Jeremiya 27:22 - Siswati 1996 Bible

²² ‘Tiyawutsatfwa tiyiswe eBhabhulona, lapho tiyawuhlala khona, kuze kube ngulelo langa lengiyawufika ngalo ngitilandze. Ngiyawube sengiyatitsatsa-ke ngitibuyisele kulendzawo yato,’ kusho Simakadze.”

Jeremiya 27:22 Referencias Cruzadas

2 Emakhosi 25:13

EmaBhabhulona afohlota letinsika telitfusi, netincodlana kanye nalelibhavu lelitfusi, lokwakusethempelini laSimakadze, betfwala lelitfusi baliyisa eBhabhulona.

2 Tikhronike 36:21

Live lase lijabula ngekuphumula kwangemaSabatha, ngaso sonkhe leso sikhatsi sekulahlwa kwalo, laphumula, kwaze kwaphela leminyaka lengema-70, kwagcwaliseka livi laSimakadze labelikhulume ngemlomo wemphrofethi Jeremiya.

Ezra 1:11

Sekukonkhe kwaba timphahla letatiti-5 400 tegolide netesiliva. Sheshbasari tonkhe letimphahla watiletsa ahamba nebatfunjwa nabaphuma eBhabhulona baya eJerusalema.

Ezra 7:19

Ubotetfula kuNkulunkulu waseJerusalema tonkhe letimphahla letibekwe etandleni takho kutsi tisetjentiswe enkonzweni yekukhonta ethempelini laNkulunkulu wakho.

Ezra 7:9

Luhambo lwakhe lwekusuka eBhabhulona abelucale ngelilanga lekucala enyangeni yekucala, eJerusalema wefika ngelilanga lekucala enyangeni yesihlanu, ngobe sandla lesihle saNkulunkulu sasisetikwakhe.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Jeremiya 20:5

Ngiyawubunikela bonkhe bunjinga balelidolobha etitseni tabo, sonkhe sivuno salo, konkhe kwalo lokuligugu, nayo yonkhe ingcebo yemakhosi akaJuda. Bayakuyitsatsa bahambe nayo ibe yimphango yabo, bayetfwale baye nayo eBhabhulona.

Jeremiya 27:21

Yebo, nguloko lokushiwo nguSimakadze longuSomandla, Nkulunkulu wema-Israyeli, mayelana naletimphahla letatisasele ethempelini laSimakadze, nasesigodlweni senkhosi yakaJuda, naseJerusalema, utsi:

Jeremiya 27:7

Tive tonkhe tiyawumkhonta, nendvodzana yakhe kanye nemtukulu wakhe, kuze kube sikhatsi lapho live lakhe liwa khona, tive letinyenti nemakhosi lamakhulu amehlule.

Jeremiya 29:10

“Naku lokushiwo nguSimakadze, utsi: ‘Naseyiphelile iminyaka lengema-70 yeBhabhulona, ngitawufika kini ngitewugcwalisa setsembiso sami semusa kutsi nginibuyise kulendzawo.

Jeremiya 32:5

Iyawutsatsa Sedekiya imyise eBhabhulona, lapho ayawuhlala khona ngize ngimcondzise, kusho Simakadze. Nanilwa nemaBhabhulona ngeke niphumelele.’ ”

Jeremiya 34:2

“Naku lokushiwo nguSimakadze, Nkulunkulu wema-Israyeli, utsi: Hamba uye kuSedekiya, inkhosi yakaJuda, ufike umtjele utsi: ‘Naku lokushiwo nguSimakadze, utsi: Lelidolobha sengitalinikela enkhosini yaseBhabhulona, futsi italibhubhisa ngemlilo.

Jeremiya 34:3

Ngeke uphunyule esandleni sakhe nase akubambile, kodvwa nakanjani utawutfunjwa unikelwe esandleni sakhe. Inkhosi yaseBhabhulona utayibona ngemehlo akho, futsi itawukhuluma nawe buso nebuso. Wena utakuya eBhabhulona.

Jeremiya 34:5

uyakufa ngekuthula. Njengobe bantfu benta umngcwabo wemlilo, bahlonipha boyihlo, emakhosi akucala lakwendvulela, kanjalo nawe bayawukwentela umlilo bakuhloniphe balile, batsi: “Maye! Awu, nkhosi!” Mine matfupha ngenta nasi setsembiso, kusho Simakadze.’ ”

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.

Danyela 9:2

ngemnyaka wakhe wekucala abekiwe, mine Danyela ngafundza ngeva kahle emiBhalweni njengekwelivi laSimakadze kuJeremiya, umphrofethi, kutsi kubhidlitwa kweJerusalema kuyawutsatsa iminyaka lengema-70, lapho iyawusala khona ikhala libhungane.