Jeremiya 3:17 - Siswati 1996 Bible

¹⁷ Ngalawo malanga iJerusalema bayawuyibita ngekutsi Sihlalo Sebukhosi SaSimakadze, tonkhe tive tiyawubutsana eJerusalema, tiyewuhlonipha Libito laSimakadze. Bangeke basayilandzela inkhani yetinhlitiyo tabo letimbi.

Jeremiya 3:17 Referencias Cruzadas

Genesisi 8:21

Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

1 Emakhosi 8:41

“Macondzana newetive longasiye lomunye wesive sakho ema-Israyeli, kodvwa lochamuka eveni lelikhashane ngenca yeLibito lakho,

Tihlabelelo 102:23

Wacedza emandla ami ngisesemkhatsini, wafinyeta emalanga ekuphila kwami.

Tihlabelelo 78:8

bangenti njengobe kwenta bokhokho lekwakusitukulwane lesinenkhani nalesihlubukako, situkulwane lesite inhlitiyo lenebucotfo, nalesasinemoya longaketsembeki kuSomandla.

Tihlabelelo 87:3

Maye, kuhle loko lokukhulunywa ngawe, wena khaya laNkulunkulu: Cabanga.

Isaya 26:8

Yebo, Simakadze, sihamba endleleni yemitsetfo yakho, silindzela wena; Libito lakho neludvumo lwakho ngutona tifiso tetinhlitiyo tetfu.

Isaya 56:6

Betive labatibophela bona kuSimakadze kutsi batemkhonta, batsandze neLibito laSimakadze bakhonte yena, bonkhe labagcina liSabatha bangaloni, lababambelela esivumelwaneni sami,

Isaya 59:19

Kusukela enshonalanga kuye lapho kuphuma ngakhona lilanga, bantfu bayawulesaba Libito laSimakadze, bahloniphe bukhosi bakhe. Ngobe uyawufika njengesikhukhula semfula lokhukhulwa kuphefumula kwaSimakadze.

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Isaya 66:18

“Mine-ke, ngenca yetento tabo nangemicabango yabo, sekusondzele kutsi ngite ngibutsele ndzawonye tonkhe tive netilwimi, khona tiyakuta tibone bukhosi bami.

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Jeremiya 11:8

Kodvwa abazange bangilalele, abazange sebanginake nekunginaka, esikhundleni saloko bonkhe balandzela inkhani yetinhlitiyo tabo letimbi. Ngako ngehlisela etikwabo tonkhe ticalekiso talesivumelwane lengangibayale ngaso kutsi basilandzele kodvwa labangazange basigcina.’ ”

Jeremiya 12:15

Kodvwa ngitawutsi ngingabazuphuna, ngiphindze ngibe nesihawu kubo ngibuyisele ngulowo nalowo eveni lakhe lekulifa lakhe.

Jeremiya 12:16

Nangabe bafundze kahle tindlela tebantfu bami base bafunga ngeLibito lami, batsi: ‘Ngifunga kuphila kwaSimakadze,’ njengaloku bake bafundzisa bantfu bami kutsi bafunge ngaBhali, bayawube sebayahlaliswa emkhatsini wesive sami.

Jeremiya 14:21

Ngenca yeLibito lakho ungasibukeli phansi, ungasenteli phansi sihlalo sakho sebukhosi bakho lobukhulu. Khumbula sivumelwane sakho lowasenta natsi, ungasephuli.

Jeremiya 16:12

Kodvwa nine senitiphetse kabi kakhulu kwendlula boyihlo. Bukani nje kutsi ngulowo nalowo wenu uyilandzela kanjani inkhani yenhlitiyo yakhe lembi, esikhundleni sekutsi ahloniphe mine.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 17:12

Sihlalo lesicwebetelako sebukhosi lesaphakanyiswa kusukela ekucaleni, yindzawo yetfu lengcwele.

Jeremiya 18:12

Kodvwa bayawuphendvula batsi: ‘Akunamsebenti. Sitatichubekela ngemasu etfu, ngulowo nalowo wetfu utatichubekela ngenkhani yenhlitiyo yakhe lembi.’ ”

Jeremiya 3:19

“Mine cobo lwami, ngatsi: ‘Bengingajabula kanjani kuniphatsisa kwemadvodzana ami, ngininike live lelifanelekile kakhulu, lifa lelihle kakhulu kwendlula tonkhe letinye tive.’ Bengicabanga ngitsi nitangibita, nitsi kimi: ‘Babe,’ ningajiki ekulandzeleni mine.

Jeremiya 31:23

Naku lokushiwo nguSimakadze longuSomandla, Nkulunkulu wema-Israyeli, utsi: “Ngiyawutsi nangibabuyisa ekutfunjweni, bantfu labaseveni lakaJuda nasemadolobheni akhona bayawuphindze basebentise nankha emagama batsi: ‘Simakadze akakubusise, awu wenandlu yekulunga, awu wena ntsaba lengcwele.’

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Jeremiya 4:2

nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”

Jeremiya 7:24

Kodvwa abazange balalele, futsi abanakanga nekunaka; esikhundleni saloko balandzela kutsambekela kwenkhani yetinhlitiyo tabo letimbi. Babuyela emuva, bangete baya embili.

Jeremiya 9:14

Esikhundleni saloko, balandzele inkhani yetinhlitiyo tabo, balandzela boBhali, njengemfundziso yaboyise.”

Hezekeli 1:26

Ngetulu kwalomkhatsi lowawusetikwetinhloko tato bekunentfo leyayifanana nesihlalo sebukhosi lesakhiwe ngesafire, ngetulu kwalesihlalo sebukhosi kwakunentfo leyayinesimo lesasifanana nesemuntfu.

Hezekeli 43:7

Wakhuluma kimi, watsi: “Ndvodzana yemuntfu, lena yindzawo yesihlalo sami sebukhosi nendzawo yekwenabela tinyawo tami. Ngulapha-ke lapho ngitawuhlala khona emkhatsini wema-Israyeli kuze kube phakadze. Indlu yaka-Israyeli ingeke iphindze ilihlambalate Libito lami lelingcwele, yona kanye nemakhosi ayo, ngebugwadla bayo nangetithico letingaphili temakhosi ayo etindzaweni tayo letiphakeme.

Hezekeli 48:35

“Sebubonkhe budze balelidolobha kutungeleta lonkhe buyawuba ngemakhilomitha langaba yimfica. “Libito lalelidolobha kusukela ngaleso sikhatsi sekuyawutsiwa: ngusimakadze ulapha.”

Zakhariya 2:11

“Tive letinyenti tiyawutihlanganisa naSimakadze ngalelo langa, tibe sive sami. Ngiyawuhlala emkhatsini wenu, nani niyawukwati-ke kutsi Simakadze longuSomandla ungitfume kini.

Zakhariya 8:8

Ngiyawubabuyisa batewuhlala eJerusalema; bayawuba bantfu bami, nami ngibe nguNkulunkulu wabo ngekwetsembeka nangekulunga.”

Numeri 15:39

Niyawutsi nanitibuka letimvakaza, bese nikhumbula yonkhe imiyalo yaSimakadze, niyilalele, khona ningetiwuba tingwadla ngekudvonswa tinkhanuko tetinhlitiyo tenu netemehlo enu.

KubaseRoma 1:21

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

KubaseRoma 6:14

Sono akusafanele sibuse etikwenu, ngobe anisaphili ngaphansi kwemtsetfo, kodvwa niphila ngaphansi kwemusa.

KubaseGalathiya 4:26

Kodvwa lomfati wakhe sibili ukhululekile, umele iJerusalema yasezulwini lengumake wetfu.

Dutheronomi 29:29

“Tintfo letifihlakele taSimakadze Nkulunkulu wetfu, kodvwa tintfo letembuliwe tiphiwe tsine kanye nebantfwana betfu kuze kube phakadze, kuze sitekwenta onkhe emavi labhalwe kulencwadzi yalomtsetfo.”

Tikhulu 2:19

Kodvwa kwakutsi nje sikhulu singafa, bantfu babuyele etindleleni tabo letimbi kakhulu kunetaboyise, balandzele labanye bonkulunkulu, babakhonte, bakhotsame kubo. Bala kwehlukana netindlela tabo letimbi, nemikhuba yabo, nenkhani yabo.