Jeremiya 29:12 - Siswati 1996 Bible

¹² Niyawube seniyangibita-ke nite nitewuthandaza kimi, mine ngiyawuniva.

Jeremiya 29:12 Referencias Cruzadas

2 Tikhronike 33:13

Watsi nakathandaza kuye, Simakadze watsintseka ngalokuncusa kwakhe, wakulalela kutincengela kwakhe, wase umbuyisela emuva eJerusalema nasembusweni wakhe. Kusukela lapho-ke Manase wati kutsi Simakadze nguNkulunkulu.

2 Tikhronike 6:38

nase bagucukela kuwe ngayo yonkhe inhlitiyo yabo nangawo wonkhe umphefumulo wabo baseveni letitsa tabo letabatfumba, bathandaze kuwe babheke eveni lowalipha boyisemkhulu, edolobheni lolikhetsile nakulelithempeli lesengilakhele Libito lakho,

Jobe 22:27

Uyawuthandaza kuye, naye akuve, bese ugcwalisa tetsembiso takho.

Tihlabelelo 10:17

Yebo, Simakadze! Uyativa tifiso talabacotfo, ucinise nenhlitiyo yabo. Indlebe yakho iyabalalela,

Tihlabelelo 145:19

Wesutsisa kufisa kwabo bonkhe labamesabako, uyabeva nabakhalako, abasindzise.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Isaya 26:16

Simakadze, beta kuwe ekudzabukeni kwabo, ngesikhatsi ubajezisa babehluleka ngisho nekuhebeta umkhuleko.

Isaya 30:19

Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.

Isaya 65:24

Bayawutsi bangakangibiti, ngisabele, bayawutsi basakhuluma, ngive.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Jeremiya 33:3

‘Ngibite, ngitakuphendvula ngikutjele tintfo letinkhulu naletingaphenyeki, wena longatati.’

Jeremiya 50:4

Simakadze utsi: “Kulawo malanga, nangaleso sikhatsi, bantfu baka-Israyeli nebantfu bakaJuda bayawuhamba kanyekanye, bonkhe bayawukhala tinyembeti sebahamba bafunana naSimakadze Nkulunkulu wabo.

Jeremiya 51:50

“Nine leniphunyulile enkembeni, hambani ningabe nisalibala! Khumbulani Simakadze, niseveni lelikhashane, nicabange ngeJerusalema.”

Hezekeli 36:37

“Naku lokushiwo yiNkhosi Simakadze, itsi: Nangaloku ngiyawulalela kukhala kwendlu yaka-Israyeli, ngibentele naku: Ngiyawukwenta sive sabo sandze sibe ngangetimvu,

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”