Jeremiya 30:19 - Siswati 1996 Bible

¹⁹ Kuyawuvela kubo tingoma tekubonga nemsindvo wekujabula. Ngiyawubandzisa ngebunyenti bangete bancishiswa; ngiyawubenta bahlonipheke, futsi bangeke bedzeleleke.

Jeremiya 30:19 Referencias Cruzadas

Ezra 6:22

Batsatsa emalanga lasikhombisa bagubha uMkhosi weSinkhwa Lesingenambiliso, ngobe Simakadze abebajabulisile ngekugucula simo senkhosi yase-Asiriya, yaze yabasita ekwakheni indlu yaSimakadze, Nkulunkulu wema-Israyeli.

Nehemiya 8:12

Ngako bonkhe bantfu bahamba badla banatsa ngekujabula, bapha nalabanye kudla, ngobe bese bawacondzisisa kahle lawo mavi lababechazelwe wona.

Nehemiya 8:17

Bonkhe bantfu labebabuya ekutfunjweni batakhela emadlangala, bahlala kuwo. Kusukela esikhatsini saJoshuwa, umsa waNuni, kwaze kwaba ngulelo langa babengazange bawugubhe lowo mkhosi ngaleyo ndlela labawugubha ngayo. Kujabula kwabo kwaba kukhulu kakhulu.

Tihlabelelo 53:6

Shangatsi ingavela eSiyoni insindziso yesive saka-Israyeli. Mhlazana Nkulunkulu acedza lusizi lwebantfu bakhe, aphindze abahlumelelisa, Jakobe uyawujabula, Israyeli atfokote.

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 26:15

Simakadze, usikhulisile sive, yebo, wena usandzisile sive. Utizuzele wena ludvumo. Uyinwebile yonkhe iminyele yelive.

Isaya 27:6

Ngemalanga letako, Jakobe uyawumila timphandze asime, Israyeli uyawuhluma achakaze timbali, agcwalise umhlaba wonkhe ngetitselo.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Isaya 52:9

Hlokomani ngetingoma tekujabula kanyekanye, nine tindzala taseJerusalema, ngobe Simakadze ubadvudvutile bantfu bakhe, iJerusalema uyikhululile.

Isaya 55:5

Impela, nawe uyawubita tive longatati, netive letingakwati tiyawusheshisa tite kuwe, ngenca yaSimakadze Nkulunkulu wakho, Longcwele waka-Israyeli, ngobe yena ukuphe bukhosi.”

Isaya 60:19

Lilanga aliseyikuba kukhanya kwakho emini, ngisho nekukhanya kwenyeti kungeke kusakukhanyisela wena, ngobe Simakadze uyawuba kukhanya kwakho kwaphakadze, Nkulunkulu wakho abe ludvumo lwakho.

Isaya 60:22

Lomncane wenu uyawuba yinkhulungwane, lophansi kakhulu abe sive lesinemandla. NginguSimakadze, ngesikhatsi sako ngiyawukwenta loko ngekushesha lokukhulu.”

Isaya 60:9

Nayi imikhumbi yetichingi icondza kimi, kuhamba embili imikhumbi yaseThashishi, iletse emadvodzana akho laphuma khashane labuya nesiliva negolide yawo, atewudvumisa Simakadze Nkulunkulu wakho, longuLongcwele waka-Israyeli, ngobe ukwetfwese inkhatimulo.

Jeremiya 17:26

Bantfu bayawuchamuka emadolobheni akaJuda, kanye nasetabelweni letitungelete iJerusalema, naseveni lakaBhenjamini, nasemaceleni angasenshonalanga, naseveni letintsaba, naseNegevu, beta baletsa iminikelo yekushiswa nemihlatjelo, neminikelo yalokutinhlavu, nemphepho kanye neminikelo yekubonga endlini yaSimakadze.

Jeremiya 3:16

Ngalawo malanga nase nandzile naba banyenti kakhulu eveni,” kusho Simakadze, “bantfu bangeke basasho batsi: ‘Libhokisi lesivumelwane saSimakadze.’ Kungeke kusangena ngisho nasetingcondvweni tabo, futsi kungeke kukhunjulwe kugejeke, futsi kungeke kuphindze kwenteke.

Jeremiya 31:27

Simakadze utsi: “Emalanga ayeta, lapho ngiyawuhlanyela khona indlu yaka-Israyeli nendlu yakaJuda ngentalelwane yebantfu neyetilwane.

Jeremiya 31:4

Ngitawuphindze ngikwakhe kabusha, futsi utakwakheka wena Ntfombi lengu-Israyeli. Uyawuphindze utsatse emafahlawane akho, uphumele ngephandle, uyewugidza nalabajabulako.

Jeremiya 33:22

Ngiyakwenta titukulwane taDavide, inceku yami, nemaLevi lakhonta embikwami tibe tinyenti tibe ngangetinkhanyeti tesibhakabhaka, tidzimate tingabaleki njengesihlabatsi saselusentseni lwaselwandle.’ ”

Hezekeli 36:37

“Naku lokushiwo yiNkhosi Simakadze, itsi: Nangaloku ngiyawulalela kukhala kwendlu yaka-Israyeli, ngibentele naku: Ngiyawukwenta sive sabo sandze sibe ngangetimvu,

Hezekeli 37:10

Ngako ngaphrofetha njengaloku abengiyalile, umphefumulo wangena kuwo, ase ayaphila, asukuma ema ngetinyawo, kwakuyimphi lenkhulu kakhulu.

Hezekeli 37:26

Ngiyawukwenta sivumelwane sekuthula nabo, siyawuba sivumelwane saphakadze. Ngiyawubahlalisa kahle batinte, ngibente bandze, ngibeke indzawo yami lengcwele emkhatsini wabo phakadze naphakadze.

Zakhariya 10:8

“Ngiyawubakhweba ngibabutse bangene. Ngempela ngiyawubahlenga; bayawuba banyenti njengakucala.

Zakhariya 12:8

Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.

Zakhariya 2:4

yafike kuyo yatsi: “Gijima uyewutjela lelijaha, utsi: ‘IJerusalema itawuba lidolobha lelite tibondza ngenca yebunyenti bebantfu labahlala kuyo nangenca yemfuyo lenyenti lengekhatsi kwayo.

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”

Johane 17:22

Ngibanike kona loko kukhatimula lowanginika kona, kuze babe munye, njengobe tsine nawe simunye;

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.