Jeremiya 26:10 - Siswati 1996 Bible

¹⁰ Kwatsi tiphatsimandla takaJuda nativa ngalesento, tesuka esigodlweni taphikelela khona ethempelini laSimakadze, tefike tahlala phansi etindzaweni tato, ekungeneni kweLisango Lelisha lelithempeli laSimakadze.

Jeremiya 26:10 Referencias Cruzadas

2 Emakhosi 15:35

Noko tindzawo letiphakeme tekukhontela tithico naye akazange atisuse, bantfu bachubeka nekunikelela kuto imihlatjelo, batfuncisa nemphepho khona. Jothamu wakha kabusha liSango lelingenhla lasethempelini laSimakadze.

2 Tikhronike 27:3

Jothamu wakha kabusha LiSango Lelingenhla lasethempelini laSimakadze, waphindze wenta umsebenti lomkhulu elubondzeni egcumeni i-Ofeli.

Jeremiya 20:2

watsi akushaywe Jeremiya, umphrofethi, abanjwe afakwe esitokisini lesingaseSangweni LakaBhenjamini Lelisetulu lelalisethempelini laSimakadze.

Jeremiya 26:21

Kwatsi inkhosi Jehoyakimu nato tonkhe tindvuna takhe netiphatsimandla takhe nativa lamavi a-Uriya, inkhosi yahlosa kumbulala. Kodvwa Uriya weva ngaloko, wase ubalekela eGibhithe ngenca yekwesaba.

Jeremiya 26:24

Kodvwa Ahikamu, umsa waShafani, wema ngakuJeremiya, ngako wangabe asaniketelwa kubantfu kutsi abulawe.

Jeremiya 34:10

Ngako tonkhe tindvuna nebantfu labangena kulesivumelwane bavumelana kutsi batatikhulula tigcili tabo letidvuna naletisikati, bangabe basabagcilata. Bavumelana, base bayatikhulula letigcili.

Jeremiya 34:19

Baholi bakaJuda nebaseJerusalema, nebatsenwa, nebaphristi kanye nabo bonkhe bantfu belive labebahamba emkhatsini waletincetu talelinkhonyane,

Jeremiya 36:10

Kwatsi Bharuki asekamelweni laGemariya, umsa waShafani, labengumabhalane, lelalisesibuyeni lesisetulu ekungeneni kweLisango Lelisha lasethempelini, wabafundzela bonkhe bantfu lababesethempelini laSimakadze emavi emphrofethi Jeremiya, awafundza kulencwadzi legocotwako.

Jeremiya 36:25

Kwala nome bo-Elnathani, naDelaya, naGemariya sebayincenga inkhosi kutsi ingayishisi lencwadzi legocotwako, ayizange seyifune nekuva kutsi batsini.

Hezekeli 22:27

Tiphatsimandla talo letisemkhatsini welive tifanana netimphisi letidladlabula tinyamatane tato; ticitsa ingati tibulale bantfu, khona titewutfola inzuzo lembi.

Hezekeli 22:6

“ ‘Ase ubuke kutsi leso naleso sikhulu saka-Israyeli lesikuwe siwasebentisa kanjani emandla aso ekucitseni ingati.