Jeremiya 30:15 - Siswati 1996 Bible

¹⁵ Manje, ukhalelani ngalelinceba lakho, ngalobuhlungu bakho lobungenakwelapheka? Ngenca yelicala lakho lelikhulu netono takho letinyenti, ngikwentile loku kuwe.

Jeremiya 30:15 Referencias Cruzadas

Ezra 9:13

“Loko lokusehlele kungumphumela wetento tetfu letimbi, nelicala letfu lelikhulu, noko, Nkulunkulu wetfu, awukasijezisi njengalokufanele tono tetfu, sewuze wasinika nensali lefana nalena.

Jobe 34:29

Kodvwa kube uthulile, ngubani labengamsola? Nakangafihla buso bakhe, ngubani longambona? Noko ubusa etikwemuntfu netive ngalokufananako,

Jobe 34:6

Naloku ngilunge kangaka, ngitsatfwa njengalonemanga, naloku ngingenacala umcibisholo wakhe uhlaba linceba lelingelapheki.’

Tihlabelelo 107:17

Labanye baba tilima ngenca yekona nebubi babo behlelwa kuhlupheka.

Isaya 1:6

Kusukela elutwaneni lwelunyawo lwenu kuze kuyewufika enhloko yenu, kute nakunye lokukahle, kugcwele emanceba, nemihuzuko, netilondza letikhamisile, lekungazange kugezwe nome kuboshwe kubuye kugcotjiswe ngemafutsa.

Isaya 5:2

Wasimba wesusa onkhe ematje kuso, wahlanyela kuso imivini yelikhetselo. Wakha umbhoshongo wekulindza ekhatsi kuso, wacopha nesikhamo seliwayini edvwaleni. Abetsembe kutsi sitawutsela emagelebisi lamahle, kodvwa satsela emagelebisi esiganga lamunyu.

Jeremiya 11:13

Ninabonkulunkulu labanyenti labangangalamadolobha enu, nine maJuda; nalamalati leniwamisele kutfuncisa imphepho kuwo, niyitfuncisele sithico lesilihlazo lesinguBhali, manyenti angangetitaladi taseJerusalema.’

Jeremiya 15:18

Kwentiwa yini kutsi iminjunju yami ingapheli, nelinceba lami libe libibitseka, futsi lingelapheki? Vele, kimi utawuba njengemfula lolite yini nanjengemtfombo lote emanti?

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 30:12

“Naku lokushiwo nguSimakadze, utsi: “ ‘Linceba lakho alelapheki, yebo, silondza sakho sesingale kwekuphola.

Jeremiya 30:14

Bonkhe bangani bakho sebakukhohliwe, abasanaki lutfo lwakho. Ngikushaye njengesitsa, ngakujezisa njengalonelulaka, ngobe licala lakho lilikhulu kakhulu, netono takho titinyenti.

Jeremiya 30:16

“ ‘Kodvwa bonkhe labakushwabudzelako bayawushwabudzelwa nabo. Tonkhe titsa takho tiyawuyiswa ekutfunjweni. Labo labakuphangako nabo bayawuphangwa. Bonkhe labenta wena imphango, nami ngiyawubenta baphangwe.

Jeremiya 30:17

Kodvwa wena ngiyawukubuyisela emphilweni, ngiphilise emanceba akho, nome ubitwa ngekutsi ungulolahliwe, iSiyoni lenganakwa ngumuntfu,’ kusho Simakadze.

Jeremiya 46:11

“Khuphukela kaGileyadi uyewutfola ibhalisamu, awu, wena ntfombi, Ndvodzakati yaseGibhithe. Kodvwa wandzisa imitsi yakho yekwelapha, wayandzisa mahhala. Yeka, solo awelapheki.

Jeremiya 6:13

“Kusukela kulomncane kakhulu kuye kulomkhulu kakhulu, bonkhe babogubhela kwesabo; baphrofethi nebaphristi bayafanana, bonkhe bayayengana.

Sililo 1:5

Titsa tayo setigucuke taba baphatsi bayo; titsa tayo tikhibikile. Simakadze sewehlisele kuyo kudzabuka ngenca yetono tayo letinyenti. Bantfwabayo bayiswa ekutfunjweni, sebatigcili kuto titsa tayo.

Sililo 2:13

Ngingatsini nje ngawe? Ngingakufananisa nani nje, wena Ndvodzakati yaseJerusalema? Yini nje lengingakulinganisa nayo, kuze ngikudvudvute, wena Ntfombi yaseSiyoni? Linceba lakho lishona njengelwandle. Ngubani longakwelapha?

Sililo 3:39

Umuntfu nje lophilako ukhononelani, nakajeziswa ngenca yetono takhe?

Sililo 4:13

Kodvwa kwenteka ngenca yetono tebaphrofethi bayo, nangetiphambuko tebaphristi bayo, labacitsa ingati yalabamsulwa ekhatsi kuyo.

Mikha 1:9

Emanceba ekushaywa nguSimakadze, ashaya iSamariya, angeke elapheke; yebo, naJuda utakwehlelwa ngulawo manceba. Kubhujiswa sekusemasangweni eJerusalema, lapho kuhlala khona bantfu bami.”

Mikha 7:9

Sonile kuSimakadze, ngako nyalo kufanele kutfukutsela kwakhe sikubeketelele kwesikhashana. Kodvwa ekugcineni uyawusivikela, acondzise loko lokubi lokwentiwe kitsi. Uyawusiletsa asifake ekukhanyeni; yebo, siyawuphila, simbone asisindzisa.

Nahume 3:19

Kute lokungelapha lesilondza sakho, lelinceba lakho linengati yekufa. Bonkhe labo labeva letindzaba takho bagidza batibetsele. Utsi ukhona nje lowase waphunyula wasindza kulolunya lwakho lolungenamkhawulo?