Jeremiya 26:20 - Siswati 1996 Bible

²⁰ Manje-ke, bekukhona na-Uriya, umsa waShemaya, waseKhiriyathi Jeyarimu, abengulomunye webantfu labaphrofetha egameni laSimakadze; waphrofetha ngalelidolobha nangalelive njengawo onkhe lamavi aJeremiya.

Jeremiya 26:20 Referencias Cruzadas

1 Emakhosi 18:10

Ngifunga kuphila kwaSimakadze Nkulunkulu wakho kutsi inkhosi yami kute umbuso lapho ingakaze yatfumela khona umuntfu kutsi ayekukufuna. Bekutsi sive nome umbuso nawukulandvula utsi awukho, awufungise kutsi vele ungeke utfolakale lapho kuwo.

2 Emakhosi 23:37

Wenta lokubi emehlweni aSimakadze, njengobe bekwenta boyise.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 36:19

Letiphatsimandla tase titjela Bharuki, tatsi: “Wena naJeremiya, hambani niyewubhaca. Akubete namunye umuntfu lowatiko kutsi nikuphi.”

Joshuwa 15:60

KwakuyiKhiriyathi Bhali, lekuyiKhiriyathi Jeyarimu, neRabha, lekwaba ngemadolobha lamabili nemiti yawo.

Joshuwa 18:14

Wawusuka egcumeni lelibhekene neBhethi Horoni ngaseningizimu, lomnyele ujikele eningizimu ugudle ngasenshonalanga wendlulele eKhiriyathi Bhali, lekuyiKhiriyathi Jeyarimu, lidolobha lesive sakaJuda. Lona bekungumhlubulo wangasenshonalanga.

Joshuwa 9:17

Ngako ema-Israyeli ashuca aya khona, kwatsi ngelilanga lesitsatfu atseleka emadolobheni awo iGibeyoni, neKhefira, neBherothi, neKhiriyathi Jeyarimu.

1 Samuweli 6:21

Base batfuma tigijimi esiveni saseKhiriyathi Jeyarimu, batsi: “EmaFilisti asalibuyisile libhokisi lesivumelwane saSimakadze. Yehlani nitelitsatsa nikhuphukele nalo lapho eveni lenu.”

1 Samuweli 7:2

Kwaba sikhatsi lesidze, lesasingiminyaka lengema-20, seloku libhokisi lesivumelwane liseKhiriyathi Jeyarimu, sonkhe sive saka-Israyeli salila, sikhala kuSimakadze.