Jeremiya 31:11 - Siswati 1996 Bible

¹¹ Ngobe Simakadze uyawubahlenga bakaJakobe, abakhulule esandleni salabo labanemandla kunabo.

Jeremiya 31:11 Referencias Cruzadas

Tihlabelelo 142:6

Vani kukhala kwami, ngobe ngicindzeteleke kakhulu. Ngephule kulabo labangitingelako, ngobe banemandla kunami.

Eksodusi 15:16

behlelwe kutfutfumela neluvalo. Ngenca yamandla emkhono wakho, bayawutfomeka, banganyakati nakancane; kuze kwendlule sive sakho, yebo, kuze kwendlule sive sakho, lowasitsenga ebugcilini, Simakadze.

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Isaya 48:20

Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”

Isaya 49:24

Emabutfo angemukwa yini imphango nome tigcili letitfunjiwe tisindziswe kulabanelunya?

Isaya 49:25

Kodvwa naku lokushiwo nguSimakadze, utsi: “Yebo, emabutfo ayakwemukwa labatfunjiwe, nalabanelunya bemukwe imphango. Kodvwa ngiyakulwa nalabo labalwa nawe, ngibasindzise bantfwabakho.

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Jeremiya 15:21

“Ngiyawukusindzisa etandleni talababi, ngikuhlenge ekubanjweni ngulabanelulaka.”

Jeremiya 50:33

Naku lokushiwo nguSimakadze longuSomandla, utsi: “Bantfu baka-Israyeli bacindzetelekile, kanye nebantfu bakaJuda futsi. Bonkhe batfumbi babo babankonkoshele, bayala kubayekela bahambe.

Jeremiya 50:34

Noko uMhlengi wabo unemandla; nguSimakadze Somandla libito lakhe. Uyakumela indzaba yabo ngemandla, kuze atewuletsa kuphumula eveni labo, kodvwa kungabi nakuthula kulabo labahlala eBhabhulona.

Sililo 3:58

Awu Simakadze, wayimela indzaba yami, wayihlenga imphilo yami.

Hoseya 13:14

“Ngiyawubahlawulela yini emandleni elithuna ngibahlenge ekufeni? Ye Kufa, tiphi tifo takho letibulalanako? Ye Thuna, kuphi kubhubhisa kwakho? “Ngiyawubate sihawu.

Zakhariya 9:16

Simakadze Nkulunkulu wabo uyawubasindzisa ngalelo langa njengemhlambi webantfu bakhe. Bayawumanyatela eveni lakhe njengematje laligugu lacwebetelako kuwo umchele.

Matewu 12:29

“Futsi umuntfu angangena kanjani endlini yesichwaga, atsatse timphahla taso, ngaphandle kwekubopha lesichwaga kucala; bese-ke uchwaga lendlu?

Matewu 20:28

Njengobe neNdvodzana yeMuntfu ayitelanga kukhontwa, kepha yetela kutawukhonta nekunikela ngemphilo yayo, kutsi ibe yinhlawulo yalabanyenti.”

Matewu 22:29

Jesu watsi kubo: “Maye! Nedukile, ngobe aniyati imiBhalo kanye nemandla aNkulunkulu!

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.