ngenca yelutsandvo lolukhulu lwaSimakadze asikadliwa sacedvwa, ngobe sihawu sakhe singeke siphele.

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Hoseya 14:4

“Ngiyawukuphilisa kunhlanhlatsela kwabo, ngibatsandze ngekukhululeka, ngobe intfukutselo yami seyisukile kubo.

Levithikusi 26:44

Kodvwa nome kunjalo, nasebaseveni letitsa tabo, ngingeke ngibadvube, futsi ngingeke ngibacansukele kangangekutsi ngize ngibabhubhise baphele nya, ngephule sivumelwane sami nabo. NginguSimakadze, Nkulunkulu wabo.

Lukha 15:24

Ngobe lendvodzana yami beyifile, kodvwa nyalo seyiyaphila; beyilahlekile, kodvwa nyalo seyitfolakele.’ Ngako kwase kuyadliwa, kuyajatjulwa.

Lukha 15:32

Kepha kusifanele kutsi sijabule sidle ngekutfokota, ngobe umnakenu abefile, kepha manje sewuyaphila; abelahlekile, kepha manje sewutfolakele.’ ”

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

KubaseFiliphi 1:8

Nkulunkulu ungufakazi wami kutsi nginilangatelela kanganani nonkhe ngesihe saKhristu Jesu.

Tikhulu 10:16

Base bayabesusa bonkulunkulu betive lababesemkhatsini wabo, bakhonta Simakadze. Inhlitiyo yakhe yase iyatsintseka ngenca yekukhala kwesive sema-Israyeli.