Jeremiya 30:11 - Siswati 1996 Bible

¹¹ Nginawe, futsi ngiyawukusindzisa. Noko ngiyatibhubhisa ngiticedze tonkhe letinye tive, lebengikusakatele kuto, kodvwa wena ngingeke ngikubhubhise ngikucedze. Ngiyawukujezisa ngikucondzise noko ngekwehlulela ngebucotfo bemtsetfo, ngingeke ngikuyekele uhambe nje ungasashaywa nawonile,’ kusho Simakadze.

Jeremiya 30:11 Referencias Cruzadas

2 Samuweli 24:12

“Hamba utjele Davide utsi: ‘Naku lokushiwo nguSimakadze, utsi: “Ngikunika tintfo letintsatfu lokumele ukhetse kuto. Khetsa kunye kwato ngitekujezisa ngako.” ’ ”

Tihlabelelo 6:1

Awu, Simakadze, ungangijezisi ngentfukutselo yakho, ungangishayi ngelulaka lwakho.

Eksodusi 34:7

ubentela umusa labatinkhulungwane, atsetselele emaphutsa, nalokubi, netono. Kodvwa ngingeke ngihlale ngingamjezisi lonelicala; ngijezisa bantfwana nebatukulu ngetono tebatali babo, kuze kufikele esitukulwaneni sesitsatfu nesesine.”

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Jeremiya 1:19

Bayakulwa nawe, kodvwa bangeke bakwehlule, ngobe mine nginawe, futsi ngiyawukwelekelela,” kusho Simakadze.

Jeremiya 1:8

Ungabesabi, ngobe mine nginawe, futsi ngiyawukuphephisa,” kusho Simakadze.

Jeremiya 10:24

Awu, Simakadze, ngicondzise, loko ukwente ngemtsetfocotfo wakho kuphela, kungabi ngekwelulaka lwakho, funa ungehlise ngidzimate ngibe lite.

Jeremiya 15:20

Ngiyawukwenta ube lubondza kulesive, yebo, lubondza lwelitfusi lolucinile: bayakulwa nawe kodvwa bangeke bakwehlule, ngobe nginawe kutsi ngikwephule ngibuye ngikusindzise,” kusho Simakadze.

Jeremiya 4:27

Naku lokushiwo nguSimakadze, utsi: “Live lonkhe litawuphundleka, noko ngingeke ngilibhubhise liphele nya.

Jeremiya 5:10

“Dzabula tivini taso utone, kodvwa ungatibhubhisi tiphele titsi nya. Waphundle emagala ato, ngobe labantfu abasibo baSimakadze.

Jeremiya 5:18

Simakadze utsi: “Noko ngisho nakulawo malanga ngingeke nginibhubhise nginicedze.

Sililo 3:22

Ngenca yelutsandvo lolukhulu lwaSimakadze asikadliwa sacedvwa, ngobe sihawu sakhe singeke siphele.

Hezekeli 11:13

Ngatsi ngisaphrofetha, Phelatiya, umsa waBhenaya, wafa. Ngawa ngebuso bami bubheke phansi, ngakhala kakhulu, ngatsi: “Hhawu, Nkhosi, Simakadze! Lensali yaka-Israyeli utayibhubhisa yonkhe yini?”

Hezekeli 6:8

“ ‘Kodvwa ngitawushiya insali, ngobe labanye benu bayawuphunyula enkembeni ngesikhatsi nisakatekele emaveni ngemave, nasetiveni.

Hoseya 11:9

Ngingeke ngiyisebentise intfukutselo yami leyesabekako, futsi ngingeke ngiphindze ngimbhubhise Efrayimu. Ngobe mine nginguNkulunkulu, angisiye umuntfu, nginguLongcwele losemkhatsini wenu. Ngingeke ngifike ngelulaka.

Levithikusi 26:44

Kodvwa nome kunjalo, nasebaseveni letitsa tabo, ngingeke ngibadvube, futsi ngingeke ngibacansukele kangangekutsi ngize ngibabhubhise baphele nya, ngephule sivumelwane sami nabo. NginguSimakadze, Nkulunkulu wabo.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Imisebenti yebaPhostoli 18:10

ngobe nginawe, futsi kute umuntfu lotakuhlasela akulimate, ngobe nginebantfu bami labanyenti kulelidolobha.”

Dutheronomi 4:31

Ngobe Simakadze, Nkulunkulu wenu, unguNkulunkulu lonemusa, angeke anishiye nome anibhubhise nome akhohlwe sivumelwane sakhe lasenta naboyihlomkhulu, lasicinisa kubo ngesifungo.

2 kuThimothi 4:22

INkhosi ayibe nemoya wakho. Umusa awube nani.