Jeremiya 30:10 - Siswati 1996 Bible

¹⁰ “ ‘Ngako-ke ungesabi, wena Jakobe, nceku yami, ungapheli emandla, wena Israyeli,’ kusho Simakadze. ‘Ngempela ngiyawukusindzisa eveni lelikhashane, netitukulwane takho eveni lekutfunjwa kwato. Jakobe usetawubuye abe nekuthula kanye nekuvikeleka, kute namunye loyawubuye amesabise.

Jeremiya 30:10 Referencias Cruzadas

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

Isaya 14:3

Kuyawutsi ngalelo langa Simakadze layawukuphumuta ngalo, wena Israyeli, ekuhluphekeni kwakho, nasekukhatsatekeni, nasebugcilini lobunesihluku,

Isaya 35:9

Kuyawubate libhubesi lapho, kute ngisho nesilwane lesinelulaka, lesiyawutfolakala kuwo. Kodvwa ngulabahlengiwe bodvwa labayawuhamba kulowo mgwaco,

Isaya 43:5

Ungesabi, ngobe nginawe; bantfwabakho ngitabaletsa kusuka emphumalanga, ngikubutse wena kusukela enshonalanga.

Isaya 44:1

“Kodvwa lalela, wena Jakobe, nceku yami, Israyeli, wena lengikukhetsile.

Isaya 44:2

Naku lokushiwo nguSimakadze, lowo lowakwenta, wakubumba esiswini, nalonguyena atakukusita, utsi: Ungesabi, wena Jakobe, nceku yami, Jeshuruni, lengimkhetsile.

Isaya 46:11

Ngibita lingce emphumalanga, eveni lelikhashane ngibite umuntfu atewufeza injongo yami. Loko lese ngikushito, nguloko lengiyawukuphumelelisa; loko lese ngikuhlelile, nguloko lengiyawukwenta.

Isaya 46:13

Ngisondzeta kulunga kwami edvutane, akusekho khashane, nekusindzisa kwami kungeke kwephute. Ngitawupha iSiyoni insindziso, nenkhatimulo yami kuma-Israyeli.”

Isaya 49:12

Buka la: Bayawuchamuka khashane, labanye enyakatfo, labanye enshonalanga, labanye etigodzini taseSinimu.”

Isaya 49:25

Kodvwa naku lokushiwo nguSimakadze, utsi: “Yebo, emabutfo ayakwemukwa labatfunjiwe, nalabanelunya bemukwe imphango. Kodvwa ngiyakulwa nalabo labalwa nawe, ngibasindzise bantfwabakho.

Isaya 54:4

“Ungesabi, ungeke ube nemahloni. Ungakwesabi kuhlazeka, ngeke wehliswe. Utalikhohlwa lihlazo lebusha bakho, ungaphindzi uwakhumbule emahloni ebufelokati bakho.

Jeremiya 23:3

“Mine matfupha ngiyawutibutsela lensali yemhlambi wami emaveni onkhe, lapho ngiwusakatele khona, ngiwubuyisele edlelweni lawo, lapho uyawukwandza khona, ukhule wandze ngesibalo.

Jeremiya 23:4

Ngiyawubeka etikwawo belusi labayakuwunakekela, ungeke uphindze wesabe nome wetfuswe lutfo, futsi kute nayinye leyawulahleka,” kusho Simakadze.

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Jeremiya 23:8

kodvwa bayawutsi: ‘Kuphila kwaSimakadze, lowakhipha titukulwane taka-Israyeli eveni lelingasenyakatfo nakuwo onkhe emave lapho abeticoshele khona,’ tiyawube setihlala eveni lato.”

Jeremiya 29:11

Ngobe ngiyawati emasu lenginawo ngani, yebo, emasu ekuniphumelelisa, hhayi ekunilimata, emasu ekuninika litsemba nelikusasa.

Jeremiya 29:14

Ngiyawutfolwa ngini nginibuyise ekutfunjweni kwenu,’ kusho Simakadze. ‘Ngiyawunibutsa kuto tonkhe tive netindzawo, lapho benginicoshele khona,’ kusho Simakadze. ‘Ngiyawunilandza nginibuyisele kuyo lendzawo lapho nganitsatsa khona naya ekudzingisweni.’

Jeremiya 3:18

Kulawo malanga indlu yakaJuda iyawutihlanganisa nendlu yaka-Israyeli, bete kanyekanye baphuma eveni lelingasenyakatfo, batewungena eveni lengalipha boyisemkhulu kutsi libe lifa labo.”

Jeremiya 30:3

Simakadze utsi: ‘Ayeta emalanga, lapho ngiyawulandza khona sive sami saka-Israyeli nesakaJuda ekutfunjweni ngibabuyisele eveni lengalipha boyisemkhulu kutsi libe ngelabo,’ kusho Simakadze.”

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Jeremiya 33:16

Kulawo malanga Juda uyawusindziswa, neJerusalema ihlale iphephile. Lelo-ke libito lalo leliyawubitwa ngalo: Simakadze Kulunga Kwetfu.’

Hezekeli 16:52

Letfwale-ke lelihlazo lakho, ngobe nguwe lowente tizatfu tabodzadzewenu babonakale shangatsi bona balungile. Ngenca yekutsi tono takho tibe tibi kakhulu kunetabo, bona sebabonakala shangatsi balungile kunawe. Ngako-ke bani nemahloni, uletfwale lelihlazo lakho, ngobe nguwe lowente bodzadzewenu babonakala balungile.’ ”

Hezekeli 38:11

Uyakutsi: “Ngitawungenela live lelitabelo talo tingakabiyelwa, ngiyawuhlasela sive lesinekuthula, sive lesingakacapheli lutfo, bonkhe bahlala ebaleni bangakavikeleki, abanamasango namicabo.

Danyela 12:1

“Ngaleso sikhatsi Mikhayeli, ingilosi lenkhulu lengumvikeli wesive sakini, uyawuvela. Kuyawuba sikhatsi sekuhlupheka lokukhulu, lesingazange sesibe khona, seloku kwacala kuba netive kuze kube nguleso sikhatsi. Kodvwa ngaleso sikhatsi, bonkhe bantfu bakini lekwatfolakala emabito abo abhaliwe encwadzini yaNkulunkulu, bayawukhululwa.

Hoseya 2:18

Ngalelo langa baka-Israyeli ngiyawubentela sivumelwane netilwane tesiganga netinyoni temoya kanye netidalwa letinwabutela phansi emhlabatsini. Butjoki, nenkemba, nemphi ngiyawukususa eveni, kuze kutsi bonkhe batewulala phansi baphephile.

Hoseya 2:20

Ngiyawukwendzisa ngekwetsembeka, uyakumhlonipha Simakadze.

Hoseya 6:11

“Nawe-ke, Juda, ulungiselwe kuvunwa. “Nase ngifuna kubuyisela inhlalakahle kubantfu bami,

Joweli 2:21

Ungesabi, wena live, jabula utfokote. Ngempela Simakadze wente tintfo letinkhulu.

Mikha 4:9

Nikhalelani kakhulu kangaka? Yini nikhale nijilajile njengemfati aphetfwe ngumhelo? Kungobe anisenayo yini inkhosi, nebaholi benu sebafile yini?

Zakhariya 3:10

“ ‘Ngalelo langa ngulowo nalowo wenu uyawumema makhelwane wakhe kutsi atewuhlala ngekuthula ngaphansi kwemvini nemkhiwa wakhe,’ kusho Simakadze longuSomandla.”

Johane 12:15

“Ungesabi, Ndvodzakati yaseSiyoni, bheka iNkhosi yakho seyiyeta, igibele litfole lembongolo.”