Jeremiya 29:20 - Siswati 1996 Bible

²⁰ “Ngako-ke vanini livi laSimakadze, nonkhe nine labatfunjiwe, lengabacosha eJerusalema ngabayisa eBhabhulona.

Jeremiya 29:20 Referencias Cruzadas

Jeremiya 24:5

“Naku lokushiwo nguSimakadze, Nkulunkulu wema-Israyeli, utsi: ‘Njengalamakhiwa lamahle, labatfunjiwe bakaJuda ngibabuka kanjalo nabo, labo lengabesusa kulendzawo ngabatfumela eveni lemaBhabhulona.

Jeremiya 29:1

Lena yincwadzi leyabhalwa ngumphrofethi Jeremiya, wayitfumela isuka eJerusalema iya kumisalela leyayisasele yalabadzala kulabo labebatfunjiwe, nakubaphristi, nakubaphrofethi, nakubo bonkhe bantfu lababetfunjwe nguNebukhadnezari, abesusa eJerusalema wabayisa eBhabhulona.

Jeremiya 29:2

Lapha kwakusemuva kwenkhosi Jehoyakhini, nendlovukazi, nebatsenwa, nebaholi bakaJuda nebaseJerusalema, nebakhandzi betinsimbi kanye nebabati labatingcweti sebatfunjiwe bayiswa ekudzingisweni besuswa eJerusalema.

Jeremiya 29:31

“Tfumela lomlayeto kubo bonkhe labatfunjiwe, utsi: ‘Naku lokushiwo nguSimakadze ngaShemaya waseNehelamu, utsi: Ngenca yekutsi Shemaya sewuphrofethile kini, nome abengakatfunywa ngimi nje, wanidvonsela ekutseni netsembe emanga,

Hezekeli 11:9

Ngitanikhipha kulelidolobha, ngininiketele etandleni tebetive nginijezise.

Hezekeli 3:11

Hamba nyalo uye kubantfu bakini labatfunjiwe, ufike ukhulume kubo, utsi: ‘Naku lokushiwo yiNkhosi Simakadze,’ nome bayakulalela nome abakulaleli.”

Hezekeli 3:15

Ngefika kulabatfunjiwe lababehlala eTheli Abibi ngasemfuleni iKhebari. Ngefika lapho bebahlala khona, ngahlala emkhatsini wabo emalanga lasikhombisa, ngimangele.

Mikha 4:10

Shumpani nibubule, bantfu baseJerusalema, nilingise umfati aphetfwe ngumhelo nasatawubeleka, ngobe nyalo senitawuphuma ekhaya niyewuhlala etigangeni. Nitakuya eBhabhulona; noko lapho niyawusindziswa, Simakadze uyakunephula etitseni tenu.