Jeremiya 26:4 - Siswati 1996 Bible

⁴ Khuluma kubo utsi: ‘Naku lokushiwo nguSimakadze, utsi: Naningalaleli kimi nilandzele umtsetfo wami lengiwubeke embikwenu,

Jeremiya 26:4 Referencias Cruzadas

1 Emakhosi 9:6

“Kodvwa nangabe nine nome emadvodzana enu nigucuka, nisuka kimi, ningayigcini imiyalo yami netimiso tami lengininike tona, nisuke kuto niyewukhonta labanye bonkulunkulu nikhuleke kubo,

Isaya 1:20

kodvwa nanicinisa tinhloko nihlubuka, nitawudliwa yinkemba.” Umlomo waSimakadze sewukukhulumile loko.

Jeremiya 17:27

Kodvwa naningangilaleli mine, kutsi nigcine liSabatha lami lingcwele ngekutsi ningetfwali nalomncane umtfwalo ngesikhatsi nisangena emasangweni aseJerusalema ngeliSabatha, ngako ngiyawube sengilumeka umlilo longacimeki emasangweni aseJerusalema, loyawudla netinqaba tayo.’ ”

Jeremiya 22:5

Kodvwa nangabe aniyihloniphi lemiyalo, ngifunga ngami kutsi lesigodlo sitawuba tindzala, kusho Simakadze.’ ”

Jeremiya 32:23

Beta kulo bafike bangena balidla lelive; kodvwa abazange bakulalele wena nome bawulandzele umtsetfo wakho. Abazange bakwente loko wawubayale ngako kutsi bakwente. Ngako wase wehlisela etikwabo yonkhe lenhlekelele.

Jeremiya 44:10

Kuze kube ngulamuhla basengakatitfobi nome bakhombise inhlonipho, futsi abakaze bawulandzele umtsetfo wami netimiso tami lengatimisa embikwenu naboyihlo.

Jeremiya 44:23

Njengobe nitfuncise imphepho, nona kuSimakadze, nangete namlalela nome nilandzele umtsetfo wakhe, netimiso takhe, netecwayiso takhe, lenhlekelele seyehlele etikwenu, njengobe nibona nje lamuhla.”

Jeremiya 7:14

Ngako-ke loko lengakwenta eShilo, ngisetakwenta nanyalo kulendlu lebitwa ngeLibito lami, lelithempeli lenetsembele kulo, nendzawo lengayipha nine kanye naboyihlomkhulu.

Dutheronomi 11:32

nicaphele kutsi nitigcina tonkhe timiso nemitsetfo lengiyibeka lapha embikwenu lamuhla.”

Dutheronomi 31:20

Ngitawutsi ngingabangenisa kulelive leligcwele lubisi neluju lwetinyosi, live lengaletsembisa ngesifungo kubokhokho babo, futsi batsi bangadla besutse, banotse, bayawube sebaphambukela kulabanye bonkulunkulu babakhonte, bangilahle mine, bephule nesivumelwane sami.

Dutheronomi 4:44

Lona ngumtsetfo Mosi lawetfula embikwesive sema-Israyeli.

Dutheronomi 4:8

Ngusiphi nje lesinye sive lesikhulu kangangekutsi singaba nemiyalo nemitsetfo lelungile njengawo wonkhe lomtsetfo lenginifundzise wona lamuhla?

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.