Jeremiya 29:18 - Siswati 1996 Bible

¹⁸ Ngiyawubagijimisa ngenkemba, nangendlala, nangesifo lesibulalanako, ngibente banengeke kuyo yonkhe imibuso yasemhlabeni, babe yintfo yesicalekiso nesesabiso, intfo yekuhlekisa nelihlazo emkhatsini wato tonkhe tive, lapho ngibayisa khona.’

Jeremiya 29:18 Referencias Cruzadas

2 Tikhronike 29:8

Ngako-ke intfukutselo yaSimakadze seyehlele etikwaJuda naseJerusalema; sewubente baba sesabiso, nentfo yekutfutfumelisa kanye neyekuhlekisa, njengobe nibona nje nani ngemehlo enu.

Tihlabelelo 44:11

Usente saba njengetimvu tekuhlatjwa, wasisakatela etiveni tonkhe.

Isaya 65:15

Libito lenu niyawulishiya kulabakhetsiwe bami libe sicalekiso: iNkhosi Simakadze iyawunibulala. Kodvwa tinceku tayo iyawutinika lelinye libito.

Jeremiya 15:4

Ngiyakubenta benyanyeke kuyo yonkhe imibuso yemhlaba ngenca yaloko lokwentiwa eJerusalema nguManase, umsa waHezekiya, inkhosi yakaJuda.

Jeremiya 18:16

Live labo liyawusala likhala libhungane, libe yintfo yekuba yinhlekisa; bonkhe labendlulako bayawumangala banikine tinhloko.

Jeremiya 19:8

Ngiyawulibhidlita lelidolobha, ngilente libe yintfo yekuhlekisa; bonkhe labendlulako bayawumangala kakhulu, bahleke lusulu ngenca yemanceba alo.

Jeremiya 24:10

Ngiyawubatfumelela inkemba, nendlala kanye nesifo lesibulalanako lokuyawubehlela baze babhujiswe kulelive lengalinika bona naboyisemkhulu.’ ”

Jeremiya 24:9

‘Ngiyawubenta babe sinengiso nesikhubekiso kuyo yonkhe imibuso yemhlaba, babe lihlazo nesiga, babe yintfo yekuhlekisa nesicalekiso, nome ngukuphi lapho ngibadzingisele khona.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 27:8

“ ‘ “Noko nome ngabe ngusiphi sive nome-ke ngumuphi umbuso longayiwukhonta Nebukhadnezari, inkhosi yaseBhabhulona, ungagobisi inhloko yawo ejokweni lakhe, ngiyawusijezisa leso sive ngenkemba, nangendlala, nangesifo lesibulalanako, ngize ngisibhubhise ngesandla sakhe, kusho Simakadze.

Jeremiya 29:17

yebo, naku lokushiwo nguSimakadze longuSomandla, utsi: ‘Ngiyawutfumela inkemba, nendlala, nesifo lesibulalanako kutsi kuyewumelana nabo, ngiyawubenta babe njengemakhiwa labune adzimate abola lokwekutsi kute nalongawadla.

Jeremiya 29:22

Ngenca yabo, bonkhe labatfunjiwe labesuka kaJuda labaseBhabhulona bayawusebentisa lesicalekiso, batsi: “Simakadze akakulingise boSedekiya na-Ahabi labashiswa yinkhosi yaseBhabhulona ngemlilo.”

Jeremiya 32:24

“Buka-ke kutsi takhiwe njani tindvundvuma tekuvimbetela lelidolobha lize litfunjwe. Ngenca yenkemba, nendlala kanye nesifo lesibulalanako lelidolobha selitawunikelwa etandleni temaBhabhulona lalihlaselako. Loko lowakusho sekwentekile, njengobe ubona nje.

Jeremiya 34:17

“Ngako-ke, naku lokushiwo nguSimakadze, utsi: Anikangilaleli; anikayimemeteli inkhululeko yebantfu bakini. Ngako manje sengimemetela ‘inkhululeko’ yenu, kusho Simakadze, ‘inkhululeko’ yekubulawa ngenkemba, nangesifo lesibulalanako kanye nangendlala. Ngiyawunenta nenyanyeke kuyo yonkhe imibuso yemhlaba.

Jeremiya 42:18

“Naku lokushiwo nguSimakadze longuSomandla, Nkulunkulu wema-Israyeli, utsi: ‘Njengobe intfukutselo yami nelulaka lwami sekutfululelwe kulabo labebahlala eJerusalema, kanjalo lulaka lwami lutawutfululelwa etikwenu, naniya eGibhithe. Niyawuba yintfo yekucalekisa neyekwesabisa, nibe yintfo yekwetfuka nelihlazo; ningeke niphindze niyibone lendzawo.’

Jeremiya 44:12

Ngitayisusa insali yakaJuda leyayitimisele kuyawuhlala eGibhithe; bonkhe bayawubhubhela khona eGibhithe; bayawubulawa ngenkemba, nome babulawe yindlala. Kusukela kulomncane kakhulu kuye kulomkhulu kakhulu, bayawubulawa ngenkemba nome babulawe yindlala. Bayawuba yintfo yekucalekisa neyekwesabisa, babe yintfo yekwetfuka nelihlazo.

Jeremiya 44:22

Watsi Simakadze nasehlulekile kubeketelela tento tenu tebubi naletintfo letisinengiso lenanitentile, live lenu laba yintfo yekucalekisa nendzawo lelihlane lelite bantfu, njengobe linjalo lamuhla.

Hezekeli 12:15

“Bayawukwati kutsi mine nginguSimakadze, nase ngibahlakatele emkhatsini wetive, ngibasakatele emaveni ngemave.

Hezekeli 22:15

Ngitanisakatela emkhatsini wetive, nginihlakatele emaveni ngemave; ngiyawukucedza kungcola kwenu.

Hezekeli 23:46

“Naku lokushiwo yiNkhosi Simakadze, itsi: Letsa lolucucaba lwetihlangananhloko lutewumelana nabo bese ubanikela ekwesatjisweni nasekuphangweni.

Hezekeli 36:19

Ngabahlakatela emkhatsini wetive, basakateka emaveni ngemave; ngabehlulela ngangekwekutiphatsa kwabo, nangangekwenta kwabo.

Hezekeli 5:15

Uyawuba lihlazo, nesihhala, nesecwayiso, nentfo leyesabisako kuletive letikutungeletile, nase ngikwehlulela ngentfukutselo, nangelulaka, nangekutsetsisa lokubuhlungu. Mine, Simakadze, sengikhulumile.

Hezekeli 6:8

“ ‘Kodvwa ngitawushiya insali, ngobe labanye benu bayawuphunyula enkembeni ngesikhatsi nisakatekele emaveni ngemave, nasetiveni.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Amose 9:9

“Ngako ngiyawukhipha umyalo, nginyakatise indlu yaka-Israyeli emkhatsini wato tonkhe tive, njengemabele nakanyakatiswa ngesisefo, kodvwa kute ngisho nayinye inhlavu leyakuwela emhlabatsini.

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Zakhariya 7:14

Ngabasakata ngesiwunguwungwana, ngabasa kuto tonkhe tive, lapho bafike baba tihambi khona. Live lasala likhala libhungane emvakwabo, kangangekutsi kute muntfu labengaphuma angene kulo. Balenta kanjalo-ke lelive lelalijabulile kutsi libe ngusehlane kahlongasibi.’ ”

Zakhariya 8:13

Njengobe beniyintfo yesicalekiso emkhatsini wetive, awu nine bakaJuda nani ma-Israyeli, ngiyakunisindzisa kanjalo-ke, niyawuba sibusiso. Ningesabi, kodvwa cinani emadvolo.”

Numeri 5:27

Nangabe lomfati utingcolisile wangete wetsembeka endvodzeni yakhe, waphinga nalenye indvodza, lamanti esicalekiso lanatsiswe wona ngumphristi atawutsi angangena kuye amvetele buhlungu lobukhulu: abe nebunyumba, abe nesinye lesikhipha tisu, abe sicalekiso emkhatsini wesive sakubo.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

Dutheronomi 28:25

“Simakadze uyakunenta nehlulwe titsa tenu. Niyakuta kuto nitetihlasela ngendlela yinye, kodvwa niyawubaleka seninhlanhlatsela niphume ngetindlela letisikhombisa; niyawuba yintfo yekwesatjiswa emkhatsini wayo yonkhe imibuso emhlabeni.

Dutheronomi 28:37

Niyawuba yintfo leshacisa lugogo, nentfo yekwedzelelwa neyekuphukutwa emkhatsini wato tonkhe tive leniyawube nisakatelwe kuto nguSimakadze.

Dutheronomi 28:64

“Simakadze uyakunisakatela emkhatsini wato tonkhe tive, kusuka ngala kwemhlaba kuye ngale kwawo. Lapho-ke niyawukhonta labanye bonkulunkulu labentiwe ngelugodvo, nangelitje, leningazange senibati nine ngisho nabokhokho benu imbala.