Jeremiya 31:13 - Siswati 1996 Bible

¹³ Tintfombi tiyawugidza tijabule, kanjalo futsi nemajaha nalabadzala. Ngiyawugucula kulila kwabo kube kujabula, ngibanike indvudvuto nekujabula esikhundleni selusizi.

Jeremiya 31:13 Referencias Cruzadas

Ezra 6:22

Batsatsa emalanga lasikhombisa bagubha uMkhosi weSinkhwa Lesingenambiliso, ngobe Simakadze abebajabulisile ngekugucula simo senkhosi yase-Asiriya, yaze yabasita ekwakheni indlu yaSimakadze, Nkulunkulu wema-Israyeli.

Nehemiya 12:27

Ngesikhatsi sekunikelwa kwelubondza lweJerusalema, emaLevi afunwa aze atfolakala lapho abehlala khona, atsatfwa aletfwa eJerusalema kutsi atewungenela lomkhosi ngenjabulo, nangetingoma tekubonga, nangemculo wabokhencekhence, newemahabhu, newemalire lanetintsambo letinyenti.

Nehemiya 12:43

Ngalelo langa banikela ngalemikhulu imihlatjelo bajabula, ngobe Nkulunkulu abebentele injabulo lenkhulu. Bafati nebantfwana nabo bajabula. Umsindvo wekujabula lowawuseJerusalema wawungevakala khashane kakhulu.

Esta 9:22

Lawo ngawo emalanga lapho emaJuda ativikela etitseni tawo. Leyo nyanga kwaba yinyanga leyajikiswa ekubeni yinyanga yelusizi neyengati kubo, yaba yinyanga yenjabulo neyekuphepha kwabo. Batjelwa kutsi bawahloniphe lawo malanga ngekwenta emadzili bephane tipho talokudliwako lomunye kulomunye, ngisho nakulabamphofu.

Tihlabelelo 126:5

Labo labahlanyela ngetinyembeti bayawuvuna ngekujabula.

Tihlabelelo 148:12

nani majaha netintfombi, nani labadzala nalabancane.

Tihlabelelo 149:3

Abadvumise ngekugidza nangesigubhu nangehabhu.

Tihlabelelo 30:11

Ugucule kulila kwami kwaba ngumgidvo, ungikhumule ingubo yenzilo, wangembatsisa ngekungibopha ngenjabulo.

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Isaya 60:20

Lilanga lakho alisayiwuphindza lishone, nenyanga yakho ayisayiwuphindza ifiphale. Simakadze uyawuba kukhanya kwaphakadze kuwe, emalanga akho ekudzabuka ayawuphela.

Isaya 61:2

Ungitfume kutsi ngitewumemetela umnyaka wemusa waSimakadze, nelilanga lekuphindzisela kwaNkulunkulu wetfu, nelekudvudvuta bonkhe labalilako,

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Jeremiya 31:4

Ngitawuphindze ngikwakhe kabusha, futsi utakwakheka wena Ntfombi lengu-Israyeli. Uyawuphindze utsatse emafahlawane akho, uphumele ngephandle, uyewugidza nalabajabulako.

Jeremiya 33:11

imisindvo yenjabulo neyentfokoto, nemaphimbo abomakoti nemyeni, kanye nemaphimbo alabo labaletsa iminikelo yekubonga endlini yaSimakadze, batsi: “ ‘ “Bongani Simakadze longuSomandla, ngobe Simakadze ulungile; umusa wakhe ume kuze kube phakadze.” Ngobe ngiyakutibuyisela tibusiso talelive tibe njengobe tatinjalo kucala,’ kusho Simakadze.

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”

Johane 16:22

Kunjalo-ke nakini, kwamanje niselusizini, kodvwa ngitawuphindze nginibone futsi, tinhlitiyo tenu tiyawujabula kakhulu. Kute futsi umuntfu loyakunemuka loko kujabula kwenu.

Tikhulu 21:21

nilindze; kutawutsi tintfombi taseShilo natichamuka nato titewugidza, nine bese niyaphoseka niphuma lapha etivinini, ngulowo nalowo atibambele wakhe umfati kuletintfombi taseShilo, nihambe nibuyele eveni lakini kaBhenjamini.