Jeremiya 3:21 - Siswati 1996 Bible

²¹ Kuvakala sililo etindzaweni letiphakeme letingamili lutfo, yebo, kukhala nekuncenga kwesive saka-Israyeli, ngobe siphambukise tindlela taso, samkhohlwa Simakadze Nkulunkulu waso.

Jeremiya 3:21 Referencias Cruzadas

Jobe 33:27

Uyabe sewuya kubantfu, afike atsi: ‘Ngonile, ngagwegwisa loko lobekulungile, kodvwa angikakutfoli loko lebengikufanele.

Taga 10:9

Umuntfu lowetsembekile uhamba aphephile; kodvwa lokhetsa tindlela letimagiligombo uyawugcina atfolakele.

Taga 19:3

Lomunye umuntfu ulimata imphilo yakhe yonkhe ngebulima bakhe; kodvwa usuka lapho asole Simakadze.

Isaya 15:2

IDiboni seyenyukele ethempelini, endzaweni lephakeme yekukhontela, kuyawukhala. Sive sakaMowabi sikhalela iNebo neMedeba. Tonkhe tinhloko tihhuliwe, tonkhe tilevu tihhuliwe.

Isaya 17:10

Umkhohliwe Nkulunkulu uMsindzisi wakho; awukalikhumbuli lidvwala lelisiphephelo sakho. Ngako-ke nome ungahlanyelela tithico takho titfombo letinhle kakhulu, uhlanyele tivini letiphuma kulamanye emave,

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Jeremiya 12:12

Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Jeremiya 13:25

Loku ngulokusabelo sakho, sabelo lese ngikumisele sona, ngobe sewungikhohliwe, wetsemba bonkulunkulu,” kusho Simakadze.

Jeremiya 18:15

Noko sive sami singilahlile mine; satfuncisa imphepho etithicweni letingenamsebenti, letabakhubatelisa etindleleni tabo nasemikhondvweni yakadzeni. Tabahambisa ngetindlela letijubako nangemigwaco lengakakhiwa kahle.

Jeremiya 2:32

Intfombi iyabukhohlwa yini buhlalu bayo lobuligugu, nome makoti imihlobiso yakhe nakashada? Noko sive sami singikhohlwe emalanga lamanyenti langeke abalwe.

Jeremiya 3:2

“Phakamisela emehlo akho etulu eticongweni letingenalutfo, ubone. Ikhona yini indzawo lapho bangazange sebakulale khona? Njengalondzindzako ehlane, wahlala eceleni kwemgwaco ulindzele tiphingi. Ulingcolisile lelive ngebugwadla bakho nangekukhohlakala kwakho.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Jeremiya 7:29

Hhulani tinwele tenu, nine bantfu baseJerusalema, nitilahle, nilile sililo emagcumeni laphakeme, ngobe Simakadze usilahlile, wasishiya lesitukulwane lesingaphansi kwelulaka lwakhe.’ ”

Hezekeli 23:35

“Ngako-ke naku lokushiwo yiNkhosi Simakadze, itsi: Njengobe sewungikhohliwe wangilahla ngemuva kwakho, ufanele uwetfwale umphumela weluntjingintjingi lwakho lwenkhanuko nebugwababane bakho.”

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Hoseya 13:6

Ngatsi nangibondla emadlelweni lamahle, besutsa; batsi kube besutse, base bayatigabatisa, base bayangikhohlwa.

Hoseya 8:14

Israyeli sewumkhohliwe uMenti wakhe, wakha tigodlo; Juda sewubiyele emadolobha lamanyenti. Kodvwa ngitawutfumela umlilo etikwalamadolobha abo, loyawushisa letinqaba tabo uticedze.”

Mikha 3:9

Lalelani la kimi, nine babusi baka-Israyeli, nine lenitondza kuvikela lokulungile bese niguculela lokuhle kube kubi.

Numeri 22:32

Ingilosi yaSimakadze yambuta yatsi: “Uyishayeleni lembongolo yakho kuze kube katsatfu? Ngite lapha kutewuncandza wena, ngobe lendlela yakho inengoti embikwami.

2 kubaseKorinthe 7:10

Kudzabuka lokukwaNkulunkulu kuveta kuphendvuka kube kusindziswa, kubete kutisola ngako; kodvwa kudzabuka lokukwemhlaba kuveta kufa.