Jeremiya 30:16 - Siswati 1996 Bible

¹⁶ “ ‘Kodvwa bonkhe labakushwabudzelako bayawushwabudzelwa nabo. Tonkhe titsa takho tiyawuyiswa ekutfunjweni. Labo labakuphangako nabo bayawuphangwa. Bonkhe labenta wena imphango, nami ngiyawubenta baphangwe.

Jeremiya 30:16 Referencias Cruzadas

Tihlabelelo 129:5

Shangatsi bonkhe labatondza Siyoni, bangancandvwa bahlazekile.

Eksodusi 23:22

Kodvwa nangabe nililalelisisa kahle livi layo nente konkhe lengikushoko, ngiyawuba sitsa setitsa tenu ngilwe nalabalwa nani.

Taga 22:23

nawenta njalo, Simakadze uyakummelela, atsatse kuphila kwalowo lophetse lomunye dlephu.

Isaya 14:2

Tive tiyakuwatsatsa tiwamikise endzaweni yawo. Lababendlu yaka-Israyeli bayawutsatsa betive, babasebentise njengetigcili tabo letidvuna naletisikati eveni laSimakadze. Batfumbi babo bayawubenta batfunjwa babo, babuse etikwebacindzeteli babo.

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Isaya 54:15

Nakukhona lokuhlaselako, kuyawube kungaveli kimi; nome ngubani lokuhlaselako uyawutinikela kuwe.

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Jeremiya 10:25

Tfululela lulaka lwakho etikwetive letingakwemukeli wena, etikwetive letingalibiti Libito lakho. Ngobe Jakobe timudle tamshwabudzela, timudle taze tamshwabudzela, tabhubhisa live lakhe lekutalwa.

Jeremiya 12:14

Naku-ke lokushiwo nguSimakadze, utsi: “Bonkhe labomakhelwane bami labakhohlakele labatsatsa ngendlovuyangena lifa lami lengalipha sive sami, ema-Israyeli, ngitabazuphuna kulamave abo, ngiphindze ngizuphune nendlu yakaJuda emkhatsini wabo.

Jeremiya 2:3

Israyeli abengcwele kuSimakadze, tilinga tesivuno sakhe; bonkhe labamshwabudzela babekwa licala, inhlekelele yehlela etikwabo,’ ” kusho Simakadze.

Jeremiya 25:12

“Kodvwa kuyawutsi kungaphela leminyaka lengema-70, bese ngijezisa inkhosi yaseBhabhulona nesive sayo, nelive lemaBhabhulona, ngenca yelicala labo, bese lelive lawo ngilenta liba lihlane phakadze naphakadze,” kusho Simakadze.

Jeremiya 30:15

Manje, ukhalelani ngalelinceba lakho, ngalobuhlungu bakho lobungenakwelapheka? Ngenca yelicala lakho lelikhulu netono takho letinyenti, ngikwentile loku kuwe.

Jeremiya 50:28

Lalelani lababalekako nebakhoseli labesuka eBhabhulona, bamemetela baseSiyoni kutsi Simakadze Nkulunkulu wetfu utiphindziselele kanjani, atiphindziselela ngenca yelithempeli lakhe.

Jeremiya 8:16

Kuthimula kwemahhashi etitsa kuyevakala kuvela kulakaDani, kukhala kwetinjomane tabo kutfutfumelisa lonkhe live. Tifikele kutawushwabudzela live nako konkhe lokukulo, lidolobha kanye nabo bonkhe labahlala kulo.”

Sililo 1:21

“Bantfu bakuvile kububula kwami, kodvwa kute namunye longidvudvutako. Tonkhe titsa tami tivile ngekuhlupheka kwami. Tiyajabula ngaloko lokwentile. Mane sale uliletsa lelilanga lowalimemetela, kuze nabo batewuba njengami.

Sililo 1:22

“Kodvwa konkhe kungalungi kwabo akute embikwakho, nabo ubaphatse njengaloku wentile kimi, ngenca yato tonkhe tono tami. Kububula kwami kunyenti, nenhlitiyo yami iyacaleka.”

Hezekeli 29:6

“ ‘Ngulapho-ke bonkhe labahlala eGibhithe bayawukwati khona kutsi mine nginguSimakadze. “ ‘Bewuyindvuku yemhlanga kuyo indlu yaka-Israyeli.

Hezekeli 35:5

“ ‘Njengobe wafukamela butsa bakadzeni, wanikela ema-Israyeli enkembeni ngesikhatsi senhlekelele yawo, ngesikhatsi sesijeziso sawo sekuphela, ehlulelwa ngenca yalokubi kwawo,

Joweli 3:8

Ngiyawutsengisa emadvodzana nemadvodzakati enu esiveni sakaJuda, bese sibatsengisa esiveni sakaSheba, sive lesikhashane kakhulu.” Simakadze sewukhulumile.

Mikha 4:11

Tive letinyenti setibutsanele kuhlasela nine. Titsi: “IJerusalema imelwe kutsi ibhujiswe. Sitawubona tibondza taseSiyoni setibhidlitiwe!”

Mikha 7:10

Titsa tetfu tiyawutsi tingakubona loko tidliwe ngemahloni; tona leto titsa letake taba liphela endlebeni ngekusibuta titsi: “Uphi loSimakadze longuNkulunkulu wenu?” Siyawutibona setehluliwe tapitjitwa phansi, sincane seludzaka lwendlela.

Nahume 1:8

Ngesikhukhula lesinemandla baseNineve labaphambene naye uyawubacedza, abacoshe baye ebumnyameni.

Habakhuki 2:16

Wena uyawudliwa ngemahloni esikhundleni sekudvunyiswa. Manje-ke selitfuba lakakho! Natsa nawe, ungcunuleke! Lendzebe lesuka esandleni saSimakadze sangasekudla seyijikela ngakuwe, nelihlazo liyawumbonya ludvumo lwakho.

Zefaniya 2:8

“Ngitivile tinhlamba tebakaMowabi netibhinco tema-Amoni, labetfuka ngato sive sami basongela nelive laso.

Zakhariya 1:14

Lengilosi leyayikhuluma kimi, yatsi: “Memetela lelivi, utsi: Naku lokushiwo nguSimakadze longuSomandla, utsi: ‘Nginenshisekelo lenkhulu ngeJerusalema neSiyoni.

Zakhariya 1:15

Bengingakatfukutseli kangaka, kodvwa tive letitibona kutsi tiphephile setengete kulenhlekelele, tangitfukutselisa kakhulu.’

Zakhariya 12:2

“IJerusalema ngitayenta ibe yindzebe leyenta tonkhe tive letiyitungeletile tidzayitele. Emadolobha akaJuda atawuvinjetelwa kanye neJerusalema.

Zakhariya 14:2

Ngiyakubutsela tonkhe tive eJerusalema kutekulwa nayo; lelidolobha liyawutfunjwa, tindlu tiphangwe, nebesifazane badlwengulwe. Incenye yebantfu balelidolobha iyawutfunjwa, kodvwa laba labanye bantfu labayawube basele bangeke basuswe kulelidolobha.

Zakhariya 2:12

Simakadze uyakudla lifa lelinguJuda libe sabelo sakhe eveni lelingcwele, aphindze akhetse iJerusalema.

Zakhariya 2:8

Ngobe naku lokushiwo nguSimakadze longuSomandla, longitfumile wangipha emandla kutsi ngimelane netive letiniphangile, ngobe umuntfu lotsintsa nine utsintsa inhlavu yeliso laSimakadze.

Dutheronomi 30:7

Simakadze Nkulunkulu wenu uyakwehlisela tonkhe leticalekiso etikwetitsa tenu letinitondzako naletinihluphako.

Sembulo 13:10

Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.

1 Samuweli 17:53

Kwatsi ema-Israyeli nasabuya ekucosheni emaFilisti, afike ayidla inkambu yawo.