Jeremiya 29:7 - Siswati 1996 Bible

⁷ Funani futsi kuthula nekuphumelela kulelo dolobha lenganitfumbela kulo kutsi niyewudzingiswa. Likhulekeleni kuSimakadze, ngobe naliphumelela, nani niyawuphumelela.’

Jeremiya 29:7 Referencias Cruzadas

Ezra 6:10

khona batewunikela imihlatjelo lejabulisako kuNkulunkulu wasezulwini, kuthandazelwe inkhosi nemadvodzana ayo kutsi konkhe kubahambele kahle.

Ezra 7:23

Konkhe lokufunwe nguNkulunkulu wasezulwini akwentiwe ngenkhutsalo, kwentelwe lithempeli laNkulunkulu wasezulwini. Kufanele ngani kutsi lulaka luvutsele umbuso nemadvodzana enkhosi?

Tihlabelelo 122:6

Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.

Jeremiya 38:4

Tiphatsimandla takhuluma enkhosini, tatsi: “Lomuntfu kufanele abulawe. Utsela emanti emadvolweni emasotja lasele kulelidoloba, nakuwabo bonkhe bantfu, ngaletintfo latishoko kubo. Lomuntfu akacondzi lokuhle ngalabantfu, kodvwa ubafisela lokubi.”

Hezekeli 11:16

“Ngako-ke tsani: ‘Naku lokushiwo yiNkhosi Simakadze, itsi: Nome ngibatfumele khashane emkhatsini wetive, ngabasakatela emaveni, noko kwesikhashana bengiyindzawo yabo lengcwele kulawo mave lapho bebakhona khona.’

Danyela 4:19

Ngako Danyela, labebitwa ngekutsi nguBhelteshasari, wadideka kakhulu kwesikhashana, imicabango yakhe yametfusa. Ngako inkhosi yakhuluma kuye, yatsi: “Bhelteshasari, ungavumi likwetfuse leliphupho kanye nenchazelo yalo.” Bhelteshasari waphendvula, watsi: “Nkhosi yami, kube mane leliphupho belicondzene netitsa takho nenchazelo yalo icondzene nalabo labemelene nawe!

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”

KubaseRoma 13:1

Wonkhe umuntfu kufanele atitfobele ngenhlonipho tiphatsimandla tembuso, ngobe kute emandla embuso langaveli kuNkulunkulu, naleto tiphatsimandla letikhona tibekwe nguNkulunkulu.

KubaseRoma 13:5

Ngako-ke umuntfu akatitfobe ngenhlonipho, hhayi ngobe abalekela lulaka lwaNkulunkulu kuphela, kodvwa nangebucotfo banembeza.