Jeremiya 29:26 - Siswati 1996 Bible

²⁶ ‘Simakadze sewubeke wena kutsi ube ngumphristi esikhundleni saJehoyada, kutsi wengamele indlu yaSimakadze; kufanele-ke kutsi bonkhe bantfu labahlanyako batente shangatsi bayaphrofetha, ubafake esitokisini ubabophe tintsamo ngetinketane.

Jeremiya 29:26 Referencias Cruzadas

2 Emakhosi 11:15

Jehoyada, umphristi, wayala letindvuna temakhulu letatiwaphetse watsi: “Mkhipheni Athaliya lapha emkhatsini weticheme, nibagwaze ngenkemba bonkhe labamlandzelako.” Ngobe umphristi abetsite: “Ningambulaleli ekhatsi ethempelini laSimakadze.”

2 Emakhosi 11:18

Bonkhe bantfu bakulelo live baya ethempelini laBhali balibhidlita. Badzilita nemalati akhe kanye naletithico, kwaba tincetu, babulala naMathani, umphristi waBhali, bambulalela embikwalamalati. Jehoyada, umphristi, wase umisa bomahlalesangweni basethempelini laSimakadze.

2 Emakhosi 9:11

Watsi Jehu nakaphumela kulabangani bakhe, lomunye wabo wambuta watsi: “Kusahamba kahle yini? Loluhlanya belutekwentani lapha kuwe?” Jehu wamphendvula, watsi: “Niyamati lomuntfu kanye naletintfo latikhulumako.”

2 Tikhronike 16:10

Asa wamtfukutselela lomboniswa ngenca yaloko; watfukutsela wagaya tiboti, waze wamfaka ejele. Ngasona leso sikhatsi Asa wabaphatsa ngencindzetelo lenesihluku labanye bantfu.

2 Tikhronike 18:26

nitsi: ‘Inkhosi itsi: Valelani nangu umuntfu esitokisini ningamniki lutfo ngaphandle kwesinkhwa nemanti, ngize ngibuye ngiphephile.’ ”

Jeremiya 29:27

Kepha manje awukamkhalimeli ngani loJeremiya wase-Anathothi, lotishaya shangatsi nguyena mphrofethi lapho emkhatsini wenu?

Jeremiya 38:28

Jeremiya wahlala esibuyeni sabogadzi, kwaze kwaba lilanga leyatfunjwa ngalo iJerusalema.

Jeremiya 38:6

Ngako batsatsa Jeremiya bamfaka emgodzini wakaMalkhiya, umntfwanenkhosi, lowawusekhatsi esibuyeni sabogadzi. Jeremiya bamehlisa ngetindophi, bamehlisela emgodzini, noko wawute emanti lapha kuwo, kwakuneludzaka nje. Jeremiya watika kuloludzaka.

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Matewu 21:23

Jesu wabuyela ethempelini kuyawufundzisa, baphristi labakhulu netibondza temaJuda beta kuye bambuta batsi: “Loku ukwenta ngamaphi emandla? Kona ngubani lona lokunike lamandla?”

Makho 3:21

Bakubo batsi kube bakuve loko, baphutfuma bamlandza, ngobe kwase kutsiwa: “Usangene ingcondvo!”

Johane 10:20

Lamanyenti awo atsi: “Unelidimoni! Uyahlanya! Nine nimlalelelani?”

Johane 10:33

EmaJuda amphendvula atsi: “Kute umsebenti lomuhle lesifuna kukugcobela wona, kuphela nje kutsi wena uyahlambalata; ungatsi kantsi ungumuntfu nje nawe, ube sewutenta Nkulunkulu!”

Johane 8:53

Wena umkhulu yini kunababe wetfu Abrahama losewafa kanye nebaphrofethi lasebafa? Wena-ke ucabanga kutsi ungubani?”

Imisebenti yebaPhostoli 16:24

Nembala wabavalela ejele lelingekhatsi wabophela tinyawo tabo etizemuzemini tetigodvo.

Imisebenti yebaPhostoli 26:11

Ngadlanga ngekubajezisa emasinagogeni ngibacindzetela kutsi bakugceke kukholwa kwabo. Ngangibacansukela kakhulu kangangekutsi ngadzimate ngabalandzela nome sebabalekele kulamanye emadolobha langephandle.”

Imisebenti yebaPhostoli 26:24

Asabeka inkhulumo yekutivikela Pawula, Festusi wamemeta watsi: “Suka Pawula, uyahlanya! Lokufundza kakhulu kwakho kuyakuhlanyisa.”

Imisebenti yebaPhostoli 26:25

Kodvwa Pawula waphendvula watsi: “Angihlanyi, Mhlonishwa Festusi! Kodvwa ngikhuluma liciniso leliphilile nalelimsulwa.

Imisebenti yebaPhostoli 4:1

Kwatsi boPhetro naJohane basakhuluma kubantfu, kwasondzela kubo baphristi, nemphatsi wabogadzi belithempeli, nebaSadusi.

Imisebenti yebaPhostoli 5:18

Bababopha baphostoli, babafaka ejele,

Imisebenti yebaPhostoli 5:24

Nasikuva loko siphatsimandla lesiphetse bogadzi belithempeli, nebaphristi labakhulu nabakuva loko, bamangala kutsi ngabe kwentekeni kubaphostoli.

2 kubaseKorinthe 11:33

kodvwa ngakhishwa ngelibhasikidi esikhaleni lesasentiwe elubondzeni, ngaphunyula esandleni sakhe.

Sembulo 2:10

Ungakwesabi loko lotakuhluphekela. Buka la, Sathane utawufaka labanye benu ejele, kuze nitewuvivinywa; nitawuhlushwa emalanga lalishumi. Yetsembeka kuze kube ngusekufeni, ngiyawukupha umchele wekuphila.