Jeremiya 29:17 - Siswati 1996 Bible

¹⁷ yebo, naku lokushiwo nguSimakadze longuSomandla, utsi: ‘Ngiyawutfumela inkemba, nendlala, nesifo lesibulalanako kutsi kuyewumelana nabo, ngiyawubenta babe njengemakhiwa labune adzimate abola lokwekutsi kute nalongawadla.

Jeremiya 29:17 Referencias Cruzadas

Jeremiya 27:8

“ ‘ “Noko nome ngabe ngusiphi sive nome-ke ngumuphi umbuso longayiwukhonta Nebukhadnezari, inkhosi yaseBhabhulona, ungagobisi inhloko yawo ejokweni lakhe, ngiyawusijezisa leso sive ngenkemba, nangendlala, nangesifo lesibulalanako, ngize ngisibhubhise ngesandla sakhe, kusho Simakadze.

Jeremiya 29:18

Ngiyawubagijimisa ngenkemba, nangendlala, nangesifo lesibulalanako, ngibente banengeke kuyo yonkhe imibuso yasemhlabeni, babe yintfo yesicalekiso nesesabiso, intfo yekuhlekisa nelihlazo emkhatsini wato tonkhe tive, lapho ngibayisa khona.’

Jeremiya 32:24

“Buka-ke kutsi takhiwe njani tindvundvuma tekuvimbetela lelidolobha lize litfunjwe. Ngenca yenkemba, nendlala kanye nesifo lesibulalanako lelidolobha selitawunikelwa etandleni temaBhabhulona lalihlaselako. Loko lowakusho sekwentekile, njengobe ubona nje.

Jeremiya 43:11

Uyawuta ahlasele iGibhithe, abaletsele kufa labo labemiselwe kufa, aletsele nekutfunjwa kulabo labamiselwe kutfunjwa, nenkemba kulabo labemiselwe inkemba.

Jeremiya 52:6

Kwatsi ngelilanga lemfica lenyanga yesine, indlala lapha edolobheni yase imatima kangangekutsi kwase kute nekudla kwalabantfu labebangakudla.

Lukha 21:11

Kuyawuba nekutamatama kwemhlaba lokwesabekako lokunyenti, kuvame indlala netifo letingelapheki naletitsatselwanako etindzaweni letinyenti, kube netesabekiso netibonakaliso letikhulu letivela esibhakabhakeni.

Lukha 21:23

“Maye kulabo labayawube bakhulelwe, nakulabo labayakube bamunyisa tinswane kulawo malanga! Kuyakufika lusizi lolukhulu kulelive, nentfukutselo yaNkulunkulu iyakulwa nalesive;

Sembulo 6:8

Kwatsi chamu lihhashi lelimphofu, libito lemgibeli walo bekunguKufa, iHayidesi yamlandzela. Banikwa emandla etikwencenye yesine kukwemhlaba, kutsi bayibulale ngenkemba, nangendlala, nangesifo lesingelapheki, nangetilwane tesiganga.