Jeremiya 27:19 - Siswati 1996 Bible

¹⁹ Ngobe ngunaku lokushiwo nguSimakadze longuSomandla mayelana netinsika, nanelwandle lolwakhelwe, netincodlana, naletinye nje-ke timphahla letisasele kulelidolobha,

Jeremiya 27:19 Referencias Cruzadas

1 Emakhosi 7:23

Huramu wakha libhavu ngelitfusi lelalincibilikisiwe, laba yindingilizi lengemamitha labengaba mane nesigamu bubanti, nemamitha labengaba mabili nesigamu kuphakama. Kwakuyintsambo lengemamitha labengaba li-13 nesigamu nalitungeletiswa.

1 Emakhosi 7:27

Huramu wakha netincodlana telitfusi letatilishumi, iyinye yayingemamitha labengaba mabili budze, nemamitha labengaba mabili bubanti, nelimitha linye nesigamu kuphakama.

2 Emakhosi 25:13

EmaBhabhulona afohlota letinsika telitfusi, netincodlana kanye nalelibhavu lelitfusi, lokwakusethempelini laSimakadze, betfwala lelitfusi baliyisa eBhabhulona.

2 Emakhosi 25:17

Nguleyo naleyo nsika yayingemamitha labengaba siphohlongo kuphakama. Nguleyo naleyo ngcongwane leyayakhelwe etikwaleyo naleyo nsika yayingaba limitha nesigamu kuphakama. Kutungeleta leyo naleyo ngcongwane kwakunemhlobiso lowawusamahananadza labentiwe ngelitfusi.

2 Tikhronike 36:18

Wabutsa tonkhe timphahla tasethempelini laNkulunkulu, watitfumba waya nato eBhabhulona, timphahla letincane, naletinkhulu kanye nengcebo yasethempelini laSimakadze nengcebo yenkhosi kanye neyetiphatsimandla tayo.

Sililo 1:10

Sitsa sabeka tandla taso kuyo yonkhe imicebo yayo; iJerusalema yabona betive bangena ethempelini layo, labo lowabalela kutsi bangene ebandleni lakho.

Danyela 1:2

Simakadze wanikela Jehoyakimu, inkhosi yakaJuda, kanye naletinye timphahla tasethempelini laNkulunkulu esandleni saNebukhadnezari. Letimphahla watetfwala watiyisa ethempelini lankulunkulu wakhe kulaseBhabhulona, wafike watibeka endlini yengcebo yankulunkulu wakhe.